Matsya 194
Matsya 194
- Language
- Sanskrit
Contents
- 194.86 — 1 part
194.1
mārkaṇḍeya uvāca || || tatastvanarakaṃ gacchetsnānaṃ
tatra samācaret || snātamātro narastatra narakañca na paśyati
194.2
tasya tīrthasya māhātmyaṃ śṛṇu tvaṃ pāṇḍunandana || tasmiṃstastīrthe tu rājendra
yasyāsthīni vinikṣipet
194.3
vilayaṃ yānti sarvvāṇi rūpavāñjāyate naraḥ || gotīrthantu tato gatvā sarvvapāpātpramucyate
194.4
tato gacchettu
rājendra kapilātīrthamuttamam || tatra gatvā naro rājangosahasraphalaṃ labhet
194.5
jyeṣṭhamāsetu samprāpte caturdaśyāṃ viśeṣataḥ || tatropogya naro bhaktyā
kapilāṃ yaḥ prayacchati
194.6
ghṛtena dīpaṃ prajvālya ghṛtena snāpayecchivam || saghṛtaṃ śrīphalaṃ jagdhvā dattvā cānte pradakṣiṇam
194.7
ghaṇṭābharaṇasaṃyuktāṃ
kapilāṃ yaḥ prayacchati || śivatulyabalo bhūtvā naivāsau jāyate punaḥ
194.8
aṅgārakadine prāpte caturthyāntu viśeṣataḥ || pūjayettu śivaṃ bhaktyā brāhmaṇe
bhyaśca bhojanam
194.10
aṅgārakanavamyāntu amāyāñca viśeṣataḥ|| snāpayettatra yatnena rūpavānsubhago bhavet||9||ghṛtena snāpayelliṅgaṃ pūjayedbhaktito dvijān
puṣpakeṇa vimānena sahasraiḥ parivāritaḥ
194.11
śaivaṃ padamavāpnoti yatra cābhimataṃ bhavet || akṣayaṃ modate kālaṃ yathā rudrastathaiva saḥ
194.12
yadā tu karmmasaṃyogānmarttyalokamupāgataḥ || rājā bhavati dharmiṣṭho rūpavān jāyate kule
194.13
tato gacchecca rājendra ṛṣitīrthamanuttamam || tṛṇa
vindurnārma ṛṣiḥ śāpadagdho vyavasthitaḥ
194.14
tattīrthasya prabhāveṇa śāpamukto'bhavadvijaḥ || tato gacchettu rājendra gaṅgeśvaramanuttamam
194.15
śrāvaṇe
māsi samprāpte kṛṣṇapakṣe caturdaśī || snātamātro narastatra rudraloke mahīyate
194.16
pitṝṇāṃ tarpaṇaṃ kṛtvā mucyate ca ṛṇatrayāt || gaṅgeśvarasa
mīpe tu gaṅgāvadanamuttamam
194.17
akāmo vā sakāmo vā tatra snātvā tu mānavaḥ || ājanmajanitaiḥ pāpairmucyate nātra saṃśayaḥ
194.18
tatra tīrthe
naraḥ snātvā vrajedvai yatra śaṅkaraḥ || sarvvadā parvvadivase snānaṃ tatra samācaret
194.19
pitṝṇāṃ tarpaṇaṃ kṛtvā hyaśvamedhaphalaṃ labhet || prayāge yatphalaṃ dṛṣṭaṃ
śaṅkareṇa mahātmanā
194.20
tadeva nikhilaṃ dṛṣṭaṃ gaṅgāvadanasaṅgame || tasyaiva paścime sthāne samīpe nātidūrataḥ
194.21
daśāśvamedhajananaṃ triṣu lokeṣu
viśrutam || upoṣya rajanīmekāṃ māsi bhādrapade tathā
194.22
amāyāñca naraḥ snātvā vrajate yatra śaṅkaraḥ || sarvvadā parvvadivase snānaṃ tatra samācaret
194.23
pitṝṇāṃ tarpaṇaṃ kṛtvā cāśvamedhaphalaṃ labhet || daśāśvamedhātpaścimato bhṛgurbrāhmaṇasattamaḥ
194.24
divyaṃ varṣasahasrantu īśvaraṃ paryupāsata
valmīkaveṣṭitaścāsau pakṣiṇāñca niketanaḥ
194.25
āścaryyaṃ sumahajjātamumāyāḥ śaṅkarasya ca || gaurī papraccha deveśaṃ ko'yamevantu saṃsthitā || devo vā
dānavo vātha kathayasva maheśvara
194.26
maheśvara uvāca || || bhṛgurnāma dvijaśreṣṭha ṛṣīṇāṃ pravaro muniḥ || māṃ dhyāyate samādhistho varaṃ prārthayate priye
194.27
tataḥ prahasitā devī īśvaraṃ pratyabhāṣata || dhūmavattacchikhā jātā tato'dyāpi na tuṣyase || durārādhyo'si tena tvaṃ nātra kāryā vicāraṇā
194.28
maheśvara uvāca || || na jānāsi mahādevi hyayaṃ krodhena veṣṭitaḥ || darśayāmi yathātathyaṃ pratyayaṃ te karomyaham
194.29
tataḥ smṛto'tha
devena dharmarūpo vṛṣastadā || smaraṇāttasya devasya vṛṣaḥ śīghramupasthitaḥ || vadaṃstu mānuṣīṃ vācamādeśo dīyatāṃ prabho
194.30
bhagavānuvāca
valmīkaṃ tvaṃ khanasvainaṃ vipraṃ bhūmau nipātaya || yogasthastu tato dhyāyanbhṛgustena nipātitaḥ
194.31
tatkṣaṇātkrodhasantapto hastamutkṣipya so'śapat || evaṃ
sa bhāṣamāṇastu kutra gacchasi bho vṛṣa || adyāhaṃ samprakopeṇa pralayaṃ tvāṃ naye vṛṣa
194.32
dharṣitastu tadā viprāścāntarikṣaṃ gato vṛṣam || ākāśe prekṣate
vipra etadadbhutamuttamam
194.33
tatra prahasite rudra ṛṣiśce vyavasthitaḥ || tṛtīyalocanaṃ dṛṣṭvā vailakṣyātpatito bhuvi || praṇamya daṇḍavadbhūmau tuṣṭāva parame
śvaram
194.34
praṇipatya bhūtanāthaṃ bhavodbhavaṃ tvāmahaṃ divyarūpam || bhavātīto bhuvanapate prabho tu vijñāpaye kiñcit
194.35
tvadguṇanikarānvaktuṃ kaḥ śakto
bhavati mānuṣo nāma || vāsukirapi hi kadācidvadanasahasraṃ bhavedagrasya
194.36
bhaktyā tathāpi śaṅkara bhuvanapate tvatstutau mukharaḥ || vadataḥ kṣamasva bhagavanpra
sīda me tava caraṇapatitasya
194.37
sattvaṃ rajastamastvaṃ sthityutpattyorvināśane deva || tvāṃ muktvā bhuvanapate bhuvaneśnara naiva daivataṃ kiñcit
194.38
yamaniyama
yajñadānavedābhyāsāśca dhāraṇā yogaḥ || tvadbhakteḥ sarvvamidaṃ nārhati hi kalāsahasrāṃśam
194.39
ucchiṣṭarasrasāyanakhaḍgāñjanapādukāvivarasiddhiścā
cihnaṃ bhavavratānāṃ dṛśyati ceha janmani prakaṭam
194.40
śāṭhyena namati yadyapi dadāsi tvaṃ bhūtimicchato deva || bhaktirbhavabhedakarī mokṣāya vinirmmitā
nātha
194.41
paradāraparasvarataṃ paraparibhavaduḥkhaśokasantaptam || paravadanavīkṣaṇaparaṃ parameśvara māṃ paritrāhi
194.42
mithyābhimānadagdhaṃ kṣaṇabhaṅguravi
bhavavilasantam || krūraṃ kupathyābhimukhaṃ patitaṃ māṃ pāhi deveśa
194.44
dīne dvijagaṇasārthe bandhujanenaiva dūṣitā hyāśā || tṛṣṇā tathāpi śaṅkara kiṃ mūḍhaṃ māṃ
viḍambayati ||43||tṛṣṇāṃ harasva śīghraṃ lakṣmīṃ pradatsva yāvadāsinoṃ nityam || chindhi madamohapāśānuttāraya māṃ mahādeva
194.45
karuṇāmbudayaṃ nāma stotra
midaṃ sarvvasiddhidaṃ divyam || yaḥ paṭhati bhaktiyuktastasya tuṣyedgauryathā ca śivaḥ
194.46
īśvara uvāca || || ahaṃ tuṣṭo'smi te vatsa prārthayasvepsitaṃ varam
umayā sahito devo varaṃ tasya hyadāpayat
194.47
bhṛguruvāca || || yadi tuṣṭosi deveśa yadi deyo varo mama || rudravedī bhaveddevametatsampādayasva me
194.48
īśvara uvāca || || evaṃ bhavatu viprendra krodhasthānaṃ bhaviṣyati || na pitāputrayoścaiva tvaikamatyaṃ bhaviṣyati
194.49
tadāprabhṛti brahmādyā sarvvedevāḥ
sakinnarāḥ || upāsate bhṛgostīrthaṃ tuṣṭo yatra maheśvaraḥ
194.50
darśanāttasya tīrthasya sadyaḥ pāpātpramucyate || avaśāḥ svavaśā vāpi mriyante yatra
jantavaḥ
194.51
guhyātiguhyā sugatisteṣāṃ niḥsaṃśayaṃ bhavet || etatkṣetraṃ suvipulaṃ sarvvapāpapraṇāśanam
194.52
tatra snātvā divaṃ yānti ye mṛtā
ste'punarbhavāḥ || upānahau ca chatrañca deyamannañca kāñcanam
194.53
bhojanañca yathāśaktyā hyakṣayañca tathā bhavet || sūryyoparāge yo dadyāddānañcaiva
yathecchayā
194.54
dīyamānantu taddānamakṣayaṃ tasya tadbhavet || candrasūryyoparāgeṣu yatphalantatvamaraṇṭake
194.55
tadeva nikhilaṃ puṇyaṃ bhṛgutīrthe
na saṃśayaḥ|| kṣaranti sarvvadānāni yajñadānatapaḥkriyāḥ
194.56
na kṣarettu tapastataṃ bhṛgutīrthe yudhiṣṭhira || yasya vai tapasogreṇa tuṣṭenaiva tu śambhunā
194.57
sānnidhyaṃ tatra kathitaṃ bhṛgutīrthe narādhipa || prakhyātaṃ triṣu lokeṣu yatra tuṣṭo maheśvaraḥ
194.58
evantu vadate devo bhṛgutīrthamanuttamam
na jānanti narā mūḍhā viṣṇumāyāvimohitāḥ
194.59
narmmadāyāṃ sthitaṃ divyaṃ bhṛgutīrthaṃ narādhipa || bhṛgutīrthasya māhātmyaṃ yaḥ śṛṇoti naraḥ
kvacit
194.60
vimuktaḥ sarvvapāpebhyo rudralokaṃ sa gacchati || tato gacchettu rājendra gautameśvaramuttamam
194.61
tatra snātvā naro rājannu
pavāsaparāyaṇaḥ || kāñcanena vimānena brahmaloke mahīyate
194.62
dhautapāpaṃ tato gacchetkṣetraṃ yatra vṛṣeṇa tu || narmmadāyāṃ kṛtaṃ rājansarvvapā
takanāśanam
194.63
tatra tīrthe naraḥ snātvā brahmahatyāṃ vimuñcati || tasmiṃstīrthe tu rājendra prāṇatyāgaṃ karoti yaḥ
194.64
caturbhu
jastrinetraśca śivatulyabalo bhavet || vasetkalpādyutaṃ sāgraṃ śivatulyaparākramaḥ
194.65
kālena mahatā prāptaḥ pṛthivyāmekarāḍ bhavet || tato
gacchecca rājendra airaṇḍītīrthamuttamam
194.66
prayāge yat phalaṃ dṛṣṭaṃ mārkaṇḍeyena bhāṣitam || tat phalaṃ labhate rājan snātamātro hi mānavaḥ
194.67
māsi bhādrapade caiva śuklapakṣe caturdaśī || upoṣya rajanīmekāṃ tasmin snānaṃ samācaret || yamadūtairna bādhyate rudralokaṃ sa gacchati
194.68
tato gacchettu
rājendra siddho yatra janārddanaḥ|| hiraṇyadīpeti vikhyātaṃ sarvvapāpapraṇāśanam
194.69
tatra snātvā naro rājan dhanavān rūpavān bhavet || tato
gacchettu rājendra tīrthaṃ kanakhalaṃ mahat
194.70
garuḍena tapastaptaṃ tasmiṃstatīrthe narādhipa || prakhyātaṃ triṣu lokeṣu yoginī tatra tiṣṭhati
194.71
krīḍate
yogibhiḥ sārddhaṃ śivena saha nṛtyati || tatra snātvā naro rājan rudraloke mahīyate
194.72
tato gacchettu rājendra haṃsatīrthamanuttamam || haṃsāstatra vini
rmmuktā gatā ūrddhaṃ na saṃśayaḥ
194.73
tato gacchettu rājendra siddho yatra janārddanaḥ || vārāhaṃ rūpamāsthāya arcitaḥ parameśvaraḥ
194.74
varāhatīrthe naraḥ
snātvā dvādaśyāntu viśeṣataḥ|| viṣṇulokamavāpnoti narakaṃ na ca paśyati
194.75
tato gacchettu rājendra candratīrthamanuttamam || paurṇamāsyāṃ viśe
ṣeṇa snānaṃ tatra samācaret
194.76
snātamātro narastatra candraloke mahīyate||dakṣiṇena tu tīreṇa kanyātīrthantu viśrutam
194.77
śuklapakṣe tṛtīyāyāṃ
snānaṃ tatra samācaret || praṇipatya tu ceśānaṃ balistena prasīdati
194.78
hariścandrapuraṃ divyamantarikṣe ca dṛśyate || śakradhvaje samāvṛtte supte nāgārike
tane
194.79
narmmadāsali laughena tarūn saṃplāvayiṣyati || asmin sthāne nivāsaḥ syādviṣṇoḥ śaṅkaramabravīt
194.80
dvīpeśrvare naraḥ snātvā labhedbahu
suvarṇakam || tato gacchettu rājendra kanyātīrthaṃ susaṅgrame
194.81
snātamātro narastatra devyāḥ sthānamavāpnuyāt || devatīrthaṃ tato gacchet sarvvatīrthe
manuttamam
194.82
tatra snātvā tu rājendra daivataiḥ saha modate || tato gacchecca rājendra śikhitīrthamanuttamam
194.83
yat tatra dīyate dānaṃ sarvvaṃ koṭi
guṇaṃ bhavet || aparapakṣe tvamāyāntu snānaṃ tatra samācaret
194.84
brāhmaṇaṃ bhojayedekaṃ koṭirbhavati bhojitā || bhṛgutīrthentu rājendra tīrthakoṭirvyava
sthitā
194.85
akāmo vā sakāmo vā tatra snānaṃ samācaret || aśvamedhamavāpnoti daivataiḥ saha modate
194.86
tatra siddhiṃ parāṃ prāpto bhṛgustu munipuṃ
ṅgavaḥ || avatāraḥ kṛtastatra śaṅkareṇa mahātmanā
194.86.p1
iti śrīmātsye mahāpurāṇe narmmadāmāhātmye trinavatyadhikaśatatamo'dhyāyaḥ
Linked texts (7)
- Padmapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Revākhaṇḍa (Vāyupurāṇa) — Sanskrit
- Varāhapurāṇa — Vyāsa, Sanskrit
- Kūrmapurāṇa (Ananta Gokhale) — Ananta Gokhale, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Narmadāmāhātmya — Sanskrit