Matsya 199
Matsya 199
- Language
- Sanskrit
Contents
- 199.20 — 1 part
199.1
matsya uvāca || || atrerevāparaṃ
vaṃśaṃ tava vakṣyāmi pārthiva || atreḥ somaḥ sutaḥ śrīmāṃstasya vaṃśodbhavo nṛpa
199.2
viśvāmitrastu tapasā brāhmaṇyaṃ samavāptavān || tasya vaṃśamahaṃ vakṣye
tanme nigadataḥ śṛṇu
199.3
viśvāmitro devarātastathā vaikṛtigālavaḥ|| vataṇḍañca śalaṅkañca hyabhayaścāyatanaḥ
199.4
śyāmāyanā yājñavalkyā jāvālāḥ
saindhavāyanāḥ || bābhravyāśca karīṣāśca saṃśrutyā atha saṃśrutāḥ
199.5
ulṛpā aupahāvāśca payojanapādapāḥ || kharavāco halayamāḥ sādhitā vāstu kau
śikāḥ
199.6
tryārṣeyāḥ pravarāsteṣāṃ sarvveṣāṃ parikīrttitāḥ || viśvāmitro devarāta uddālaśca mahāyaśāḥ
199.7
parasparamavaivāhyā ṛṣayaḥ
parikīrttitāḥ|| devaśravāḥ sujāteyāḥ saumukāḥ kārukāyaṇāḥ
199.8
tathā vaideharātā ye kuśikāśca narādhipa || tryārṣeyo'bhimatasteṣāṃ sarvveṣāṃ
pravaraḥ śubhaḥ
199.9
devaśravā devarāto viśvāmitrastathaiva ca || parasparamavaivāhyā ṛṣayaḥ parikīrttitāḥ
199.10
dhanañjayaḥ kaparddeyaḥ parikūṭaśca
pārthiva || pāṇiniścaiva tryārṣeyāḥ sarvva ete prakīrttitāḥ
199.11
viśvāmitrastathādyaśca mādhucchandasa eva ca || tryārṣeyāḥ pravarā hyete ṛṣayaḥ
parikīrttitāḥ
199.12
viśvāmitro madhucchandāstathā caivāghamarṣaṇaḥ || parasparamavaivāhyā ṛṣayaḥ parikīrttitāḥ
199.13
kāmalāyanijaścaiva
aśmarathyastathaiva ca || babhruścaivāpi tryārṣeyaḥ sarvveṣāṃ pravaro mataḥ
199.14
viśvāmitraścāśmaratho babhruśca mahātapāḥ || parasparamavaivāhyā ṛṣayaḥ parikīrttitāḥ
199.15
viśvāmitro lohitaśca aṣṭakaḥ pūraṇastathā || viśvāmitraḥ pūraṇaśca tayordvau pravarau smṛtau
199.16
parasparamavaivāhyāḥ
pūraṇāśca parasparam || lohitā aṣṭakāścaiṣāṃ tryārṣeyāḥ parikīrttitāḥ
199.17
viśvāmitro lohitaśca aṣṭakaśca mahātapāḥ || aṣṭakā lohitairnityamavai
vāhyāḥ parasparam
199.18
udareṇuḥ krathakaśca ṛṣiścodāvahistathā || śāḷyāyaniḥ karīrāśī śālaṅkāyanilāvakī || mauñjāyaniśca bhagavāṃstryārṣeyāḥ parikīrttitāḥ
199.19
khilikhilistathāvidyo viśvāmitrastathaiva ca || parasparamavaivāhyā ṛṣayaḥ parikīrttitāḥ
199.20
ete tavoktāḥ kuśikā narendra
mahānubhāvāḥ satataṃ dvijendrāḥ || yeṣāntu nāmnā parikīrttitena pāpaṃ samagraṃ puruṣo jahāti
199.20.p1
iti śrīmātsye mahāpurāṇe pravarānukīrttane viśvāmitravaṃśānuvarṇanaṃ nāmāṣṭanavyatyadhikaśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Gotrapravaranibandhakadamba — Sanskrit