Pramāṇa · Search · About · API

Matsya 2

Matsya 2

Language
Sanskrit

Contents

2.1

cha || || sūta uvāca || || evamukto manustena papraccha madhusūdanam || bhagavankiyadvarṣairbhaviṣyatyantarakṣayaḥ

2.2

sattvāni ca kathaṃ nātha rakṣiṣye madhusūdana || tvayā saha punaryyogaḥ kathaṃ vā bhavitā mama

2.3

matsya uvāca || || adyaprabhṛtyanāvṛṣṭirbhaviṣyati
mahītale || yāvadvarṣaśataṃ sāgraṃ durbhikṣamaśubhāvaham

2.4

tato'lpasattvakṣayadā raśmayaḥ sapta dāruṇāḥ || saptasapterbhaviṣyanti prataptāṅgāravarṇinaḥ

2.5

aurvvānalo'pi vikṛtiṃ gamiṣyati yugakṣaye || viṣāgniścāpi pātālānsaṅkarṣaṇamukhacyutaḥ || bhavasyāpi lalāṭotthatṛtīyanayanānalaḥ

2.6

trijaga
nnirdahankṣobhaṃ sameṣyati mahāmune || evaṃ dagdhā mahī sarvvā yadā syādbhasmasannibhā

2.7

ākāśamūṣmaṇā taptaṃ bhaviṣyati parantapa || tataḥ sadeva
nakṣatraṃ jagadyāsyati saṃkṣayam

2.8

saṃvartto bhīmanādaśca droṇaścaṇḍo balāhakaḥ || vidyutpatākaḥ śoṇastu saptaite layavāridāḥ

2.9

agniprasvedasa
mbhūtāṃ plāvayiṣyanti medinīm || samudrāḥ kṣobhamāgatya caikatvena vyavasthitāḥ

2.10

etadekārṇavaṃ sarvvaṃ kariṣyanti jagattrayam || vedanāvamimāṃ gṛhya
sattvabījāni sarvvaśaḥ

2.11

āropya rajjuyogena matpradattena suvrata || saṃyamya nāvaṃ macchṛṅge matprabhāvābhirakṣitaḥ

2.12

ekaḥ sthāsyasi
deveṣu dagdheṣvapi parantapa || somasūryāvahaṃ brahmā caturlokasamanvitaḥ

2.13

narmmadā ca nadī puṇyā mārkaṇḍeyo mahārṣiḥ || bhavo vedāḥ
purāṇāni vidyābhiḥ sarvvatovṛtam

2.14

tvayā sārddhamidaṃ viśvaṃ sthāsyatyantarasaṃkṣaye || evamekārṇave jāte cākṣuṣāntarasaṃkṣaye

2.15

vedānpravarttayiṣyāmi tvatsārgādau mahīpate || evamuktvā sa bhagavāṃstatraivāntaradhīyata

2.16

manurapyāsthito yogaṃ vāsudevaprasādajam
abhyasannāvadābhūtasaṃplavaṃ pūrvvasūcitam

2.17

kāle yathokte sañjāte vāsudevamukhodgate || śṛṅgī prādurbabhūvātha matsyarūpī janārddanaḥ

2.18

bhujaṅgo rajjurūpeṇa manoḥ pārśvamupāgamat || bhūtānsarvvānsamākṛṣya yogenāropya dharmmavit

2.19

bhujaṅgarajjvā matsyasya śṛṅge nāvamayojaya
t || uparyupasthitastasyāḥ praṇipatya janārddanam

2.20

ābhūtasaṃplave tasminnatīte yogaśāyinā || pṛṣṭena manunā proktaṃ purāṇaṃ matsyarūpiṇā
tadidānīṃ pravakṣyāmi śṛṇudhvamṛṣisattamāḥ

2.21

yadbhavadbhiḥ purā pṛṣṭaḥ sṛṣṭyādikamahaṃ dvijāḥ || tadevaikārṇave tasminmanuḥ papraccha keśavam

2.22

manuruvāca || utpattiṃ pralayañcaiva vaṃśānmanvantarāṇi ca || vaṃśyānucaritañcaiva bhuvanasya ca vistaram

2.23

dānadharmmavidhiñcaiva
śrāddhakalpañca śāśvatam || varṇāśramavibhāgañca tatheṣṭāpūrttasaṃjñitam

2.24

devatānāṃ pratiṣṭhādi yaccānyadvidyate bhuvi || tatsarvvaṃ vistareṇa tvaṃ dharmmaṃ
vyākhyātumarhasi

2.25

matsya uvāca || || mahāpralayakālānta etadāsīttamomayam || prasuptamiva cātarkyamaprajñātamalakṣaṇam

2.26

avi
jñeyamavijñātaṃ jagatsthāsnu cariṣṇu ca || tataḥ svayambhūravyaktaḥ prabhavaḥ puṇyakarmmaṇām

2.27

vyañjayannetadakhilaṃ prādurāsīttamomudaḥ || yo'tī
ndriyaḥ paro vyaktādaṇurjyāyānasanātanaḥ || nārāyaṇa iti khyātaḥ sa eka svayamudbabhau

2.28

yaḥ śarīrādabhidhyāya sisṛkṣurvividhaṃ jagat || apa
eva sasarjādau tāsu bījamavāsṛjat

2.29

tadevāṇḍaṃ samabhavaddhemarūpyamayaṃ mahat || saṃvatsarasahasreṇa sūryyāyutasamaprabham

2.30

praviśyānta
rmahātejāḥ svayamevātmasambhavaḥ || prabhāvādapi tadvyāptyā viṣṇutvamagamatpunaḥ

2.31

tadantarbhagavāneṣa sūryyaḥ samabhavatpurā || ādityaścā
dibhūtatvādvrahmā brahma paṭhannabhūt

2.32

divaṃ bhūmiṃ samakarottadaṇḍaśakaladvayam || sa cākaroddiśaḥ sarvvā madhye vyoma ca śāśvatam

2.33

jarāyurmerumukhyāśca śailāstasyābhavaṃstadā || yadulvaṃ tadabhūnmeghastaḍitsaṅghātamaṇḍalam

2.34

nadyo'ṇḍanāmnaḥ sambhūtāḥ pitaro manavastathā
sapta ye'mī samudrāśca te'pi cāntarjalodbhavāḥ || lavaṇeṣusurādyāśca nānāratnasamanvitāḥ

2.35

sa sisṛkṣurabhūddevaḥ prajāpatirarindama || tattejasaśca
tatraiṣa mārttaṇḍaḥ samajāyata

2.36

mṛte'ṇḍe jāyate yasmānmārttaṇḍastena saṃsmṛtaḥ || rajoguṇamayaṃ yattadrūpaṃ tasya mahātmanaḥ || caturmukhaḥ sa bhaga
vānabhūllokapitāmahaḥ

2.37

yena sṛṣṭaṃ jagat sarvvaṃ sadevāsuramānuṣam || tamavehi rajorūpaṃ mahattattvamudāhṛtam

2.37.p1

iti śrīmatsye mahāpu rāṇe ādisarge brahmāṇḍadalanaṃ nāma dvitīyo'dhyāyaḥ

Linked texts (3)