Matsya 20

Language: Sanskrit

20.41 — 1 part

20.1

ṛṣaya ūcuḥ || kathaṃsattvarutajño'bhūdbrahmadatto dharāle || taccābhavatkasya kule cakravākacatuṣṭayam

20.2

sūta uvāca || || tasminne
va pure jātāste ca cakrāhvāyāstadā || vṛddhadvijasya dāyādā viprā jātismarāḥ purā

20.3

dhṛtimāṃstattvadarśī ca vidyācaṇḍastapotsukaḥ
nāmataḥ karmmataścaite sudaridrasya te sutāḥ

20.4

tapase buddhirabhavattadā teṣāṃ dvijanmanām || yāsyāmaḥ paramāṃ siddhimityūcuste dvijotta
māḥ

20.5

tatastadvacanaṃ śrutvā sudaridro mahātapāḥ || uvāca dīnayā vācā kimetaditi putrakāḥ

20.6

adharmma eṣa iti vaḥ pitā
tānabhyavārayat || vṛddhaṃ pitaramutsṛjya daridraṃ vanavāsinaḥ

20.7

ko nu dharmmo'tra bhavitā mattayāgādṛtereva vā || ūcuste kalpitā vṛttistava
tāta vadasva tat

20.8

vittametatpuro rājñaḥ sa te dāsyati puṣkalam || dhanaṃ grāmasahasrāṇi prabhāte paṭhatastava

20.9

ye vipramukhyāḥ
kurujāṅgaleṣu dāśārūstathā dāśapure mṛgāśca || kālañjare sapta ca cakravākā ye mānase te vayamatra siddhāḥ

20.10

ityuktvā pitaraṃ jagmuste vanaṃ
tapase punaḥ || vṛddho'pi rājabhavanaṃ jagāmātmārthasiddhaye

20.11

anagho nāma vaibhrājaḥ pāñcālādhipatiḥ purā || putrārthī devadeveśaṃ hariṃ nārāyaṇaṃ prabhum

20.12

ārādhayāmāsa vibhuṃ tīvavrataparāyaṇaḥ || tataḥ kālena mahatā tuṣṭastasya janārddanaḥ

20.13

varaṃ vṛṇīṣva bhadraṃ te hṛdayenepsitaṃ nṛpa
evamuktastu devena vavre sa varamuttamam

20.14

putraṃ me dehi deveśa mahābalaparākramam || pāragaṃ sarvvaśāstrāṇāṃ dhārmikaṃ yogināṃ param

20.15

sarvvasattvarutajñaṃ me dehi yoginamātmajam || evamastviti viśvātmā tamāha parameśvaraḥ

20.16

paśyatāṃ sarvvadevānāṃ tatraivāntaradhīyata || tataḥ sa tasya
putro'bhūdbrahmadattaḥ pratāpavān

20.17

sarvvasattvānukampī ca sarvvasattvabalādhikaḥ || sarvvasattvarutajñaśca sarvvasattveśvareśvaraḥ

20.18

ahasattena
yogātmā sa pipīlikarāgataḥ || yatra tatkīṭamithunaṃ ramamāṇamavasthitam

20.19

tataḥ sā sannatirdṛṣṭvā taṃ hasantaṃ suvismitā || kiñcapyāśaṅkya
manasā tamapṛcchannareśvaram

20.20

sannatiruvāca || || akasmādatihāsaste kimarthamabhavannṛpa || hāsyahetuṃ na jānāmi yadakāle
kṛtaṃ tvayā

20.21

sūta uvāca || || avadadvājaputro'pi sa pipīlikabhāṣitam || rāgavāgbhiḥ samutpannametaddhāsyaṃ varānane

20.22

na cānyatkāraṇaṃ kiñciddhāsyahetau śucismite || na sāmanyattadā devī prāhālīkamidaṃ vacaḥ

20.23

ahamevādya hasitā na jīviṣye tvayādhunā
kathaṃ pipīlikālāpaṃ martyo vetti vinā surān

20.24

tasmāttvayāhameveha hasitā kimataḥ param || tato niruttaro rājā jijñāsustatpuro hareḥ

20.25

āsthāya niyamaṃ tasthau saptarātramakalmaṣaḥ || svapne prāha hṛṣīkeśaḥ prabhāte paryaṭanpuram

20.26

vṛddhadvijo yahadvākyāttatsarvvaṃ jñāsyasyaśeṣataḥ
ityuktvāntardadhe viṣṇuḥ prabhāte'tha nṛpaḥ purāt

20.27

nirgacchanmantrisahitaḥ sabhāyau vṛddhamagrataḥ || gadantaṃ vipramāyāntaṃ taṃ vṛddhaṃ sandadarśa ha

20.28

brāhmaṇa uvāca || || ye vipramukhyāḥ kurujāṅgaleṣu dāśāstathā dāśapure mṛgāśca || kālañjare sapta ca cakravākā ye mānase te vayamatra
siddhāḥ

20.29

sūta uvāca || || ityākarṇya vacastābhyāṃ sa papāta śucā tataḥ || jātismaratvamagamattau ca mantrivarāvubhau

20.30

kāmajñā
tnapraṇetā ca bābhravyastu subālakaḥ || pāñcāla iti lokeṣu viśrutaḥ sarvaśāstravit

20.31

kaṇḍarīko'pi dharmmātmā vedaśāstrapravarttakaḥ || bhūtvā jāti
smarau śokātpatitāvagratastadā

20.32

hā vayaṃ yogavibhraṣṭāḥ kāmataḥ karmmabandhanāḥ || evaṃ vilapya bahuśaścatrayaste yogapāragāḥ

vismayācchrā
ddhamāhātmyamabhinandya punaḥ punaḥ||tatastasmai dhanaṃ dattvā prabhūtāgrāmasaṃyutam||33||visṛjya brāhmaṇaṃ tañca vṛddhaṃ dhanamudānvitam||ātmīyaṃ nṛpatiḥ putraṃ nṛpalakṣaṇa
saṃyuktam||34||viṣvaksenābhidhānantu rājā rājye'bhyaṣecayat ||mānase militāḥ sarvve tataste yogino varāḥ

Linked texts (2)

Matsyapurāṇa — Vyāsa, Sanskrit
Padmapurāṇa — Vyāsa, Sanskrit

Matsya 20

Contents

Linked texts (2)