Matsya 201

matsya uvāca || || vasiṣṭhavaṃśajānviprānnibodha vadato mama
ekārṣeyastu pravaro vāsiṣṭhānāṃ prakīrttitaḥ

vasiṣṭhā eva vāsiṣṭhā avivāhyā vasiṣṭhajaiḥ || vyāghrapādā aupagavā vaikuvāḥ śādvalāyanāḥ

kapiṣṭhalā aupalomā alabdhāśca śaṭhāḥ kaṭhāḥ || gaupāyanā bodhapāśca dākavyā hātha vāhyakāḥ

vāliṅkhyāḥ pāliśayāstato vāggranthayaśca ye
āpasthūṇāḥ śītavṛttāstathā brāhmapureyakāḥ

lomāyanāḥ svastikarāḥ śāṇḍilirgauḍinistathā || vāḍohaliśca sumanāścāpāvṛddistathaiva ca

caulirvolirbrahmavalaḥ pauliḥ śravasa eva ca || pauḍavo yājñavalkyaśca ekārṣeyā maharṣayaḥ

vasiṣṭha eṣāṃ pravaro hyavaivāhyāḥ parasparam || śailālayo
mahākarṇaḥ kauravyaḥ krodhinastathā

kapiñjalā vālakhilyā bhāgavittāyanāśca ye || kaulāyanaḥ kālaśikhaḥ korakṛṣṇāḥ surāyaṇāḥ

śākāhāryāḥ śākadhiyaḥ kāṇvā upalapāśca ye || śākāyanā uhākāśca atha māṣaśarāvayaḥ

dākāyanā bālavayo vākayo gorathāstathā
lambāyanāḥ śyāmalavayo ye ca kroḍodarāyaṇāḥ

pralambāyanāśca ṛṣaya aupamanyava eva ca || sāṃkhyāyanāśca ṛṣayastathā vai vedaśerakāḥ

pālaṅkāyana udvāhā ṛṣayaśca balekṣavaḥ || māteyā brahmavalinaḥ parṇāgāristathaiva ca

tryārṣeyo'bhimataścaiṣāṃ sarvveṣāṃ pravarastathā
bhṛgīvasarvvasiṣṭhaśca indrapramadireva ca

parasparamavaivāhyā ṛṣayaḥ parikīrttitāḥ || aupasthalāsvasthalyo pālo hālo halāśca ye

mādhyandino mākṣatayaḥ paippalādirvicakṣuṣaḥ || traiśśṛṅgāyaṇasaibalkāḥ kuṇḍinaśca narottama

tryārṣeyābhimatāścaiṣāṃ sarvveṣāṃ pravarāḥ śubhāḥ || vasiṣṭhamitrā
varuṇau kuṇḍinaśca mahātapāḥ

parasparamavaivāhyā ṛṣayaḥ parikīrttitāḥ || śivakarṇo vayaścaiva pādapaśca tathaiva ca

tryārṣeyo'bhimataścaiṣāṃ
savvaiṣāṃ pravarastathā || jātūkarṇyo vasiṣṭhaśca tathaivātriśca pārthiva || parasparamavaivāhyā ṛṣayaḥ parikīrttitāḥ

vasiṣṭhavaṃśo'bhihitā mayaite ṛṣi
pradhānāḥ satataṃ dvijendrāḥ || yeṣāntu nāmnā parikīrttitena pāpaṃ samagraṃ puruṣo jahāti

iti śrīmatsye mahāpurāṇe pravarānukīrttane vasiṣṭha gotrānuvarṇanaṃ nāma dviśatatamo'dhyāyaḥ

Linked texts (1)