Matsya 202
Matsya 202
- Language
- Sanskrit
Contents
- 202.40 — 1 part
202.1
cha || || matsya uvāca || || vasiṣṭhastu mahātejā nimeḥ pūrvvapurohitaḥ || babhūvuḥ pārthivaśreṣṭha yajñā
stasya samantataḥ
202.2
śrāntātmā pārthivaśreṣṭha viśrāma tadā guruḥ || taṃ gatvā pārthivaśreṣṭho nimirvvacanamabravīt
202.3
bhagavanyaṣṭumicchāmi tanmāṃ
yājaya mā ciram || tamuvāca mahātejā vasiṣṭhaḥ pārthivottamam
202.4
kañcitkālaṃ pratīkṣasva tava yajñaiḥ susattamaiḥ || śrānto'smi rājanviśramya yājayi
ṣyāmi te nṛpa
202.5
evamuktaḥ pratyuvāca vasiṣṭhaṃ nṛpasattamaḥ || pāralaukikakāyarye tu kaḥ pratīkṣitumutsahet
202.7
na ca me sauhṛdaṃ brahmankṛtāntena balī
yasā || dharmmakāyarye tvarā kāryā calaṃ yasmāddhi jīvitam||6||dharmmapathyaudano janturmṛto'pi sukhamaśnute || śvaḥkāryyamadya kurvīta pūrvāhne cāparāhnikam
202.8
na hi pratīkṣate mṛtyuḥ kṛtañcāsya na vā kṛtam || kṣetrāpaṇagṛhasaktamanyatragatamānasam
202.9
vṛkīvoraṇamāsādya mṛtyurādāya gacchati || naikāntena
priyaḥ kaściddeṣyaścāsya na vidyate
202.10
āyuṣye karmmaṇi kṣīṇe prasahya harate janam || prāṇavāyoścalatvañca tvayā viditameva ca
202.11
yadatra jīvyate
brahman kṣaṇamātraṃ tadadbhutam || śarīraṃ śāśvataṃ manye vidyābhyāse dhanārjane
202.12
aśāśvataṃ dharmmakāyarye ṛṇavānasmi saṅkaṭe || so'haṃ saṃbhṛtasambhāro
bhavantamupāmataḥ
202.13
na cedyājayase māṃ tvamanyaṃ yāsyāmi yājakam || evamuktastadā tena niminā brāhmaṇottamaḥ
202.14
śaśāpa taṃ nimiṃ
krodhādvidehastvaṃ bhaviṣyasi || śrāntaṃ māṃ tvaṃ samutsṛjya yasmādanyaṃ dvijottamam
202.16
dharmmajñastu narendra tvaṃ yājakaṃ karttumicchasi || nimistaṃ pratyu
vācātha dharmmakāyaryaratasya me ||15||vighnaṃ karoṣi nānyena yājanañca tathecchasi|| śāpaṃ dadāsi yasmāt tvaṃ videho'tha bhaviṣyasi
202.17
evamukte tu tau
jātau videhau dvijapārthivau || dehahīnau tayorjīvau brahmāṇamupajagmatuḥ
202.18
tāvāgatau samīkṣyātha brahmā vacanamabravīt || adyaprabhṛti te sthānaṃ nimijīva
dadāmyaham
202.19
netrapakṣmasu sarvveṣāṃ tvaṃ vasiṣyasi pārthiva || tvatsambandhāttathā teṣāṃ nimeṣaḥ sambhaviṣyati
202.20
cālayiṣyanti tu tadā netra
pakṣmāṇi mānavāḥ || evamukte manuṣyāṇāṃ netrapakṣmasu sarvvaśaḥ
202.21
jagāma nimijīvastu varadānātsvayambhuvaḥ || vasiṣṭhajīvaṃ bhagavānbrahmā vacanamabra
vīt
202.22
mitrāvaruṇayoḥ putro vasiṣṭha tvaṃ bhaviṣyasi || vasiṣṭhesi ca te nāma tatrāpi ca bhaviṣyati
202.23
janmadvayamatītañca tatrāpi tvaṃ smari
ṣyasi || etasminneva kāle tu mitraśca varuṇastathā
202.24
badaryyāśramamāsādya tapastepaturavyayam || tapasyatostayorevaṃ kadācinmādhave ṛtau
202.25
puṣpitadrumasaṃsthāne śubhe dayitamārute || urvaśī tu varārohā kurvvatī kusumoccayam
202.26
susūkṣmaraktavasanā tayordṛṣṭipathaṃ gatā || tāṃ dṛṣṭvendu
mukhīṃ subhrū nīlanorajalocanām
202.27
ubhau cukṣubhaturdevau tadrūpaparimohitau || tapasyatostayorvvīryyamaskhalacca mṛgāsane
202.28
skannaṃ retastato
dṛṣṭvā śāpabhītau parasparam || cakratuḥ kalaśe śuklaṃ toyapūrṇe manorame
202.29
tasmādṛṣivarau jātau tejasāpratimau bhuvi || vasiṣṭhaścāpyagastyaśca
mitrāvaruṇayordvayoḥ
202.30
vasiṣṭhastūpayeme'tha bhaginīṃ nāradasya tu || arundhatīṃ varārohāṃ tasyāṃ śaktimajījanat
202.31
śakteḥ parāśaraḥ putrastasya
vaṃśaṃ nibodha me || yasya dvaipāyanaḥ putraḥ svayaṃ viṣṇurajāyata
202.32
prakāśo janito yena loke bhāratacandramāḥ || parāśarasya tasya tvaṃ
śṛṇu vaṃśamanuttamam
202.33
kāṇḍaśayo vāhanapo naihmapo bhaumatāpanaḥ || gopālireṣāṃ pañcama ete gaurāḥ parāśarāḥ
202.34
prapohayā vāhyamayāḥ
khyātayāḥ kautujātayaḥ || haryyaśviḥ pañcamo hyeṣāṃ nīlā jñeyāḥ parāśarāḥ
202.35
kārṣṇāyanāḥ kapimukhāḥ kākeyasthā japātayaḥ || puṣkaraḥ
pañcamaścaiṣāṃ kṛṣṇā jñeyāḥ parāśarāḥ
202.36
śrāviṣṭhāyanavāleyāḥ svāyaṣṭāśropayāśca ye || iṣīkahastaścaite vai pañca śvetāḥ parāśarāḥ
202.37
vāṭiko
vādariścaiva stambā vai krodhanāyanāḥ || śaimireṣāṃ pañcamastu ete śyāmāḥ parāśarāḥ
202.38
khalyāyanā vārṣṇāyanāstaileyāḥ khalu yūthapāḥ || tantireṣāṃ
pañcamastu ete dhūmrāḥ parāśarāḥ
202.39
parāśarāṇāṃ sarveṣāṃ tryārṣeyaḥ pravaro mataḥ || parāśaraśca śaktiśca vasiṣṭhaśca mahātapāḥ || parasparamavaivāhyā sarvve
ete parāśarāḥ
202.40
uktāstavaite nṛpa vaṃśamukhyāḥ parāśarāḥ sūryyasamaprabhāvāḥ || yeṣāntu nāmnā parikīrttitena pāpaṃ samagraṃ puruṣo jahāti
202.40.p1
iti śrīmātsye mahāpurāṇe pravarānukīrttane parāśaravaṃśavarṇanaṃ nāmaikādhikadviśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Gotrapravaranibandhakadamba — Sanskrit