Matsya 203
Matsya 203
- Language
- Sanskrit
Contents
- 203.14 — 1 part
203.1
cha || || matsya uvāca || || ataḥ
paramagastyasya vakṣye vaṃśodbhavāndvijān || agastayaḥ karambhayaḥ kauśalyāḥ śakaṭāstathā
203.2
sumedhaso mayobhuvastathā gāndhārakāyaṇāḥ || paulastyāḥ
paulahāścaiva kratuvaṃśabhavāstathā
203.3
tryārṣeyābhimatāścaiṣāṃ sarveṣāṃ pravarāḥ śubhāḥ || agastyaśca mahendraśca ṛṣiścaiva mayobhuvaḥ
203.4
parasparamavai
vāhyā ṛṣayaḥ parikīrttitāḥ || paurṇamāsāḥ pāraṇāśca tryārṣeyāḥ parikīrttitāḥ
203.5
agastyaḥ paurṇamāsaśca pāraṇaśca mahātapāḥ || parasparamavaivāhyāḥ
paurṇamāsāstu pāraṇaiḥ
203.6
evamukto ṛṣīṇāntu vaṃśa uttamapauruṣaḥ || ataḥ paraṃ pravakṣyāmi kiṃ bhavānadya kathyatām
203.7
manuruvāca || || pula
hasya pulastyasya kratoścaiva mahātmanaḥ || agastyasya tathā caiva kathaṃ vaṃśastaducyatām
203.8
matsya uvāca || kratuḥ khalvanapatyo'bhūdrājanvaivasva
te'ntare || idhmavāhaṃ sa putratve jagrāha ṛṣisattamaḥ
203.9
agastyaputraṃ dharmajñamāgastyāḥ kratavastataḥ || pulahasya tathā putrāstrayaśca pṛthivīpate
203.10
teṣāntu janma vakṣyāmi uttaratra yathāvidhi || pulahastu prajāṃ dṛṣṭvā nātiprītamanāḥ svakām
203.11
agastyajaṃ dṛḍhāsyantu putratve vṛtavāṃstataḥ || paula
hāśca tathā rājannāgastyāḥ parikīrttitāḥ
203.12
pulastyānvayasambhūtāndṛṣṭvā rakṣaḥsamudbhavān || agastyasya sutaṃ dhīmānputratve vṛtavāṃstataḥ
203.13
paula
styāśca tathā rājannāgastyāḥ parikīrttitāḥ || sagotratvādime sarve parasparamananvayāḥ
203.14
ete tavoktāḥ pravarā dvijānāṃ mahānubhāvā nṛpa vaṃśakārāḥ
eṣāntu nāmnā parikīrttitena pāpaṃ samagraṃ puruṣo jahāti
203.14.p1
iti śrīmātsye mahāpurāṇe pravarānukīrttane dvyadhikadviśatatamo'dhyāyaḥ