Matsya 204
Matsya 204
- Language
- Sanskrit
Contents
- 204.14 — 1 part
204.1
matsya uvāca || || asmin vaivasvate prāpte śṛṇu dharmmasya pārthiva || dākṣāyaṇībhyaḥ sakalaṃ vaṃśaṃ daivatamuttamam
204.2
parvvatādimahādurgaśarīrāṇi
narādhipa || arundhatyā prasūtāni dharmmādvaivasvate'ntare
204.3
aṣṭau ca vasavaḥ putrāḥ somapāśca vibhostathā || dharo dhruvaśca somaśca āpaścaivānalānilau
204.4
pratyūṣaśca prabhāsaśca vasavo'ṣṭau prakīrttitāḥ || dharasya putro draviṇaḥ kālaḥ putro dhruvasya tu
204.5
kālasyāvayavānāntu śarīrāṇi narādhipa
mūrttimanti ca kālāddhi samprasūtānyaśeṣataḥ
204.6
somasya bhagavān varccāḥ śrīmāṃścāpa''sya kīrttyate || anekajanmananaḥ kumārastvanalasya tu
204.7
purojavāścānilasya pratyūṣasya tu devalaḥ|| viśvakarmā prabhāsasya tridaśānāṃ sa varddhakiḥ
204.8
samīhitakarāḥ proktā nāga vīthyādayo nava || lambā
putraḥ smṛto ghoṣo bhānoḥ putrāśca bhānavaḥ
204.9
graharkṣāṇāñca sarvveṣāṃmanyeṣāñcāmitaujasām || marutvatyāṃ marutvantaḥ sarvve putrāḥ prakīrttitāḥ
204.10
saṃkalpāyāśca saṃkalpastathā putraḥ prakīrttitaḥ || muhūrttāṃśca muhūrttāyāḥ sādhyāḥ sādhyāsutāḥ smṛtāḥ
204.11
manormanuśca prāṇaśca naroṣā noca vīryyavān
cittahāyyo'yanaścaiva haṃso nārāyaṇastathā
204.12
vibhuścāpi prabhuścaiva sādhyā dvādaśa kīrttitāḥ|| viśvāyāśca tathā putrā viśve devāḥ prakīrttitāḥ
204.14
kraturdakṣo vasuḥ satyaḥ kālakāmo munistathā||kurajo manujo vījo rocamānaśca te daśa||13||etāvaduktastava dharmmavaṃśaḥ saṃkṣepataḥ pārthivavaṃśamukhyā nyāsena
vaktuṃ na hi śakyamasti rājanvinā varṣaśatairanekaḥ
204.14.p1
iti śrīmātsye mahāpurāṇe dharmmavaṃśavarṇane dharmmapravarānukīrttanaṃ nāma tryadhikādviśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit