Matsya 205

matsya uvāca || || etadvaṃśabhavā viprāḥ śrāddhe bhojyāḥ prayatnataḥ || pitṝṇāṃ vallabhaṃ yasmādeṣu śrāddhaṃ nareśvara

ataḥ paraṃ pravakṣyāmi pitṛbhi
ryāḥ prakīrttitāḥ||gāthāḥ pārthivaśārdūla kāmayadbhiḥ pure svake

api syātsa kule'smākaṃ yo no dadyājjalāñjalim || nadīṣu bahutīyāsu śītalāsu
viśeṣataḥ

api syātsa kule'smākaṃ yaḥ śrāddhaṃ nityamācaret || payomūlaphalairbhakṣyaistulatoyena vā punaḥ

api syātsa kule'smākaṃ yo no
dadyāttrayodaśīm || pāyasaṃ madhusarpirbhyāṃ varṣāsu ca maghāsu ca

api syātsa kule'smākaṃ khaḍgamāṃsena yaḥ sakṛt || śrāddhaṃ kuryyātprayatnena kālaśākena
vā punaḥ

kālaśākaṃ mahāśākaṃ madhu munyannameva ca || viṣāṇavarjjā ye khaḍgā āsūryyaṃ tadaśnīmahi

gayāyāṃ darśane rāhoḥ khaḍgamāṃsena yoginām
bhojayetkaḥ kule'smākaṃ chāyāyāṃ kuarasya ca

ākalpakālikī tṛptistenāsmākaṃ bhaviṣyati || dātā sarvveṣu lokeṣu kāmacāro bhaviṣyati

ābhūtasaṃplavaṃ kālaṃ nātra kāryyā vicāraṇā || yadetatpañcakaṃ tasmādekenāpi ca yaḥ sadā

tṛptiṃ prāpsyāma cānantyāṃ kiṃ punaḥ sarvvasampadā
api syātsa kule'smākaṃ dadyātkṛṣṇājinañca yaḥ

api syātsa kule'smākaṃ kaścitpuruṣasattamaḥ || prasūyamānāṃ yo dhenuṃ dadyādbrāhmaṇapuṅgave

api syātsa kule'smākaṃ vṛṣabhaṃ yaḥ samutsṛjet || sarvvavarṇaviśeṣeṇa śukunīlaṃ vṛṣaṃ tathā

api syātsa kule'smākaṃ yaḥ kuryācchraddhayānvitaḥ
suvarṇadānaṃ godānaṃ pṛthivīdānameva ca

api syātsa kule'smākaṃ kaścitpuruṣasattamaḥ || kūpārāmataḍāgānāṃ vāpīnāṃ yaśca kārakaḥ

api syātsa kule'smākaṃ sarvvabhāvena yo harim || prayāyāccharaṇaṃ viṣṇuṃ deveśaṃ madhusūdanam

api naḥ sa kule bhūyātkaścidvidvānvicakṣaṇaḥ
dharmaśāstrāṇi yo dadyādvidhinā viduṣāmapi

etāvaduktaṃ tava bhūmipāla śrāddhasya kalpaṃ munisampradiṣṭam || pāpāpahaṃ puṇyavivarddhanañca lokeṣu
mukhyatvakaraṃ tathaiva

iti śrīmatsye mahāpurāṇe pitṛgāthākīrttanaṃ nāma caturadhikadviśatatamo'dhyāyaḥ

Contents