Matsya 206
Matsya 206
- Language
- Sanskrit
Contents
- 206.9 — 1 part
206.1
manuruvāca || || prasū
yamānā dātavyā dhenurbrāhmaṇapuṅgave || vidhinā kena dharmajña dānaṃ dadyācca kiṃ phalam
206.2
matsya uvāca || || svarṇaśṛṅgīṃ raupyakhurāṃ muktālāṅgūla
bhūṣitām || kāṃsyopadohanāṃ rājansavatsāṃ dvijapuṅgave
206.3
prasūyamānāṃ gāṃ dattvā mahatpuṇyaphalaṃ labhet || yāvadvatso yonigato yāvadgarbhaṃ na muñcati
206.4
tāvadvai pṛthivī jñeyā saśailavanakānanā || prasūyamānāṃ yo dadyāddhenuṃ draviṇasaṃyutām
206.5
sasamudraguhā tena saśailavanakānanā
caturantā bhaveddattā pṛthivī nātra saṃśayaḥ
206.6
yāvanti dhenuromāṇi vatsasya ca narādhipa || tāvatsaṃkhyaṃ yugagaṇaṃ devaloke mahīyate
206.7
pitṝnpitāma
hāṃścaiva tathaiva prapitāmahān || uddhariṣyatyasaṃdehānnarakādbhūridakṣiṇaḥ
206.8
ghṛtakṣīravahāḥ kulyā dadhipāyasakarddamāḥ || yatra tatra gatistasya drumāścepsita
kāmadāḥ || golokaḥ sulabharatasya brahmalokaśca pārthiva
206.9
striyaśca taṃ candrasamānavaktrāḥ prataptajāmbūnadatulyarūpāḥ || mahānitambāstanuvṛttamadhyā
bhajantyajasraṃ nalinābhanetrāḥ
206.9.p1
iti śrīmatsye mahāpurāṇe dhenudānaṃ nāma pañcādhikadviśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Dānakaumudī (Govindānanda) — Govindānanda 1500, Sanskrit
- Dānavākyāvali (Vidyāpati) — Vidyāpati, Sanskrit