Matsya 209
Matsya 209
- Language
- Sanskrit
Contents
- 209.21 — 1 part
209.1
cha || || sūta uvāca
tataḥ sa rājā deveśaṃ papracchāmitavikramaḥ || pativratānāṃ māhātmyaṃ tatsambaddhāṃ kathāmapi
209.2
manuruvāca || || pativratānāṃ kā śreṣṭhā kayā
mṛtyuḥ parājitaḥ || nāmasaṅkīrttanaṃ kasyāḥ kīrttanīyaṃ sadā naraiḥ || sarvvapāpakṣayakaramidānīṃ kathayasva me
209.3
matsya uvāca || || vailomyaṃ
dharmarājo'pi nācarettatha yoṣitām || pativratānāṃ dharmajña pūjyāstasyāpi tāḥ sadā
209.4
atra te varṇayiṣyāmi kathāṃ pāpapraṇāśinīm
yathā vimokṣito bharttā mṛtyupāśagataḥ striyā
209.5
madreṣu śākalo rājā babhūvāśvapatiḥ purā || aputrastapyamāno'sau putrārthī sarvvakāmadām
209.6
ārādhayati sāvitrīṃ lakṣito'sau dvijottamaiḥ || siddhārthakairhayamānāṃ sāvitrīṃ pratyahaṃ dvijaiḥ
209.7
śatasaṃkhyeyastuthyaṃstu daśamāsāgate dine || kāle tu
darśayāmāsa svāṃ tanuṃ manujeśvaram
209.8
sāvitryuvāca || || rājanbhakto'si me nityaṃ dāsyāmi tvāṃ sutāṃ sadā || tāṃ dattāṃ matprasādena putrīṃ prāpsyasi
śobhanām
209.9
etāvaduktvā sā rājñaḥ praṇatasyaiva pārthiva || jagāmādarśanaṃ devī yathā vai nṛpa cañcalā
209.10
mālatī nāma tasyāsīdrājñaḥ patnī
pativratā || suṣuve tanayāṃ kāle sāvitrīmiva rūpataḥ
209.11
sāvitryāhūtayā dattā tadrūpasadṛśī tathā || sāvitrī ca bhavetteṣā jagāda nṛpatirdvijān
209.12
kālena yauvanaṃ prāptā dadau satyavate pitā || nāradastva tataḥ prāha rājānaṃ dīptatejasam
209.13
saṃvatsareṇa kṣīṇāyurbhāviṣyati nṛpātmajaḥ
sakṛtkanyāḥ pradīyante cintayitvā narādhipa
209.14
tathāpi pradadau kanyāṃ dyumatsenātmaje śubhe || sāvitryapi ca bharttāramāsādya nṛpamandire
209.15
nāradasya tu vākyena dūyamānena cetasā || śuśrūṣāṃ paramāṃ cakre bhartuḥśvaśurayorvane
209.16
rājyādbhraṣṭaḥ sabhārthyastu naṣṭacakṣurnarādhipaḥ || na tutoṣa
samāsādya rājaputrīṃ tathā snuṣām
209.17
caturthe'hani marttavyaṃ tathā satyavatā dvijāḥ || śvaśureṇābhyanujñātā tadā rājasutāpi sā
209.18
cakre trirātraṃ dharmajñā prāpte tasmiṃstadā dine || dārupuṣpaphalāhārī satyavāṃstu yayau vanam
209.19
śvaśureṇābhyanujñātā yācanābhaṅgabhīruṇā
sāvitryapi jagāmārttā saha bhartrā mahadvanam
209.20
cetasā dūyamānena gṛhamānā mahadbhayam || vane papraccha bharttāraṃ drumāṃścāsahaśāṃstathā
209.21
āśvāsayāmāsa sa rājaputrīṃ śrāntāṃ vane padmaviśālanetrām || sandarśanenātha drumadvijānāṃ tathā mṛgāṇāṃ vipine nṛvīraḥ
209.21.p1
iti śrīmātsye mahāpurāṇe sāvitryupākhyāne sāvitrīvanapraveśo nāmāṣṭādhikadviśatatamo'dhyāyaḥ