Matsya 210
Matsya 210
- Language
- Sanskrit
Contents
- 210.35 — 1 part
210.1
satyavānuvāca || || vane'smin śādvalākīrṇe sahakāraṃ
manoharam || netraghrāṇasukhaṃ paśya vasantaṃ rativarddhanam
210.2
vane'pyaśokaṃ dṛṣṭenaṃ rāgavantaṃ supuṣpitam || vasanto hasatīvārya māmevāyatalocane
210.3
dakṣiṇe dakṣiṇenaitāṃ paśya ramyāṃ vanasthalīm || puṣpitaiḥ kiṃśukairyuktāṃ jvalitānalasaprabhaiḥ
210.4
sugandhikusumāmodo vanarājivinirgataḥ || karoti
vāyurdākṣiṇyamāvayoḥ klamanāśanam
210.5
paścimena viśālākṣi karṇikāraiḥ supuṣpitaiḥ || kāñcanena vibhātyeṣā vanarājī manoramā
210.6
atimukta
latājālaruddhamārgā vanasthalī || ramyā sā cārusarvvāṅgi kusumaprakarabhūṣaṇā
210.7
madhumattālijhaṅkāravyājena varavarṇini || cāpākṛṣṭaṃ karotīva
kāmaḥ pārśve jighāṃsayā
210.8
phalāsvādalasadvaktrapuṃskokilavināditā || vibhāti cārutilakā tvamivaiṣā vanasthalī
210.9
kokilaścūtaśikhare
mañjarīreṇupiñjaraḥ || gaditairvyaktatāṃ yāti kulīnaśceṣṭitairiva
210.10
puṣpāreṇuviliptāṅgīṃ priyāmanusaran vane || kusumaṃ kusumaṃ yāti kūjan kāmī śilī
mukhaḥ
210.11
mañjarīṃ sahakārasya kāntāvaccāyapīḍitām || svadate bahupuṣpe'pi puṃskokilayuvā vane
210.12
kākaḥ prasṛtāṃ vṛkṣāgre svāmekāgreṇa
cakṣunā || kākīṃ sambhāvayatyeṣa pakṣācchāditaputrikām
210.13
bhūbhāgaṃ nimnamāsādya dayitāsahito yuvā || nāddāramapi cādatte kāmākrāntaḥ kapi
alaḥ
210.14
kalaviṅkastu ramayan priyotsaṅgaṃ samāsthitaḥ || muhurmuhurviśālākṣi utkaṇṭhayati kāminaḥ
210.15
vṛkṣaśākhāṃ samārūḍhaḥ śuko'yaṃ saha
bhāryyayā || bhareṇa lambayañchākhāṃ karoti saphalāmiva
210.16
vane'tra piśitāsvādatṛpto nidrāmuprāgataḥ|| śete siṃhayuvā kāntā caraṇāntaragāminī
210.17
vyāghrayormithunaṃ paśya śailakandarasaṃsthitam || yayornetraprabhāloke guhā bhinneva lakṣyate
210.18
ayaṃ dvīpī priyāṃ leḍhi jihvāgreṇa punaḥpunaḥ
prītimāyāti ca tayā lihyamānaḥ svakāntayā
210.19
utsaṅgakṛtamūrddhānaṃ nidrāpahṛtacetasam || jantūddharaṇataḥ kāntaṃ sukhayatyeva vānarī
210.23
bhūmau nipatitāṃ rāmāṃ mārjāro darśitodarīm || nakhairdantairdaśatyeṣa na ca pīḍayate tathā ||20||śaśakaḥ śaśakī cobhe saṃsupte pīḍite ime || saṃlīnagātracaraṇe
karṇairvyaktimupāgate||21||snātvā sarasi padmāḍhye nāgastu madanapriyaḥ|| sambhāvayati tanvaṅgīṃ mṛṇālakavalaiḥ priyām||22||kāntaprothasamutthānaiḥ kāntamārgā
nugāminī||karoti kavalaṃ mustairvarāhī potakānugā
210.24
dṛḍhāṅgasandhirmahiṣaḥ karddamāktatanurvane||anuvrajati dhāvantīṃ priyāmuddhatamutsukaḥ
210.25
paśya
cārvvaṅgi sāraṅgaṃ tvaṃ kaṭākṣavibhāvanaiḥ ||sabhāryyaṃ māṃ hi paśyantaṃ kautūhalasamanvitam
210.27
paśya paścimapādena rohī kaṇḍūyate mukham || snehārdrabhāvāt
karṣantī bhartāraṃ śṛṅgakoṭinā||26||drāghimāṃ camarīṃ paśya sitavālāmagacchatīm|| anvāste camaraḥ kāmī māñca paśyati garvitaḥ
210.28
ātape gavayaṃ paśya
prakṛṣṭaṃ bhāryyayā saha || romanthanaṃ prakurvvāṇaṃ kākaṃ kakudi vārayan
210.29
paśyājaṃ bhāryyayā sārddhaṃ nyastāgracaraṇadvayam || vipule badarīskandhe badarāśana
kāmyayā
210.31
haṃsaṃ sabhāryyaṃ sarasi vicarantaṃ sunirmalam||samutkrasyenduvimbasya paśya vai śriyamudvahan||30||sabhāryyaścakravāko'yaṃ kamalākaramadhyagaḥ
karoti padminīṃ kāntāṃ supuṣpāmiva sundarim
210.32
mayā phaloccayaḥ subhru tvayā puṣpoccayaḥ kṛtaḥ || indhanaṃ na kṛtaṃ subhru tatkariṣyāmi sāmpratam
210.33
tvamasya sarasastīre drumacchāyāṃ samāśritā || kṣaṇamātraṃ pratīkṣasva viśramasva ca bhāmini
210.34
sāvitryuvāca || || evametatkari
ṣyāmi mama dṛṣṭipathastvayā || dūraṃ kānta na karttavyo bibhemi gahane vane
210.35
matsya uvāca || || tataḥ sa kāṣṭhāni cakāra tasmin vane tadā
rājasutāsamakṣam || tasyā hyadūre sarastadānīṃ mene ca sā taṃ mṛtameva rājan
210.35.p1
iti śrīmatsye mahāpurāṇe sāvitryupākhyāne vanadarśanaṃ nāma navādhikadviśatatamo'dhyāyaḥ
Linked texts (1)
- Mahāsubhāṣitasaṃgraha — Sanskrit