Matsya 211
Matsya 211
- Language
- Sanskrit
Contents
- 211.24 — 1 part
211.1
cha || || matsya uvāca || || tasya pāṭayataḥ kāṣṭhaṃ jajñe śirasi vedanā || sa
vedanārttaḥ saṅgamya bhāryyā vacanamabravīt
211.2
āyāsena mamānena jātā śirasi vedanā || tamaśca praviśāmīva na ca jānāmi kiñcana
211.3
tvadu
tsaṅge śiraḥ kṛtvā svaptumicchāmi sāmpratam || rājaputrīmevamuktvā tadā suṣvāpa pārthivaḥ
211.4
tadutsaṅge śiraḥ kṛtvā nidrayāvilalocanaḥ
pativratā mahābhāgā tataḥ sā rājakanyakā
211.5
dadarśa dharmmarājantu svayaṃ taṃ deśamāgatam || nīlotpaladalaśyāmaṃ pītāmbaradharaṃ prabhum
211.6
vidyullatānibaddhāṅgaṃ satoyamiva toyadam || kirīṭenārkavarṇena kuṇḍalaiśca virājitam
211.7
hārabhārārpitoraskaṃ tathāṅgadavibhūṣitam
tathānugamyamānaśca kālena saha mṛtyunā
211.8
sa tu samprāpya taṃ deśaṃ dehātsatyavatastadā || aṅguṣṭhamātraṃ puruṣaṃ pāśabaddhaṃ vaśaṃ gatam
211.9
ākṛṣya dakṣiṇāmāśāṃ prayayau satvaraṃ tadā || sāvitryapi varārohā dṛṣṭvā taṃ gatajīvitam
211.10
anuvavrāja gacchantaṃ dharmarājamatandritā || kṛtāñjali
ruvācātha hṛdayena pravepatā
211.11
imaṃ lokaṃ mātṛbhaktyā pitṛbhaktyā tu madhyamam || guruśuśrūṣayā caiva brahmalokaṃ samaśnute
211.12
sarvve tasyādṛtā dharmā
yasyaite traya ādṛtāḥ|| anādṛtāstu yasyaite sarvvāstasyāphalāḥ kriyāḥ
211.13
yāvattrayaste jīveyustāvannānyaṃ samācaret || teṣāñca nityaṃ śuśrūṣāṃ kuryyāt
priyahite rataḥ
211.14
teṣāmanuparodhena pāratantryaṃ yadā caret || tattannivedayettebhyo manovacanakarmabhiḥ || triṣvapyeteṣu kṛtyaṃ hi puruṣasya samapyate
211.15
yama uvāca || || kṛtena kāmena nivarttayāśu dhammo na tebhyo'pi hi ucyate ca || mamoparodhastava ca kramaḥ syāttathādhunā tena tava bravīmi
211.16
gurupūjāratirbhaktā tvañca sādhvī pativratā || vinivarttasva dharmmajñe glānirbhavati te'dhunā
211.17
sāvitryuvāca || || patirhi daivataṃ strīṇāṃ patireva parā
yaṇam || anugamyaḥ striyā sādhvyā patiḥ prāṇadhaneśvaraḥ
211.18
mitaṃ dadāti hi pitā mitaṃ bhrātā mitaṃ sutaḥ || amitasya ca dātāraṃ bharttāraṃ kā na
pūjayet
211.19
nīyate yatra bharttā me svayaṃ vā yatra gacchati || mayāpi tatra gantavyaṃ yathāśakti surottama
211.20
patimādāya gacchantamanugantumahaṃ yadā
tvāṃ deva na hi śakṣyāmi tadā tyakṣyāmi jīvitam
211.21
manasvinī tu yā kācidvaiguṇyākṣaradūṣitā || muhūrttamapi jīvetama ṇḍanārhā hyamāṇḍatā
211.22
yama uvāca || || pativrate mahābhāge parituṣṭo'smi te śubhe || vinā satyavataḥ prāṇairvaraṃ varaya māciram
211.23
sāvitryuvāca || || vinaṣṭacakṣuṣo
rājyaṃ cakṣuṣā saha kāraya || cyutarāṣṭrasya dharmmajña śvaśurasya mahātmanaḥ
211.24
yama uvāca || || dūre pathe gaccha nivartta bhadre bhaviṣyatīdaṃ sakalaṃ tvayo
ktam || mamoparodhastava ca kramaḥ syāttathādhunā tena tava bravīmi
211.24.p1
iti śrīmatsye mahāpurāṇe sāvitryupākhyāne prathamavaralābho nāma daśādhika dviśatatamo'dhyāyaḥ