Matsya 212
Matsya 212
- Language
- Sanskrit
Contents
- 212.28 — 1 part
212.2
cha || || sāvitryuvāca || || kutaḥ kramaḥ kuto duḥkhaṃ sadbhiḥ saha samāgame || satāṃ tasmānna me glānistvatsamīpe surottama
1||sādhūnāṃ vāpyasādhūnāṃ santa eva sadā gatiḥ|| naivāsatāṃ naika satāmasanto naivamātmanaḥ
212.3
viṣāgnisarpaśastrebhyo na tathā jāyate bhayam || akāraṇaṃ
jagadvairikhalebhyo jāyate yathā
212.4
santaḥ prāṇānāpi tyaktvā parārthaṃ kurvvate yathā || tathā'santo'pi santyajya parapīḍāsu tatparāḥ
212.6
tyajatya
sūnayaṃ lokastṛṇavadyasya kāraṇāt || paropaghātaśaktāstaṃ paralokaṃ tathā sataḥ||5||nikāyeṣu nikāyeṣu tathā brahmā jagadguruḥ || asaṃtāmupaghātāya rājānaṃ
jñātavānsvayam
212.7
narānparīkṣayedrājā sādhūnsammānayetsadā || vigrahañcāsatāṃ kuryyātsa loke lokajittamaḥ
212.8
nigraheṇāsatāṃ rājā satāñca pari
pālanāt || etāvadeva karttavyaṃ rājñā svargamabhīpsunā
212.9
rājakṛtyaṃ hi lokeṣu nāstyanyajjagatīpate || asatāṃ nigrahādeva satāñca paripālanāt
212.10
rājabhiścāpyaśāstānāmasatāṃ śāsitā bhavān|| tena tvamadhiko devo devebhyaḥ pratibhāsi me
212.11
jagattu dhāryyate sadbhiḥ satāmagresrastathā bhavān
tena tvāmanuyāntyā me klamo deva na vidyate
212.12
yamauvāca || || tuṣṭo'smi te viśālākṣi vacanairdharmasaṅgataiḥ|| vinā satyavataḥ prāṇādvaraṃ varaya māci
ram
212.13
sāvitryuvāca || || sahodarāṇāṃ bhrātṝṇāṃ kāmayāmi śataṃ vibho || anapatyaḥ pitā prītiṃ putralābhātprayātu me
212.14
tāsuvāca
yamo gaccha yathāgatamanindite || aurddhadehikakāryyeṣu yatnaṃ bhartuḥ samācara
212.15
nānugantumayaṃ śakyastvayā lokāntaraṃ gataḥ || pativratāsi tena
tvaṃ muhūrttaṃ mama yāsyasi
212.16
guruśuśrūṣaṇādbhadre tathā satyavato mahat || puṇyaṃ samārjitaṃ yena nayāmyenamahaṃ svayam
212.17
etāvadeva karttavyaṃ puru
ṣeṇa vijānatā || mātuḥ pituśca śuśrūṣā gurośca varavarṇini
212.18
toṣitaṃ trayametacca sadā satyavatā vane || pūjitaṃ vijitaḥ svargastvayānena ciraṃ
śubhe
212.19
tapasā brahmacaryeṇa agniśuśrūṣayā śubhe || puruṣāḥ svargamāyānti guruśuśrūṣayā tathā
212.20
ācāryyaśca pitā caiva mātā bhrātā ca pūrvvajaḥ
nāttenāpyavamantavyā brāhmaṇā na viśeṣataḥ
212.21
ācāyyo brahmaṇo mūrttiḥ pitā mūrttiḥ prajāpateḥ|| mātā pṛthivyā mūrttistu bhrātā vai mūrttirātmanaḥ
212.22
janmanā pitarau kleśaṃ sahete sambhave nṛṇām || na tasya niṣkṛtiḥ śakyā kartuṃ varṣaśatairapi
212.23
tayornityaṃ priyaṃ kuryyādācāryyasya tu sarvvadā || teṣveva triṣu
tuṣṭeṣu tapaḥ sarvvaṃ samāpyate
212.24
teṣāṃ trayāṇāṃ śuśrūṣā paramaṃ tapa ucyate || na ca tairananujñāto dharmamanyaṃ samācaret
212.25
ta eva hi trayo lokāsta eva traya
āśramāḥ || ta eva ca trayo vedāstathaivoktāstrayo'gnayaḥ
212.26
pitā vai gārhapatyo'gnirmātā dakṣiṇataḥ smṛtaḥ || gururāhavanīyaśca sāgnitretā garīyasī
212.27
triṣu pramādyate naiṣu trīṃllokāñjayate gṛhī || dīpyamānaḥ svavapuṣā devavaddivi modate
212.28
kṛtena kāmena nivartta bhadre bhaviṣyatīdaṃ sakalaṃ tvayoktam
mamoparodhastava ca klamaḥ syāttathādhunā tena tava bravīmi
212.28.p1
iti śrīmātsye mahāpurāṇe sāvitryupākhyāne dvitīyavaralābho nāmaikādaśādhika dviśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Mahāsubhāṣitasaṃgraha — Sanskrit