Matsya 213
Matsya 213
- Language
- Sanskrit
Contents
- 213.28 — 1 part
213.1
cha || || sāvitryuvāca || || dharmārjane suraśreṣṭha kuto glāniḥ klamastathā || tvatpādamūlasevā ca paramaṃ dharmakāraṇam
213.2
dharmārjanaṃ tathā kāryyaṃ puruṣeṇa vijānatā || tallābhaḥ sarvvalābhebhyo yadā deva viśiṣyate
213.3
dharmaścārthaśca kāmaśca trivargo janminaḥ phalam || dharmahī
nasya kāmārthau vandhyāsutasamau prabho
213.4
dharmādarthastastathā kāmo dharmāllokadvayaṃ tathā || dharmaṃ eko'nuyātyenaṃ yatrakvacanagāminam
213.5
śarīreṇa
samaṃ nāśaṃ sarvvamanyāddhi gacchati || eko hi jāyate janturekā eva vipadyate
213.6
dharmastamanu yātyeko na suhṛnna ca bāndhavāḥ || kriyā saubhāgyalāvaṇyaṃ
sarvvaṃ dharmeṇa labhyate
213.7
brahmendropendraśarvenduyamārkāgnyanilāmbhasām || vasvaśvidhanadādyānāṃ ye lokāḥ sarvvakāmadāḥ
213.8
dharmeṇa tānavā
pnoti puruṣaḥ puruṣāntaka || manoharāṇi dvīpāni varṣāṇi sumukhāni ca
213.9
prayānti dharmeṇa narāstathaiva naragaṇḍikāḥ || nandanādīni mukhyāni devo
dyānāni yāni ca
213.10
tāni puṇyena labhyante nākapṛṣṭhaṃ tathā naraiḥ || vimānāni vicitrāṇi tathaivāpsarasaḥ śubhāḥ
213.11
taijasāni śarīrāṇi sadā
puṇyavatāṃ phalam || rājyaṃ nṛpatipūjā ca kāmasiddhirutatepsitā
213.12
saṃskārāṇi ca mukhyāni phalaṃ puṇyasya dṛśyate || rukmavaidūryyadaṇḍāni caṇḍāṃśusaha
śāni ca
213.13
cāmarāṇi surādhyakṣa bhavanti śubhakarmaṇām || pūrṇendumaṇḍalābhena raktāṃśukavikāriśina
213.14
dhāryyatāṃ yāti cchatreṇa naraḥ puṇyena karmaṇā
jayaḥ śaṅkhasvareṇaiva sūtamāgadhaniḥsvanaiḥ
213.15
varāsanaṃ sabhṛṅgāraṃ phalaṃ puṇyasya karmmaṇaḥ || varānrapānaṃ gītañca nṛtyamālyānulepanam
213.16
ratnavastrāṇi
mukhyāni phalaṃ puṇyasya karmmaṇaḥ || rūpaudāryyaguṇopetāḥ striyaścātimanoharāḥ
213.17
vāsaḥ prāsādapṛṣṭheṣu bhavanti śubhakarmiṇaḥ || suvarṇakiṅki
ṇīmiśracāmarāpīḍadhāriṇaḥ
213.18
vahanti turagā deva naraṃ puṇyena karmmaṇā || tasya dvārāṇi yajanaṃ tapo dānaṃ damaḥ kṣamāḥ
213.19
brahmacaryyaṃ tathā
satyaṃ tīrthānumaraṇaṃ śubham || svādhyāyasevā sādhūnāṃ sahavāsaḥ surārcanam
213.20
gurūṇāñcaiva śuśrūṣā brāhmaṇānāñca pūjanam || indriyāṇāṃ jayaścaiva brahma
caryyamamatsaram
213.21
tasmāddharmmaḥ sadā kāyyoṃ nityameva vijānatā || na hi pratīkṣate mṛtyuḥ kṛtamasya na vā kṛtam
213.22
bāla eva careddharmma
manityaṃ deva jīvitam || ko hi jānāti kasyādya mṛtyurevāpatiṣyati
213.23
paśyato'pyasya lokasya maraṇaṃ purataḥ sthitam || amarasyeva caritamatyā
ścaryyaṃ surottama
213.24
yuvatvāpekṣayā bālo vṛddhatvāpekṣayā yuvā || mṛtyorutsaṅgamārūḍhaḥ sthaviraḥ kimapekṣate
213.25
tatrāpi viṇḍatastrāṇaṃ mṛtyunā
tasya kā gatiḥ || na bhayaṃ maraṇañcaiva prāṇināmabhayaṃ kvacit || tatrāpi nirbhayāḥ santaḥ sadā sukṛtakāriṇaḥ
213.26
yama uvāca || || tuṣṭo'smi
te viśālākṣi vacanairdharmasaṅgataiḥ || vinā satyavataḥ prāṇānvaraṃ varaya māciram
213.27
sāvitryuvāca || || varayāmi tvayā dattaṃ putrāṇāṃ śatamaurasam
anapatyasya lokeṣu gatiḥ kila na vidyate
213.28
yama uvāca || || kṛtena kāmena nivartta bhadre bhaviṣyatīdaṃ saphalaṃ yathoktam || mamoparodhastava ca
klamaḥ syāttathādhunā tena tava bravīmi
213.28.p1
iti śrīmātsye mahāpurāṇe sāvitryupākhyāne tṛtīyavaralābho nāma dvādaśādhikadviśatatamo'dhyāyaḥ
Linked texts (1)
- Indische Sprüche — Otto von Böhtlingk 1863, Sanskrit