Pramāṇa · Search · About · API

Matsya 214

Matsya 214

Language
Sanskrit

Contents

214.1

sāvitryuvāca || || dharmādharmavidhānajña sarvvadharmapravarttaka || tvameva jagato nāthaḥ prajāsaṃyamano yamaḥ

214.2

karmaṇānurūpeṇa yasmāddamayase
prajāḥ || tasmādvai procyase deva yama ityeva nāmataḥ

214.3

dharmeṇemāḥ prajāḥ sarvvā yasmādrañjayase prabho || tasmātte dharmarājeti nāma sadbhinigadyate

214.4

sukṛtaṃ duṣkṛtañcobhe purodhāya yadā janāḥ || tvatsakāśaṃ mṛtā yānti tasmāttvaṃ mṛtyurucyate

214.5

kālaṃ kalāī kalayan sarveṣāṃ tvaṃ hi
tiṣṭhasi || tasmātkāleti te nāma procyate tattvadarśibhiḥ

214.6

sarveṣāmeva bhūtānāṃ yasmādantakaro mahān || tasmāttvamantakaḥ proktaḥ sarvvadevairma
hādyute

214.7

vivasvatastvaṃ tanayaḥ prathamaṃ parikīrttitaḥ || tasmādvaivasvato nāmnā sarvvalokeṣu kathyase

214.8

āyuṣye karmaṇi kṣīṇe gṛhṇāsi
prasabhaṃ janam || tadā tvaṃ kathyase loke sarvvaprāṇahareti vai

214.9

tava prasādāddeveśa trayīdharmo na naśyati || tava prasādāddeveśa dharme tiṣṭhanti jantavaḥ
tava prasādāddeveśa saṅkaro na prajāyate

214.10

satāṃ sadā gatirdeva tvameva parikīrttitaḥ || jagato'sya jagannātha maryādāparipālakaḥ

214.11

pāhi māṃ
tridaśaśreṣṭha duḥkhitāṃ śaraṇāgatām || pitarau ca tathaivāsya rājaputrasya duḥkhitau

214.13

yama uvāca || || stavena bhaktyā dharmajñe mayā tuṣṭena
satyavān || tava bharttā vimukto'yaṃ labdhakāmā vrajābale ||12||rājyaṃ kṛtvā tvayā sārddhaṃ varṣāṇāṃ śatapañcakam || nākapṛṣṭhamathāruhya tridaśaiḥ saha raṃsyate

214.14

tvayi putraśatañcāpi satyavāñjanayiṣyati || te cāpi sarvve rājānaḥ kṣatriyāstridaśopamāḥ

214.15

mukhyāstvannāma putrākhyā bhaviṣyanti hi
śāśvatāḥ || pituśca te putraśataṃ bhavitā tava mātari

214.16

mālavyāṃ mālavā nāma śāśvatāḥ putrapautriṇaḥ || bhrātaraste bhaviṣyanti kṣatriyāstridaśo
pamāḥ

214.17

stotreṇānena dharmajñe kalpamutthāya yastu mām || kīrttayiṣyati tasyāpi dīrghamāyurbhaviṣyati

214.18

matsya uvāca || || etāva
duktvā bhagavānyamastu pramucya taṃ rājasutaṃ mahātmā || adarśanaṃ tatra yamo jagāma kālena sārddhaṃ saha mṛtyunā ca

214.18.p1

iti śrīmatsye mahāpurāṇe sāvitryupākhyāne satyavajjīvitalābho nāma trayodaśādhikadviśatatamo'dhyāyaḥ

Linked texts (3)