Matsya 215
Matsya 215
- Language
- Sanskrit
Contents
- 215.22 — 1 part
215.1
cha || || matsya uvāca || || sāvitrī tu tataḥ sādhvī jagāma
varavarṇinī || yathā yathā gatenaiva yatrāsītsatyavānmṛtaḥ
215.2
sā samāsādya bharttāraṃ tasyotsaṅgataṃ śiraḥ || kṛtvā viveśa tanvaṅgī lambamāne divā
kare
215.3
satyavānapi nirmukto dharmarājācchanaiḥ śanaiḥ || unmīlayata netrābhyāṃ prāsphuracca narādhipa
215.4
tataḥ pratyāgataprāṇaḥ priyāṃ vacanamabravīt
kvāsau prayātaḥ puruṣo yo māmapyapakarṣati
215.5
na jānāmi varārohe kaścāsau puruṣaḥ śubhe || vane'smincārusarvvāṅgi suptasya ca dinaṃ gatam
215.6
upavāsapariśrāntā duḥkhitā bhavatī mayā || asmaddhṛdayenādya pitarau duḥkhitau tathā || draṣṭumicchāmyahaṃ suśru gamane tvaritā bhava
215.7
sāvitryu
vāca || || āditye'stamanuprāpte yadi te rucitaṃ prabho || āśramantu prayāsyāvaḥ śvaśurau hīnacakṣuṣau
215.8
yathāvṛttañca tatraiva tava vakṣye yathāśrame
etāvaduktvā bharttāraṃ saha bhartrā tadā yayau
215.9
āsasādāśramañcaiva saha bhartrā nṛpātmajā || etasminneva kāle tu labdhacakṣurmahīpatiḥ
215.10
dyumatsenaḥ
sabhāyyaistu paryyatapyata bhārgava || priyaputramapaśyanvai kṣupāñcaivātha karśitām
215.11
āśvāsyamānastu tathā sa tu rājā tapodhanaiḥ || dadarśa putramāyāntaṃ
snuṣayā saha kānane
215.12
sāvitrī tu varārohā saha satyavatā tadā || vavande tatra rājānaṃ sabhāryyaṃ kṣatrapuṅgavam
215.13
pariṣvaktastadā pitrā satya
vānarājanandanaḥ || abhivādya tataḥ sarvvānbane tasmiṃstapodhanān
215.14
uvāsa tatra tāṃ rātrimṛṣibhiḥ sarvvadharmmavit || sāvitryāpi jagādātha yathāvṛ
ttamaninditā
215.15
vrataṃ samāpayāmāsa tasyāmeva yathā niśi || tatastūryyairitrayāmānte sasainyastasya bhūpateḥ
215.16
ājagāma janaḥ sarvvoṃ rājyā
rthāya nimantraṇe || vijñāpayāmāsa tadā tatra prakṛtiśāsanam
215.17
vicakṣuṣaste nṛpate yena rājyaṃ purā hṛtam || amātyaiḥ sa hato rājā bhavāṃsta
sminpure nṛpaḥ
215.18
etacchrutvā yayau rājā balena caturaṅgiṇā || lebhe ca sakalaṃ rājyaṃ dharmmarājānmahātmanaḥ
215.19
bhrātṝṇāntu śataṃ lebhe sāvi
tryapi varāṅganā || evaṃ pativratā sādhvī pitṛpakṣaṃ nṛpātmajā
215.20
ujjahāra varārohā bhartṛpakṣaṃ tathaiva ca || mokṣayāmāsa bhartāraṃ mṛtyupāśagataṃ tadā
215.21
tasmātsādhvyaḥ striyaḥ pūjyāḥ satataṃ devavannaraiḥ || tāsāṃ rājanprasādena dhāryyate vai jagattrayam
215.22
tāsāntu vākyaṃ bhavatīha mithyā na jātu
lokeṣu carācareṣu || tasmātsadā tāḥ paripūjanīyāḥ kāmānsamagrānabhikāmayānaiḥ
215.22.p1
iti śrīmatsye mahāpurāṇe sāvitryupākhyānasamāptirnāma caturdaśādhikadviśatatamo'dhyāyaḥ