Pramāṇa · Search · About · API

Matsya 222

Matsya 222

Language
Sanskrit

Contents

222.1

cha || || manuruvāca || || daive puruṣakāre ca kiṃ jyāyastadbrū
vīhi me || atra me saṃśayo deva cchettumarhasyaśeṣataḥ

222.2

matsya uvāca || || svameva karmma daivākhyaṃ viddhi dehāntarārjjitam || tasmātpau
ruṣameveha śreṣṭhamāhurmanīṣiṇaḥ

222.3

pratikūlaṃ tathā daivaṃ pauruṣeṇa vihanyate || maṅgalācārayuktānāṃ nityamutthānaśālinām

222.4

yeṣāṃ pūrvvakṛtaṃ
karmma sāttvikaṃ manujottama || pauruṣeṇa vinā teṣāṃ keṣāñciddṛśyate phalam

222.5

karmmaṇā prāpyate loke rājasasya tathā phalam || kṛcchreṇa
karmmaṇā viddhi tāmasasya tathā phalam

222.6

pauruṣeṇāpyate rājanprārthitavyaṃ phalaṃ naraiḥ || daivameva vijānanti narāḥ pauruṣavarjitāḥ

222.7

tasmā
ttrikālaṃ saṃyuktaṃ daivantu saphalaṃ bhavet || pauruṣaṃ daivasampattyā kāle phalati pārthiva

222.8

daivaṃ puruṣakāraśca kālaśca puruṣottama || trayametanmanuṣyasya
piṇḍitaṃ syātphalāvaham

222.9

kṛṣervṛṣṭisamāyogāddṛśyante phalasiddhayaḥ || tāstu kāle pradṛśyante naivākāle kathañcana

222.10

tasmātsadaiva karttavyaṃ
sadharmmaṃ pauruṣaṃ naraiḥ || vipattāvapi yasyeha paraloke dhruvaṃ phalam

222.11

nālasāḥ prāpnuvantyarthānna ca daivaparāyaṇāḥ || tasmātsarvvaprayatnena ācareddharmmamu
ttamam

222.12

tyaktvālasān daivaparānmanuṣyānutthānayuktānuruṣāddhi lakṣmīḥ || anviṣya yatnādvṛṇuyānnṛpendra tasmātsadotthānavatā hi bhāvyam

222.12.p1

iti śrīmātsye mahāpurāṇe daivapuruṣakāravarṇanaṃ nāmaikaviṃśatyadhikadviśatatamo'dhyāyaḥ

Linked texts (3)