Matsya 223
Matsya 223
- Language
- Sanskrit
Contents
- 223.10 — 1 part
223.1
cha || || manuruvāca || || upāyāṃstvaṃ samā
cakṣva sāmapūrvānmahādyute || lakṣaṇañca tathā teṣāṃ prayogañca surottama
223.2
matsya uvāca || || sāma bhedastathā dānaṃ daṇḍaśca manujeśvara || upekṣā
ca tathā māyā indrajālañca pārthiva
223.3
prayogāḥ kathitāḥ sapta tanme nigadataḥ śṛṇu || dvividhaṃ kathitaṃ sāma tathyañcātathyameva ca
223.4
tatrāpya
tathyaṃ sādhūnāmākrośāyaiva jāyate || tatra sādhuḥ prayatnena sāmasādhyo narottama
223.5
mahākulīnā ṛjavo dharmmanityā jitendriyāḥ || sāmasādhyā na
cātathyaṃ teṣu sāma prayojayet
223.6
tathyaṃ sāma ca karttavyaṃ kulaśīlādivarṇanam || tathā tadupacārāṇāṃ kṛtānāñcaiva varṇanam
223.7
anayaiva tathā
yuktyā kṛtajñārukhyāpanaṃ svakam || evaṃ sāmnā ca karttavyā vaśagā dharmmatatparāḥ
223.8
sāmnā yadyapi rakṣāṃsi gṛhṇantīti parā śrutiḥ || tathāpyetadasādhūnāṃ
prayuktaṃ nopakārakam
223.9
atiśaṅkitamityevaṃ puruṣaṃ sāmavādinam || asādhavo vijānanti tasmāttatteṣu varjayet
223.10
ye śuddhavaṃśā ṛjavaḥ
praṇītā dharmme sthitāḥ satyaparā vinītāḥ || teṣāmasādhyāḥ puruṣāḥ pradiṣṭā mānonnatā ye satatañca rājan
223.10.p1
iti śrīmātsye mahāpurāṇe rāja dharmme sāmabodho nāma dvāviṃśatyadhikadviśatatamo'dhyāyaḥ
Linked texts (3)
- Matsyapurāṇa — Vyāsa, Sanskrit
- Budhabhūṣaṇa — Sambhurāja 1680, Sanskrit
- Rājanītiprakāśa (Mitramiśra) — Mitramiśra, Sanskrit