Matsya 224

cha || || matsya uvāca || || parasparantu ye duṣṭāḥ kruddhā bhītāvamānitāḥ
teṣāṃ bhedaṃ prayuñjīta bhedasādhyā hi te matāḥ

ye tu yenaiva doṣeṇa parasmādvāpaśaṅkyati || te tu taddoṣapātena bhedanīyā bhṛtaṃ tataḥ

ātmīyaṃ
darśayeddoṣaṃ parasmāddarśayedbhayam || evaṃ hi bhedayedvidvānnyathāvadvaśamānayet

saṃhatā hi vinā bhedaṃ śakreṇāpi suduḥsahāḥ|| bhedameva praśaṃsanti tasmānna
yaviśāradāḥ

svamukhenāśrayedbhedaṃ paramukhena ca || parīkṣya sādhu manyeta bhedaṃ paramukhācchrutam

sadyaḥ svakāryyamuddiśya kuśalairye hi
bheditāḥ || bheditāste vinirddiṣṭā naiva rājñārthavādibhiḥ

antaḥkopo vahiḥkopo yatra syātāṃ mahīkṣitām || antaḥkopo mahāṃstatra nāśakaḥ pṛthivī
kṣitām

sāmantakopo bāhyastu kopaḥ prokto mahībhṛtaḥ || mahiṣīyuvarājābhyāṃ tathā senāpaternṛpa

amātyamantriṇāñcaiva rājaputre tathaiva ca
antaḥkopo vinirddiṣṭo dāruṇaḥ pṛthivīkṣitām

bāhyakope samutpanne sumahatyapi pārthivaḥ || śuddhāntastu mahābhāga śīghrameva jayī bhavet

api śakrasamo rājā antaḥkopena naśyati || so'ntaḥkopaḥ prayatnena tasmādrakṣyo mahībhṛtā

parataḥ kopamutpādya bhedena vijigīṣuṇā
jñātīnāṃ bhedanaṃ kāryyaṃ pareṣāṃ vijigīṣuṇā

rakṣyaścaiva prayatnena jñātibhedastathātmanaḥ || jñātayaḥ paritapyante satataṃ paritāpitāḥ

tathāpi teṣāṃ karttavyaṃ sugambhīreṇa cetasā || grahaṇaṃ dānamānābhyāṃ bhedastebhyo bhayaṅkaraḥ

na jñātimanugṛhṇanti na jñātiṃ viśvasanti ca
jñātibhirbhedanīyāstu ripavastena pārthivaiḥ

bhinnā hi śakyā ripavaḥ prabhūtāḥ svalpena sainyena nihantumājau || susaṃhatānāṃ hi tadastu
bhedaḥ kāyryo ripūṇāṃ nayaśāstravidbhiḥ

iti śrīmātsye mahāpurāṇe rājadharme bhedapraśaṃsā nāma trayoviṃśatyadhikadviśatatamo'dhyāyaḥ

Linked texts (3)