Matsya 227

cha || || matsya uvāca || || daṇḍapraṇayanārthāya rājā sṛṣṭaḥ svayambhuvā || devabhāgānupādāya sarvvabhūtādiguptaye

tejasā yadamuṃ kaścinnaiva śaknoti vīkṣitum || tato bhavati lokeṣu rājā bhāskaravatprabhuḥ

yadāsya darśane lokaḥ prasādamupagacchati
nayanānandakāritvāttadā bhavati candramāḥ

yathā yamaḥ priyadveṣye prāpte kāle prayacchati || tathā rājñā vidhātavyāḥ prajāstaddhi yamavratam

varuṇena yathā pāśairbaddha eva pradṛśyate || tathā pāpānnigṛhṇīyādvratametaddhi vāruṇam

paripūrṇaṃ yathā candraṃ dṛṣṭvā hṛṣyati mānavaḥ || tathā prakṛtayo
yasminsa candrapratimo nṛpaḥ

pratāpayuktastejasvī nityaṃ syātpāpakarmasu || duṣṭasāmantahiṃseṣu rājā''gneyavrate sthitaḥ

yathā sarvvāṇi bhūtāni
dharā dhārayate svayam || tathā sarvvāṇi bhūtāni bibhrataḥ pārthivaṃ vratam

indrasyārkasya vātasya yamasya varuṇasya ca || candrasyāgneḥ pṛthivyāśca tejovrataṃ
nṛpaścaret

vārṣikāṃścaturo māsānyathendro'bhyartha varṣati || tathābhivarṣetsvaṃ rājyaṃ kāmamindravrataṃ smṛtam

aṣṭau māsānyathādityastoyaṃ harati
raśmibhiḥ || tathā haretkaraṃ rāṣṭrānnityamarkavrataṃ hi tat

praviśya sarvvabhūtāni yathā carati mārutaḥ || tathācāraiḥ praveṣṭavyaṃ vratametaddhi mārutam

iti śrīmātsye mahāpurāṇe rājadharme rājño lokapālasāmyanirdeśo nāma ṣaḍviṃśatyadhikadviśatatamo'dhyāyaḥ

Linked texts (3)