Matsya 229
Matsya 229
- Language
- Sanskrit
Contents
- 229.29 — 1 part
229.1
cha|| || manuruvāca || || divyāntarikṣabhaumeṣu yā śāntirabhidhīyate || tāmahaṃ śrotumicchāmi mahotpāteṣu
keśava
229.2
matsya uvāca || || athātaḥ saṃpravakṣyāmi trividhāmadbhutādiṣu || viśeṣeṇa tu bhaumeṣu śāntiḥ kāryā tathā bhavet
229.3
abhayā
cāntarikṣeṣu saumyā divyeṣu pārthiva || vijigīṣuḥ paraṃ rājanbhūtikāmastu yo bhavet
229.4
vijigīṣuḥ parānevamabhiyuktastathā paraiḥ || tathābhicāraśa
ṅkāyāṃ śatrūṇāmabhināṃśane
229.5
bhaye mahati samprāpte abhayā śāntiriṣyate || rājayakṣmābhibhūtasya kṣatakṣīṇasya cāpyatha
229.6
saumyā praśasyate
śāntiryajñakāmasya cāpyatha || bhūkampe ca samutpanne prāpte cānnakṣaye tathā
229.7
ativṛṣṭyāmanāvṛṣṭyāṃ śalabhānāṃ bhayeṣu ca || pramatteṣu ca coreṣu
vaiṣṇavī śāntiriṣyate
229.8
paśūnāṃ māraṇe prāpte narāṇāmapi dāruṇe || bhūteṣu dahyamāneṣu raudrī śāntistatheṣyate
229.9
vedanāśe samutpanne jane
jāte ca nāstike || apūjyapūjane jāte brāhmī śāntistatheṣyate
229.11
bhaviṣyatyabhiṣeke ca paracakrabhaye'pi ca || svarāṣṭra bhede'rivadhe raudrī śāntiḥ
praśasyate||10||vyahātirikte pavane bhakṣye sarvvavigarhite || vaikṛte vātaje vyādhau vāyavī śāntiriṣyate
229.12
anāvṛṣṭibhaye jāte prāpte vikṛtivarṣaṇe || jalā
śayavikāreṣu vāruṇī śāntiriṣyate
229.13
abhiśāpabhaye prāpte bhārgavī ca tathaiva ca || jāte prasavavaikṛtye prājāpatyā mahābhuja
229.14
upaskarāṇāṃ
vaikṛtye tvāṣṭrī pārthivanandana || bālānāṃ śāntikāmasya kaumārī ca tathā nṛpa
229.15
kuryyācchāntimathāgneyīṃ samprāpte vahnivaikṛte || ājñābhaṅge tu sañjāte
tathā bhṛtyādisaṃkṣaye
229.16
aśvānāṃ śāntikāmasya tadvikāre samutthite || aśvānāṃ kāmayānasya gāndharvī śāntiriṣyate
229.17
gajānāṃ śāntikāmasya
tadvikāre samutthite || gajānāṃ kāmayānasya śāntirāṅgirasī bhavet
229.18
piśācādibhaye jāte śāntirvai nairṛtī smṛtā || apamṛtyubhaye jāte duḥsvapne
ca tathā sthite
229.19
yāmyantu kārayecchāntiṃ prāpte tu narake tathā || dhananāśe samutpanne kauberī śāntiriṣyate
229.20
vṛkṣāṇāñca tathāthīnāṃ vaikṛte
samupasthite || bhūtikāmastathā śāntiṃ pārthivīṃ pratiyojayet
229.21
prathame dinayāme ca rātrau vā manujottama || haste svātau ca citrāyāmāditye cāśvine
tathā
229.22
aryyamṇi saumyajāteṣu vāyavyāntvadbhuteṣu ca || dvitīye dinayāme tu rātrau ca ravinandana
229.23
puṣyāgneye viśākhāsu pitryāsu bharaṇīṣu ca
utpāteṣu tathā bhāgye āgneyīṃ teṣu kārayet
229.24
tṛtīye dinayāme ca rātrau ca ravinandana || rohiṇyāṃ vaiṣṇave brāhme vāsave vaiśvadevate.
229.25
jyeṣṭhāyāñca tathā maitre ye bhavantyadbhutāḥ kvacit || aindrī teṣu prayoktavyā śāntī ravikulodvaha
229.26
caturthe dinayāme ca rātrau vā ravinandana
sārpe pauṣṇe tathādrāyāmahivudhdhye ca dāruṇe
229.27
mūle varuṇadaivatye ye bhavantyadbhutāstathā || vāruṇī teṣu karttavyā mahāśāntirmahīkṣitā
229.28
bhinnamaṇḍalavelāsu ye bhavantyadbhutāḥ kvacit || tatra śāntidvayaṃ kāryyaṃ nimitteṣu ca nānyathā || nirnimittakṛtā śāntirnimittenopayujyate
229.29
bāṇaprahārā na bhavanti yadvadrājan nṛṇāṃ sannahanairyutānām || daivopāghātā na bhavanti tadvaddharmmātmanāṃ śāntiparāyaṇānām
229.29.p1
iti śrīmātsye mahāpurāṇe'dbhutaśāntirnāmāṣṭāviṃśatyadhikadviśatatamo'dhyāyaḥ
Linked texts (2)
- Matsyapurāṇa — Vyāsa, Sanskrit
- Adbhutasāgara — Ballālasena & Lakṣmaṇasena, Sanskrit