Matsya 230
Matsya 230
- Language
- Sanskrit
Contents
- 230.26 — 1 part
230.1
cha || || manuruvāca || || adbhutānāṃ phalaṃ deva śamanañca tathā vada
tvaṃ hi vetsi viśālākṣa jñeyaṃ sarvvamaśeṣataḥ
230.2
matsya uvāca || || atra te varṇayiṣyāmi yaduvāca mahātapāḥ || atraye vṛddhagargastu sarvvadharma
bhṛtāṃ varaḥ
230.3
sarasvatyāṃ sukhāsīnaṃ garga srotasi pārthiva || papracchāsau mahātejā atrirmunijanapriyam
230.4
atriruvāca || || nahyatāṃ pūrvarūpāṇi
janānāṃ kathayasva me || nagarāṇāṃ tathā rājñāṃ tvaṃ hi sarvvaṃ vadasva mām
230.5
garga uvāca || || puruṣāpacārānniyatamaparajyanti devatāḥ || tato'parāgāddevā
nāmupasargaḥ pravarttate
230.6
divyantārikṣabhaumañca trividhaṃ samprakīrttitam || graharkṣavaikṛtaṃ divyamāntarikṣaṃ nibodha me
230.7
ulkāpāto diśāṃ dāhaḥ parive
ṣastathaiva ca || gandharvanagarañcaiva vṛṣṭiśca vikṛtā tu yā
230.8
evamādīni loke'sminnāntarikṣaṃ vinirdiśet || carasthirabhavo bhaumo bhūkampaścāpi
bhūmijaḥ
230.9
jalāśayānāṃ vaikṛtyaṃ bhaumaṃ tadapi kīrttitam || bhaume tvalpaphalaṃ jñeyaṃ cireṇa ca vipacyate
230.10
andhrajaṃ madhyaphaladaṃ madhyakālaphalapra
dam || adbhute tu samutpanne yadi vṛṣṭiḥ śivā bhavet
230.11
saptāhābhyantare jñeyamadbhutaṃ niṣphalaṃ bhavet || adbhutasya vipākaśca vinā śāntyā na hanyate
230.12
tribhirvarṣaistathā jñeyaṃ sumahadbhayakārakam || rājñaḥ śarīre loke ca puradvāre purohite
230.13
pākamāyāti putreṣu tathā vai kośavāhane || ṛtusva
bhāvādvājendra bhavantyadbhutasaṃjñitāḥ
230.14
śubhāvahāste vijñeyāstāṃśca me gadataḥ śṛṇu || vajrāśanimahīkampasandhyānirghātiniḥsvanāḥ
230.15
pariveṣarajodhūmaraktākrāṃstamayodayāḥ || drumodbhedakarasneho bahuśaḥ saphaladrumaḥ
230.16
gopakṣi madhuvṛddhiśca śubhāni madhumādhave || ṛkṣolkā
pātakalmaṣaṃ kapilākeṃdumaṇḍalam
230.17
kṛṣṇaśvetaṃ tathā pītaṃ dhūsaradhvāntalohitam || raktapuṣpāruṇaṃ sāndhyaṃ nabhaḥ kṣubdhārṇavopamam
230.18
saritāñcāmbusaṃśoṣaṃ dṛṣṭvā grīṣme śubhaṃ vadet || śakrāyudhaparīveṣaṃ vidyudulkādhirohaṇam
230.19
kampādvīrttanavaikṛtyaṃ hasanaṃ dāraṇaṃ kṣiteḥ || nadyo
dapānasarasāṃ vidhūnataraṇaplavāḥ
230.20
śṛṅgiṇāñca varāhāṇāṃ varṣāsu śubhamiṣyate || śītānilatuṣāratvaṃ narddanaṃ mṛgapakṣiṇām
230.21
rakṣobhūtapiśācānāṃ darśanaṃ vāgamānuṣī || diśo dhūmāndhakārāśca sanabhovanaparvvatāḥ
230.22
uccaiḥ sūryyodayāstau ca hemante śobhanāḥ smṛtāḥ
divyastrīrūpagandharvvavimānādbhutadarśanam
230.23
grahanakṣatratārāṇāṃ darśanaṃ vāgamānuṣī || gītavāditranirghoṣo vanaparvvatasānuṣu
230.24
śasya
vṛddhī rasotpattiḥ śaratkāle śubhāḥ smṛtāḥ || himapātānilotpātavirūpādbhutadarśanam
230.25
kṛṣṇaabhrābhamākāśaṃ tārolkāpātapiñjaram
citragarbhodbhavaḥ strīṣu go'jāśvamṛgapakṣiṣu || patrāṅkuralatānāñca vikārāḥ śiśire śubhāḥ
230.26
ṛtusvabhāvena vinādbhutasya jātasya dṛṣṭasya tu
śīghrameva || yathāgamaṃ śāntiranantarantu kāryā yathoktā vasudhādhipena
230.26.p1
iti śrīmātsye mahāpurāṇe'dbhutaśāntikotpattirnāmraikonatriṃśada dhikādviśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Śāntikamalākara — Kamalākarabhaṭṭa 1587, Sanskrit
- Atharvavedapariśiṣṭa — Sanskrit
- Śivatattvaratnākara — Basappa Nāyaka 1684, Sanskrit
- Svapnacintāmaṇi — Jagaddēva, Sanskrit
- Ātharvaṇapariśiṣṭa — Sanskrit