Pramāṇa · Search · About · API

Matsya 231

Matsya 231

Language
Sanskrit

Contents

231.1

garga uvāca || || devatācarcāḥ pranṛtyanti vepante prajvalanti ca || vamantyagniṃ tathā dhūmaṃ snehaṃ raktaṃ tathā vasāv

231.2

āraṭanti rudantyetāḥ prasvidyanti hasanti ca || uttiṣṭhanti niṣīdanti pradhāvanti dhamanti ca

231.3

bhuñjate vikṣipante vā kośapraharaṇa
dhvajān || avāṅmukhā vai bhavanti sthānātsthānaṃ bhramanti ca

231.4

evamādyā hi dṛśyante vikārāḥ sahasotthitāḥ || liṅgāyatanavipreṣu tatra vāsaṃ na
rocayet

231.5

rājño vā vyasanaṃ tatra sa ca deśo vinaśyati || devayātrāsu cotpātāndṛṣṭvā deśabhayaṃ vadet

231.6

pitāmahasya harmyeṣu tatra vāsaṃ na rocayet
paśūnāṃ rudrajaṃ jñeyaṃ nṛpāṇāṃ lokapālajam

231.7

jñeyaṃ senāpatīnāntu yatsyātskandaviśākhajam || lokānāṃ viṣṇuvasvīndraviśvakarmmasamudbhavam

231.8

vināyakodbhavaṃ jñeyaṃ gaṇānāṃ ye tu nāyakāḥ || devapreṣyānnṛpapreṣyā devastrībhirnṛpastriyaḥ

231.9

vāsudevodbhavaṃ jñeyaṃ grahāṇāmeva nānyathā
devatānāṃ vikāreṣu śrutivettā purohitaḥ

231.10

devatāccīntu gatvā vai snānamācchādya bhūṣayet || pūjayecca mahābhāga gandhamālyānnasampadā

231.11

madhuparkeṇa vidhivadupatiṣṭhedanantaram || purodhā juhuyāddhau saptarātramatandritaḥ

231.12

viprāśca pūjyā madhurātrapānaiḥ sadakṣiṇaṃ saptadinaṃ narendra || prāpte'ṣṭame'hni
kṣitigopradānaiḥ sakāñcanaiḥ śāntimupaiti pāpam

231.12.p1

iti śrīmatsye mahāpurāṇe'dbhutaśāntāvarcyadhikāro nāma triṃśadadhikadviśatatamo'dhyāyaḥ

Linked texts (3)