Pramāṇa · Search · About · API

Matsya 233

Matsya 233

Language
Sanskrit

Contents

233.1

cha || || garga uvāca || || pureṣu yeṣu dṛśyante pādapā devacoditāḥ || rudanto vā hasanto vā sravanto vā rasānbahūn

233.2

arogo vā vinā vātaṃ śākhāṃ muñcantyatha drumāḥ || phalaṃ mūlaṃ tathā kālaṃ darśayanti trihāyanāḥ

233.3

pūrvvavatsravaṃ darśayanti phalaṃ puṣpaṃ tathāntare
kṣīraṃ snehaṃ tathā raktaṃ madhu toyaṃ sravanti ca

233.4

śuṣyantyarogāḥ sahasā śuṣkā rohanti vā punaḥ || uttiṣṭhantīha patitāḥ patanti ca tathotthitāḥ

233.5

tatra vakṣyāmi te brahmanvipākaṃ phalameva ca || rode vyādhimabhyetiṃ hasane deśavibhramam

233.6

śākhāprapatanaṃ kuryātsaṅgrāme yodhapātanam || bālānāṃ
maraṇaṃ kuryādvālānāṃ bālapuṣpitā

233.7

svarāṣṭrabhedaṃ kurute phalapuṣpamathāntare || kṣayaḥ sarvvatra gokṣīre snehe durbhikṣalakṣaṇam

233.8

vāhanāpacayaṃ
madye rakte saṃgrāmamādiśet || madhusrāve bhavedvyādhirjelasrāve na varṣati

233.9

arogaśoṣaṇaṃ jñeyaṃ brahmandurbhikṣalakṣaṇam || śuṣkeṣu samprarohastu vīryyamannañca
hīyate

233.10

utthāne patitānāñca bhayaṃ bhedakaraṃ bhavet || sthānātsthānantu gamane deśabhaṅgastathā bhavet

233.11

jvalatsvapi ca vṛkṣeṣu
rudatsvapi dhanakṣayam || etatpūjitavṛkṣeṣu sarvvaṃ rājño vipadyate

233.12

puṣpe phale vā vikṛte rājño mṛtyuṃ tathādiśet || anyeṣu caiva vṛkṣeṣu vṛkṣotpāte
ṣvatandritaḥ

233.13

ācchādayitvā taṃ vṛkṣaṃ gandhamālyairvibhūṣayet || vṛkṣopari tathā cchatraṃ kuryātpāpapraśāntaye

233.14

śivamabhyarcayeddevaṃ
paśuñcāsmai nivedayet || rudrebhya iti vṛkṣeṣu hutvā rudraṃ japettataḥ

233.15

madhvājyayuktena tu pāyasena saṃpūjya viprāṃśca bhuvañca dadyāt
gītena nṛtthena tathārcayettu devaṃ haraṃ pāpavināśahetoḥ

233.15.p1

iti śrīmātsye mahāpurāṇe'dbhutaśāntau vṛkṣotpātapraśamanaṃ nāma dvātriṃśadadhikadviśata tamo'dhyāyaḥ

Linked texts (5)