Matsya 238

garga uvāca || || praviśanti yadā grāmamāraṇyā mṛgapakṣiṇaḥ || araṇyaṃ
yānti vā grāmyāḥ sthalaṃ yānti jalodbhavāḥ

sthalajāśca jalaṃ yānti ghoraṃ vāśanti nirbhayāḥ || rājadvāre puradvāre śivā cāpyaśivapradā

divā rātriñcarā vāpi rātrāvapi divācarāḥ || grāmyāstyajanti grāmañca śūnyatāṃ tasya nirdiśet

dīptā vāśanti sandhyāsu maṇḍalāni ca kurvvate
vāśanti visvaraṃ yatra tadāpyettatphalaṃ labhet

pradoṣe kukkuṭo vāśeddhemante vāpi kokilaḥ || arkaudaye'rkābhimukhī śivā rauti bhayaṃ vadet

gṛhaṃ kapotaḥ
praviśetkravyādo mūrdhni līyate || madhu vā makṣikāḥ kuryurmṛtyurgṛhapaterbhavet

prākāradvārageheṣu toraṇa āpaṇavīthiṣu || ketucchatrāyudhādyeṣu kravyādaṃ prapate
dyadi

jāyante vātha valmīkā madhu vā syandate yadi || sa deśo nāśamāyāti rājā ca mriyate tathā

mūṣakāñchulabhāndṛṣṭvā prabhūtaṃ kṣudbhayaṃ bhavet
kāṣṭholamukāsthiśṛṅgāḍhyāḥ śvāno markaṭavedanāḥ

durbhikṣavedanā jñeyā kākā dhānyamukhā yadi || janānābhibhavantīha nirbhayā raṇavedinaḥ

kāko maithunasaktaśca śvetastu yadi dṛśyate || rājā vā mriyate tatra sa ca deśo vinaśyati

ulūko dṛśyate yatra nṛpadvāre tathā gṛhe
jñeyo gṛhapatermṛtyurdhananāśastathaiva ca

mṛgapakṣivikāreṣu kuryyāddhomaṃ sadakṣiṇam || devāḥ kapotā iti vā japtavyāḥ pañcabhirdvijaiḥ

gāvaśca deyā vidhivadvijānāṃ sakāñcanā vastrayugottarīyāḥ || evaṃ kṛte śāntimupaiti pāpaṃ mṛgairdvijairvā viniveditaṃ yat

iti śrīmātsye mahā purāṇe'dbhutaśāntau mṛgapakṣivaikṛtyaṃ nāma saptatriṃśadadhikadviśatatamo'dhyāyaḥ

Linked texts (3)