Matsya 239

cha || || garga uvāca || || prāsādatoraṇāhvāladvāraprākāraveśma
nām || nirnimittantu patanaṃ dṛḍhānāṃ rājamṛtyave

rajasā vātha dhūmena diśo yatra samākulāḥ || ādityacandratārāśca vivarṇā bhayavṛddhaye

rākṣasā yatra dṛśyante brāhmaṇāśca vidharmiṇaḥ || ṛtavaśca viparyyastā apūjyaḥ pūjyate janaiḥ

nakṣatrāṇi viyogīni tanmahadbhayalakṣaṇam || ketūdayoparāgau
ca cchidraṃ vā śaśisūryyayoḥ

graharkṣavikṛtiryatra tatrāpi bhayamādiśet || striyaśca kalahāyante bālā nighnanti bālakān

kriyāṇāmuci
tānāñca vicchittiryatra jāyate || hūyamānastu yatrāgnirdīpyate na ca śāntiṣu

pipīlikāśca kravyādā yānti cottaratastathā || pūrṇakumbhāḥ sravante
ca havirvā vipralupyate

maṅgalyāśca giro yatra na śrūyante samantataḥ || kṣavathurvādhite vātha prahasanti nadanti ca

na ca deveṣu varttante yathāvadbrāhma
ṇeṣu ca || mandaghoṣāṇi vādyāni vādyante visvarāṇi ca

gurumitradviṣo yatra śatrumūjāratā narāḥ || brāhmaṇānsuhṛdo mānyāñjano yatrāvamanyate

śāntimaṅgalahomeṣu nāstikyaṃ yatra jāyate || rājā vā mriyate tatra sa deśo vā vinaśyati

rājño vināśe samprāpte nimittāni nibodha
me || brāhmaṇān prathamaṃ dveṣṭi brāhmaṇaiśca virudhyate

brāhmaṇasvvāni cādatte brāhmaṇāṃśca jighāṃsati || na ca smarati kṛtyeṣu yācitaśca prakupyati

ramate nindayā teṣāṃ praśaṃsāṃ nābhinandati || apūrvvantu karaṃ lobhāttathā pātayate jane

eteṣvabhyarcayecchakraṃ sapatnīkaṃ dvijottama
bhojyāni caiva kāryyāṇi surāṇāṃ balayastathā || santo viprāśca pūjyāḥ syustebhyo dānañca dīyatām

gāvaśca deyā dvijapuṅgavebhyo suvastathā
kāñcanamambarāṇi || homaśca kāryyo'marapūjanañca evaṃ kṛte pāpamupaiti śāntim

iti śrīmātsye mahāpurāṇe'dbhutaśāntāvutpātapraśamanaṃ nāmāṣṭatriṃśadadhikadviśatatamo'dhyāyaḥ

Contents