Pramāṇa · Search · About · API

Matsya 243

Matsya 243

Language
Sanskrit

Contents

243.1

manuruvāca || || svapnākhyānaṃ kathaṃ deva gamane pratyupasthite || dṛśyante vividhākārāḥ kathaṃ teṣāṃ phalaṃ bhavet

243.4

matsya uvāca || || idānīṃ kathayiṣyāmi nimittaṃ svapnadarśane || nābhiṃ vinānyagātreṣu tṛṇavṛkṣasamudbhavaḥ||2||cūrṇenaṃ mūrddhina kāṃsyānāṃ muṇḍanaṃ nagnatā
tathā||malināmbaradhāritvamabhyaṅgaḥ paṅkadigdhatā||3||uccātprapatanañcaiva dolārohaṇameva ca|| añjanaṃ pakvalohānāṃ hayānāmapi māraṇam

243.5

raktapuṣpadrumāṇā
ñca maṇḍalasya tathaiva ca || varāharkṣakharoṣṭrāṇāṃ tathā cārohaṇakriyā

243.6

bhakṣaṇaṃ pakvimatsyānāṃ tailasya kṛsarasya ca || narttanaṃ hasanañcaiva vivāho gīta
meva ca

243.7

tantrīvādyavihīnānāṃ vādyānāmabhivādanam || sroto'vagāhagamanaṃ snānaṃ gomayavāriṇā

243.10

paṅkodakena ca tathā mahītoyena cāpyatha || mātuḥ
praveśo jaṭhare citārohaṇameva ca||8||śakradhvajābhipatanaṃ patanaṃ śaśisūryyayoḥ||divyāntarikṣabhaumānāmutpātānāñca darśanam||9||devadvijātibhūpālagurūṇāṃ
krodha eva ca || āliṅganaṃ kumārīṇāṃ puruṣāṇāñca maithunam

243.11

hāniścaiva svagātrāṇāṃ virekavamanakriyā || dakṣiṇāśābhigamanaṃ vyādhinābhibhavastathā

243.12

phalāpahāniśca tathā puṣpahānistathaiva ca || gṛhāṇāñcaiva pātaśca gṛhasammārjanaṃ tathā

243.13

krīḍā piśācakravyādavānararkṣanarairapi
parādabhibhavaścaiva tasmācca vyasanodbhavaḥ

243.14

kāṣāyavastradhāritvaṃ tadvat strīkrīḍanaṃ tathā || snehapānāvagāhau ca raktamālyānulepanam

243.15

evamādīni cānyāni duḥsvapnāni vinirdiśet || eṣāṃ saṃkathanaṃ dhanyaṃ bhūyaḥ prasvāpanaṃ tathā

243.16

kalkasnānaṃ tilairhomo brāhmaṇānāñca pūjanam
stutiśca vāsudevasya tathā tasyaiva pūjanam

243.17

nāgendramokṣaśravaṇaṃ jñeyaṃ duḥsvapnanāśanam || svapnāstu prathame yāme saṃvatsaravipākinaḥ

243.18

ṣaḍbhirmāsairdvitīye tu tribhirmāsaistṛtīyeke || caturthe māsamātreṇa paśyato nātra saṃśayaḥ

243.19

aruṇodayavelāyāṃ daśāhena phalaṃ bhavet || ekasyāṃ
yadi vā rātrau śubhaṃ vā yadi vā'śubham

243.20

paścāddṛṣṭastu yastatra tasya pākaṃ vinirdiśet || tasmācchobhanake svapne paścāt svapno na śasyate

243.21

śailaprāsādanāgāśvavṛṣabhārohaṇaṃ hitam || drumāṇāṃ śvetapuṣpāṇāṃ gamane ca tathā dvija

243.22

drumatṛṇodbhavo nābhau tathaiva bahubāhutā || tathaiva bahu
śīrṣatvaṃ phalitodbhava eva ca

243.23

suśuklamālyadhāritvaṃ suśuklāmbaradhāritā || candrārkatārāmrahaṇaṃ parimārjjanameva ca

243.24

śakradhvajāliṅganañca tadu
cchrayāyakriyā tathā || bhūmyambudhīnāṃ grasanaṃ śatrūṇāñca vadhakriyā

243.25

jayo vivāde dyūte ca saṃgrāme ca tathā dvija || bhakṣaṇañcārdramāṃsānāṃ matsyānāṃ
pāyasasya ca

243.26

darśanaṃ rudhirasyāpi snānaṃ vā rudhireṇa ca || surārudhiramadyānāṃ pānaṃ kṣīrasya cātha vā

243.27

antrairvā veṣṭanaṃ bhūmau nirmalaṃ
gaganaṃ tathā || sukhena dohanaṃ śastaṃ mahiṣīṇāṃ tathā gavām

243.28

siṃhīnāṃ hastinīnāñca vaḍavānāṃ tathaiva ca || prasādo devaviprebhyo gurubhyaśca
tathā śubhaḥ

243.29

ambhasā tvabhiṣekastu gavāṃ śṛṅgāśritena vā || candrāṅguṣṭena vā rājanjñeyo rājyaprado hi saḥ

243.30

rājyābhiṣekaśca tathā
chedanaṃ śirasastathā || maraṇaṃ vahnidāhaśca vahnidāho gṛhādiṣu

243.31

labdhiśca rājyaliṅgānāṃ tantrīvādyābhivādanam || tathodakānāṃ taraṇaṃ tathā
viṣamalaṅghanam

243.32

hastinīvaḍavānāñca gavāñca prasavo gṛhe || ārohaṇamathāśvānāṃ rodanañca tathā śubham

243.33

varastrīṇāṃ tathā lābhastathāliṅganameva
ca || nigaḍairbandhanaṃ dhanyaṃ tathā viṣṭhānulepanam

243.34

jīvatāṃ bhūmipālānāṃ suhṛdāmapi darśanam || darśanaṃ devatānāñca vimalānāṃ tathāmbhasām

243.35

śubhānyetāni narastu dṛṣṭvā prāpnotyayatnāddhruvamarthalābham || svapnāni vai dharmabhṛtāṃ variṣṭha vyādhervimokṣañca tathāturo'pi

243.35.p1

iti śrīmātsye mahāpurāṇe yātrānimitte svapnādhyāyo nāma dvicatvāriṃśadadhikadviśatatamo'dhyāyaḥ

Linked texts (5)