Matsya 244
Matsya 244
- Language
- Sanskrit
Contents
- 244.28 — 1 part
244.1
cha || || manuruvāca || || gamanaṃ prati rājñāntu sammukhānda
rśane ca kim || praśastāṃścaiva sambhāṣya sarvvānetāṃśca kīrttaya
244.2
matsya uvāca || || auṣadhāni tvayuktāni dhānyaṃ kṛṣṇañca yadbhavet || kārpā
saśca tṛṇaṃ rājan śuṣkaṃ gomayameva ca
244.3
indhanañca tathāṅgāraṃ guḍaṃ tailaṃ tathā'śubham || avyaktaṃ malinaṃ muṇḍaṃ tathā nagnañca mānavam
244.4
mukta
keśaṃ rujārttañca kāṣāyāmbaradhāriṇam || unmattakaṃ tathā sattvaṃ dīnañcātha napuṃsakam
244.5
ayaḥpaṅkastathā carmma keśabandhanameva ca || tathaivoddhṛtasārāṇi
piṇyākādīni yāni ca
244.6
caṇḍālaśvapacāścaiva rājabandhanapālakāḥ || vadhakāḥ pāpakammāṇo garbhiṇī strī tathaiva ca
244.7
tuṣabhasmakapālāsthi
bhinnabhāṇḍāni yāni ca || raktāni caiva bhāṇḍāni mṛtaṃ śāṅgikameva ca
244.8
evamādīni cānyāni aśastānyabhidarśane || aśasto bāhyaśabdaśca bhinnabhaira
vajarjaraḥ
244.9
purataḥ śabda ehīti śasyate na tu pṛṣṭhataḥ|| gaccheti paścāddharmmajña purastāt tu vigarhitaḥ
244.10
ka yāsi tiṣṭha mā gaccha kiṃ te tatra gatasya
tu || anye śabdāśca ye'niṣṭāste vipattikarā api
244.11
dhvajādiṣu tathā sthānaṃ kravyādānāṃ vigarhitam || skhalanaṃ vāhanānāñca vastrasaṅgastathaiva
ca
244.12
nirgatasya tu dvārādau śirasaścābhighātitā || chatradhvajānāṃ vastrāṇāṃ patanañca tathā'śubham
244.13
dṛṣṭe nimitte prathamamamaṅgalyavināśanam
keśavaṃ pūjayedvidvān stavena madhusūdanam
244.14
dvitīye tu tato dṛṣṭe pratīpe praviśedagṛham || atheṣṭāni pravakṣyāmi maṅgalāni tathānagha
244.15
śvetāḥ
sumanasaḥ śreṣṭhāḥ pūrṇakumbhāstathaiva ca || jalajāḥ pakṣiṇaścaiva māṃsamatsyāśca pārthiva
244.17
gāvasturaṅgamā nāgā buddha ekaḥ paśustvajaḥ || tridaśāḥ suhṛdo
viprā jvalitaśca hutāśanaḥ||16||gaṇikā ca mahābhāga dūrvvā cārdrañca gomayam||rukmaṃ rūpyaṃ tathā tāmraṃ sarvvaratnāni cāpyatha
244.18
auṣadhāni ca dharmmajña
yavāḥ siddhārthakāstathā || nṛvāhyamānaṃ yānañca bhadrapīṭhaṃ tathaiva ca
244.19
khaḍgaṃ chatraṃ patākā ca mṛdaścāyudhameva ca || rājaliṅgāni sarvvāṇi sarvveṃ
ruditavarjitāḥ
244.20
ghṛtaṃ dadhi payaścaiva phalāni vividhāni ca || svastikaṃ varddhamānañca nandyāvarttaṃ sakaustubham
244.21
vāditrāṇāṃ sukhaḥ śabdaḥ
gambhīraḥ sumanoharaḥ|| gāndhāraṣaḍjaṛṣabhā ye ca śastāstathā svarāḥ
244.22
vāyuḥ saśarkaro rūkṣaḥ sarvvatra samupasthitaḥ || pratilomastathā nīco vijñeyo
bhayakṛdvija
244.24
anukūlo mṛduḥ snigdhaḥ sukhasparśaḥ sukhāvahaḥ||rūkṣā rūkṣasvarā bhadrāḥ kravyādāḥ parigacchatām||23||meghāḥ śastā ghanāḥ snigdhā gajavṛṃhita
niḥsvanāḥ|| anulomāstaḍicchannāḥ śakracāpaṃ tathaiva ca
244.25
apraśaste tathā jñeye pariveṣapravarṣaṇe || anulomā grahāḥ śastā vākpatistu viśeṣataḥ
244.26
āstikyaṃ śraddadhānatvaṃ tathā pūjyābhipūjanam || śastānyetāni dharmmajña yacca syānmanasaḥ priyam
244.27
manasastuṣṭirevātra paramaṃ jayalakṣaṇam
ekataḥ sarvvalaṅgāni manasastuṣṭirekataḥ
244.28
yānotsukatvaṃ manasaḥ praharṣaḥ śubhasya lābho vijayapravādaḥ || maṅgalyalabdhiḥ śravaṇañca rājanjñeyāni
nityaṃ vijayāvahāni
244.28.p1
iti śrīmātsye mahāpurāṇe yātrānimitte maṅgalādhyāyo nāma tricatvāriṃśadadhikadviśatatamo'dhyāyaḥ
Linked texts (4)
- Agnipurāṇa (Nag Publishers edition, Delhi) — Sanskrit
- Bṛhajjyotiṣasāra — Bhavānī Śaṃkara, Sanskrit
- Gṛhastharatnākara — Caṇḍeśvara, Sanskrit
- Muhūrtaprakāśa (Caturthīlālaśarman) — Caturthīlālaśarman, Sanskrit