Pramāṇa · Search · About · API

Matsya 245

Matsya 245

Language
Sanskrit

Contents

245.1

ṛṣaya ūcuḥ|| || rājadharmmastvayā sūta kathito vistareṇa tu || tathaivādbhutamaṅgalyaṃ svapnadarśanameva ca

245.2

viṣṇoridānīṃ māhātmyaṃ puna
rvaktumirihasi || kathaṃ sa vāmano bhūtvā babandha balidānavam || kramataḥ kīdṛśaṃ rūpamāsīllokatraye hareḥ

245.3

sūta uvāca || || etadeva purā pṛṣṭaḥ
kurukṣetre tapodhanaḥ || śaunakastīrthayātrāyāṃ vāmanāyatane purā

245.4

yadā samayabheditvaṃ draupadyāḥ pārthivaṃ prati || arjunena kṛtaṃ tatra tīrthayātrāṃ tadā
yayau

245.5

dharmmakṣetre kurukṣetre vāmanāyatane sthitaḥ || dṛṣṭvā sa vāmanaṃ tatra arjuno vākyamabravīt

245.6

arjuna uvāca || || kiṃ nimittamayaṃ
devo vāmanākṛtirijyate || varāharūpī bhagavānkasmātpūjyo'bhavatpurā || kasmācca vāmanasyedamiṣṭaṃ kṣetramajāyata

245.7

śaunaka uvāca
vāmanasya ca vakṣyāmi varāhasya ca dhīmataḥ || tyaktvātivistaraṃ bhūyo māhātmyaṃ kurunandana

245.8

purā nivārite śakre sureṣu vijiteṣu ca
cintayāmāsa devānāṃ jananī punarudbhavam

245.9

aditirrdevamātā ca paramaṃ duścaraṃ tapaḥ || tīvraṃ cacāra varṣāṇāṃ sahasraṃ pṛthivīpate

245.10

ārādhanāya kṛṣṇasya vāgyatā vāyubhojanā || daityairnirākṛtāndṛṣṭvā tanayānkurunandana

245.11

vṛthāputrāhamasmīti nirvvedāt praṇatā harim
tuṣṭāva vāgbhiriṣṭābhiḥ paramārthavibodhinī || devadevaṃ hṛṣīkeśaṃ natvā sarvvagataṃ harim

245.12

aditiruvāca || || namaḥ smṛtārttināśāya namaḥ
puṣkaramāline || namaḥ paramakalyāṇakalyāṇāyādivedhase

245.13

namaḥ paṅkajanetrāya namaḥ paṅkajanābhaye || śriyaḥ kāntāya dāntāya paramārthāya
cakriṇe

245.14

namaḥ paṅkajasambhūtisambhavāyātmayonaye || namaḥ śaṅkhāsihastāya namaḥ kanakaretase

245.15

tathātmajñānavijñānayogicintyātmayo
gine || nirguṇāyaviśeṣāāya haraye brahmarūpiṇe

245.16

jagatpratiṣṭhitaṃ yatra jagatā yo na dṛśyate || namaḥ sthūlātisūkṣmāya tasmai devāya śārṅgine

245.17

yaṃ na paśyanti paśyanto jagadapyakhilaṃ narāḥ || apaśyadbhirjagadyatra na devo hṛdi saṃsthitaḥ

245.18

yasminnannaṃ payaścaiva nadyaścaivākhilaṃ jagat
tasmai samastajagatāmādhārāya namo namaḥ

245.19

ādyaḥ prajāpatipatiryaḥ prabhūṇāṃ patiḥ paraḥ || patiḥ surāṇāṃ yastasmai namaḥ kṛṣṇāya vedhase

245.20

yaḥ pravṛttau nivṛttau ca ijyate karmmabhiḥ svakaiḥ || svargāpavargaphalado namastasmai gadābhṛte

245.21

yaścintyamāno manasā sadyaḥ pāpaṃ vyapohati || namasta
smai viśuddhāya parāya harivedhase

245.22

yaṃ buddhvā sarvvabhūtāni devadeveśamavyayam || na punarjanmamaraṇe prāpnuvanti namāmi tam

245.23

yo yajñe yajñapara
mairijyate yajñasaṃjñitaḥ|| taṃ yajñapuruṣaṃ viṣṇuṃ namāmi prabhumīśvaram

245.24

gīyate sarvvavedeṣu vedavidbhirvidāṃ patiḥ || yastasmai vedavedyāya viṣṇave jiṣṇave namaḥ

245.25

yato viśvaṃ samutpannaṃ yasmiṃśca layameṣyati || viśvāgamapratiṣṭhāya namastasmai mahātmane

245.26

brahmādistambaparyyantaṃ yena viśvamidaṃ tatam
māyājālaṃ samuttarttuntamupendraṃ namāmyaham

245.27

yastu toyasvarūpastho bibharttyakhilamīśvaraḥ || viśvaṃ viśvapatiṃ viṣṇuṃ taṃ namāmi prajāpatim

245.28

yamārādhya viśuddhena manasā karmmaṇā girā || tarantyavidyāmakhilāṃ tamupendraṃ namāmyaham

245.29

viṣādatoṣaroṣādyairyo'jasraṃ sukhaduḥkhajaiḥ || nṛtyatya
khilabhūtasthastamupendraṃ namāmyaham

245.30

mūrtta tamo'suramayaṃ tadvadhādvinihanti yaḥ || rātriṃjaṃ sūryyarūpīva tamupendraṃ namāmyaham

245.31

kapilādi
svarūpastho yaścājñānamayaṃ tamaḥ || hanti jñānapradānena tamupendraṃ namāmyaham

245.32

yasyākṣiṇī candrasūryyau sarvvalokaśubhāśubham || paśyataḥ karmma
satatamupendraṃ taṃ namāmyaham

245.33

yasminsarvveśvare sarvvaṃ satyametanmayoditam || nānṛtaṃ tamajaṃ viṣṇuṃ namāmi prabhavāvyayam

245.34

yacca tatsatya
muktaṃ me bhūyāṃścāto janārddanaḥ || satyena tena sakalāḥ pūryyantāṃ me manorathāḥ

245.35

śaunaka uvāca || || evaṃ stutaḥ sa bhagavānvāsudeva uvāca
tām || adṛśyaḥ sarvvabhūtānāṃ tasyāḥ sandarśane sthitaḥ

245.36

śrībhagavānuvāca || || manorathāṃstvamadite yānicchasyabhivāñchitān || tāṃstvaṃ prāpsyasi
dharmmajñe matprasādānna saṃśayaḥ

245.37

śṛṇuṣva sumahābhāge varo yaste hṛdi sthitaḥ || tamāśu vriyatāṃ kāmaṃ śreyaste sambhaviṣyati || maddharśanaṃ hi viphalaṃ na
kadācidbhaviṣyati

245.38

aditiruvāca || || yadi deva prasannastvaṃ madbhaktyā bhaktavatsala || trailokyādhipatiḥ putrastadastu mama vāsavaḥ

245.39

hṛtaṃ rājyaṃ hṛtāścāsya yajñabhāgā mahāsuraiḥ || tvayi prasanne varade tānprāpnotu suto mama

245.40

hṛtaṃ rājyaṃ na duḥkhāya mama putrasya keśava || sāpatnādbhā
yanirbhraṃśo bādhaṃ naḥ kurute hṛdi

245.41

śrībhagavānuvāca || || kṛtaḥ prasādo hi mayā tava devi yathepsitaḥ || svāṃśena caiva te garbhe sambhaviṣyāmi
kaśyapāt

245.42

tava garbhasamudbhūtastataste ye surārayaḥ || tānahaṃ nihaniṣyāmi nivṛttā bhava nandini

245.43

aditiruvāca || || prasīda devadeveśa
namaste viśvabhāvana || nāhaṃ tvāmudare deva voḍhuṃ śakṣyāmi keśava

245.44

yasminpratiṣṭhitaṃ viśvaṃ yo viśvaṃ svayamīśvaraḥ || tamahaṃ nodareṇa tvāṃ voḍhuṃ śakṣyāmi
durddharam

245.45

śrībhagavānuvāca || || satyamāttha mahābhāge mayi sarvvamidaṃ jagat || pratiṣṭhitaṃ na māṃ śaktā voḍhuṃ sendrā divaukasaḥ

245.46

kintvahaṃ sakalām̐
llokānsadevāsuramānuṣān || jaṅgamānsthāvarānsarvvāṃstvāñca devi sakaśyapām || dhārayiṣyāmi bhadraṃ te tadalaṃ sambhrameṇa te

245.47

na te glānirna te khedo garbhasthe
bhavitā mayi || dākṣāyaṇi prasādaṃ te karomyanyaiḥ sudurlabham

245.48

garbhasthe mayi putrāṇāṃ tava yo'rirbhaviṣyati || tejasastasya hāniśca kariṣye mā vyathāṃ
kṛthāḥ

245.49

śaunaka uvāca || || evamuktvā tataḥ sadyo yāto'ntarddhānamīśvaraḥ || sāpi kālena taṃ garbhamavāpa kurusattama

245.50

garbhasthite tataḥ kṛṣṇe
cacāla sakalā kṣitiḥ || cakampire mahāśailāḥ kṣobhaṃ jagmustathābdhayaḥ

245.52

yato yato'ditiryāti dadāti lalitaṃ padam || tatastataḥ kṣitiḥ khedānnanāma
vasudhādhipa ||51||daityānāmatha sarvveṣāṃ garbhasthe madhusūdane || babhūva tejasāṃ hāniryathoktaṃ parameṣṭhinā

245.52.p1

iti śrīmatsye mahāpurāṇe vāmanaprādurbhāve'diti varapradānaṃ nāma catuścatvāriṃśadadhikadviśatatamo'dhyāyaḥ

Linked texts (3)