Matsya 252
Matsya 252
- Language
- Sanskrit
Contents
- 252.36 — 1 part
252.1
cha || || sūta uvāca || || mathyamāne punastasmiñjaladhau samadṛśyata || dhanvantariḥ sa bhagavānāyurvvedaprajāpatiḥ
252.2
madirā
cāyatakṣī sā lokacittapramāthinī || tato'mṛtañca surabhiḥ sarvvabhūtabhayāpahā
252.3
jagrāha kamalāṃ viṣṇuḥ kaustubhañca mahāmaṇim || gajendrañca sahasrākṣo
hayaratnañca bhāskaraḥ
252.4
dhanvantariśca jagrāha lokārogyapravarttakam || chatraṃ jagrāha varuṇaḥ kuṇḍale ca śacīpatiḥ
252.5
pārijātataruṃ vāyurjagrāha mudita
stathā || dhanvantaristato devo vapuṣmānudatiṣṭhata
252.6
śvetaṃ kamaṇḍaluṃ bibhradamṛtaṃ yatra tiṣṭhati || etadatyadbhutaṃ dṛṣṭvā dānavānāṃ samutthitaḥ
252.7
amṛ
tārthe mahānādo mamedamiti jalpatām || tato nārāyaṇo māyāmāsthito mohinīṃ prabhuḥ
252.8
strīrūpamatulaṃ kṛtvā dānavānabhisaṃsṛtaḥ || tatastadamṛtaṃ
tasyai daduste mūḍhacetanāḥ || striyai dānavadaiteyāḥ sarvve tadgatamānasāḥ
252.9
athāstrāṇi ca mukhyāni mahāpraharaṇāni ca || pragṛhyābhyadravandevān
sahitā daityadānavāḥ
252.10
tatastadamṛtaṃ devo viṣṇurādāya vīryyavān || jahāra dānavendrebhyo nareṇa sahitaḥ prabhuḥ
252.11
tato devagaṇāḥ
sarvve papustadamṛtaṃ tadā || viṣṇoḥ sakāśātsaṃprāpya saṃgrāme tumule sati
252.12
tataḥ pibatsu tatkālaṃ deveṣvamṛtamīpsitam || rāhurvibudharūpeṇa
dānavo'pyapibattadā
252.13
tasya kaṇṭhamanuprāpte dānavasyāmṛte tadā || ākhyātaṃ candrasūryābhyāṃ surāṇāṃ hitakāmyayā
252.14
tato bhaga
vatā tasya śiraśchinnamalaṅkṛtam || cakrāyudhena cakreṇa pibato'mṛtamojasā
252.15
tacchailaśṛṅgapratimaṃ dānavasya śiro mahat || cakreṇotkṛtta
mapataccālayanvasudhātalamū
252.16
tato vairavinirvvandhaḥ kṛto rāhumukhena vai || śāśvataścandrasūryābhyāṃ prasahmādyāpi bādhate
252.17
vihāya
bhagavāṃścāpi strīrūpamatulaṃ hariḥ || nānāpraharaṇairbhīmairdānavān samakampayat || prāsāḥ suvipulāstīkṣṇāḥ patantaśca sahasraśaḥ
252.18
te'su
rāścakranirbhinnā vamanto rudhiraṃ bahu || asiśaktigadābhinnā nipeturdharaṇītale
252.19
bhinnāni paṭṭiśaiścāpi śirāṃsi yudhi dāruṇaḥ || taptakāñcanamā
lyāni nipetturaniśaṃ tadā
252.20
rudhireṇāvaliptāṅgā nihatāśca mahāsurāḥ ! adriṇāmiva kūṭāni dhāturaktāni śerate
252.21
tato halahalāśabdaḥ
sambabhūva samantataḥ || anyonyaṃ chindatāṃ śastrairāditye lohitāyati
252.22
parighaiścāyasaiḥ pātaḥ santrikarṣaiśca muṣṭibhiḥ || nighnatāṃ samare'nyonyaṃ
śabdo divamivāspṛśat
252.23
chindhi bhindhi pradhāveti pātayābhisareti vai || viśrūyante mahāghorāḥ śabdāstatra samantataḥ
252.24
evaṃ sutumule yuddhe vartta
māne mahābhaye || naranārāyaṇau devau samājagmaturāhavam
252.25
tatra divyaṃ dhanurdṛṣṭvā narasya bhagavānāpi || cintayāmāsa vai cakraṃ viṣṇurdānavasattamān
252.26
tato'mbarāccintitamātramāgataṃ mahāprabhaṃ cakramamitranāśanam || vibhāvasostulyamakuṇṭhamaṇḍalaṃ sudarśanaṃ bhīmamasahmāvikramam
252.27
tadāgataṃ
jvalitahutāśanaprabhaṃ bhayaṅkaraṃ karikarabāhuracyutaḥ || mahāprabhaṃ ditukuladaityadāraṇaṃ tathojjvalajjvalanasamānavigraham
252.28
mumoca vai tapanamudrapravegavān
mahāprabhaṃ ripunagarāvadāraṇam || saṃvarttakajvalanasamānavarccasaṃ punaḥpunarnyapatata vegavat tadā
252.29
vyadārayaddititanayān sahasraśaḥ kareritaṃ puruṣavareṇa
saṃyuge || dahat kvacijjvalana ivānileritaḥ prasaya tānasuragaṇānakṛntata
252.30
praveritaṃ viyati muhuḥ kṣitau tadā papau raṇe rudhiramayaḥ piśācavat
athāsurā giribhiradīnamānasā muhurmuhuḥ suragaṇamarddayastathā
252.31
mahācalā vigalitameghavarccasaḥ sahasraśo gaganamahāprapātinaḥ || athāntarā bharaja
nanāḥ prapedire sapādvapā bahuvidhamegharūpiṇaḥ
252.32
mahādrayaḥ pravigalitāgrasānavaḥ parasparaṃ drutamabhipatya bhāsvarāḥ || tato mahī pracalitasādrikānanā
mahīdharāḥ pavanahatāḥ samantataḥ
252.33
parasparaṃ bhṛśamabhigarjitaṃ muhu raṇājire bhṛśamabhisampravarttate || narastato varakanakāgrabhūṣaṇairmaheṣubhiḥ pavana
pathaṃ samāvṛṇot
252.34
vidārayangiriśikharāṇi patribhirmahābhaye suragaṇavigrahe tadā || tato mahīṃ lavaṇajalañca sāgaraṃ mahāsurāḥ praviviśurardditāḥ
suraiḥ
252.35
viyadgataṃ jvalitahutāśanaprabhaṃ sudarśanaṃ parikupitaṃ niśāmya ca || tataḥ surairvijayamavāpya mandaraḥ svameva deśaṃ gamitaḥ supūjitaḥ
252.36
vinādayansvadiśamupetya sarvvaśastato gatāḥ saliladharā yathāgatam || tato'mṛtaṃ sunihitameva cakrire surāḥ parāṃ mudamabhigamya puṣkalām || daduśca taṃ
nidhimamṛtasya rakṣituṃ kirīṭine balibhirathāmaraiḥ saha
252.36.p1
iti śrīmātsye mahāpurāṇe'mṛtamanthanaṃ nāmaikapañcāśadadhikadviśatatamo'dhyāyaḥ
Linked texts (1)
- Southern recension — Sanskrit