Matsya 253

ṛṣaya ūcuḥ || || prāsādabhavanādīnāṃ niveśaṃ vistarādvada || kuryyātkena vidhānena kaśca vāstusradāhṛtaḥ

sūta uvāca || bhṛguratriva
siṣṭhaśca viśvakarmmā mayastathā || nārado nagnajiccaiva viśālākṣaḥ purandaraḥ

brahmā kumāro nandīśaḥ śaunako garga eva ca || vāsu
devo'niruddhaśca tathā śukrabṛhaspatī

aṣṭādaśaite vikhyātā vāstuśāstropadeśakāḥ || saṃkṣepeṇopadiṣṭantu manave matsyarūpiṇā

tadidānīṃ pravakṣyāmi vāstuśāstramanuttamam || purā'ndhakavadhe ghore ghorarūpasya śūlinaḥ

lalāṭasvedasalilamapatadbhuvi bhīṣaṇam
karālavadanaṃ tasmādbhūtamadbhūtamulbaṇam

grasamānāmivākāśaṃ saptadvīpāṃ vasundharām || tato'ndhakānāṃ rudhiramapibatpatitaṃ kṣitau

tena tatsamare sarvvaṃ patitaṃ yanmahītale || tathāpi tṛptimagamanna tadbhūtaṃ yadā tadā

sadāśivasya puratastapaścakre sudāruṇam
kṣudhāviṣṭantu tadbhūtamāhartuṃ jagatītrayam

tataḥ kālena santuṣṭo bhairavastasya cāha vai || varaṃ vṛṇīṣva bhadraṃ te yadabhīṣṭaṃ tavānagha

tamuvāca tato bhūtaṃ trailokyagrasanakṣamam || bhavāmi devadeveśa tathetyuktañca śūlinā

tatastattridivaṃ sarvvaṃ bhūmaṇḍalamaśeṣataḥ || svadehenāntari
kṣañca rundhānaṃ prapatadbhuvi

bhītabhītaistato devairbrahmaṇā cātha śūlinā || dānavāsurarakṣobhiravaṣṭabdhaṃ samantataḥ

yena yatraiva cākrāntaṃ sa
tatraivāvasatpunaḥ || nivāsātsasarvvadevānāṃ vāsturityabhidhīyate

avaṣṭabdhāśca tenāpi vijñātāḥ sarvvadevatāḥ || prasīdadhvaṃ surāḥ sarvve yuṣmābhirni
rbalīkṛtaḥ

sthāsyāmyahaṃ kimākāro hyavaṣṭabdho hyadhomukhaḥ || tato brahmādibhiḥ proktaṃ vāstumadhye tu yo baliḥ

āhāro vaiśvadevānte nūnamasminbhaviṣyati || vāstupūjāmakurvvāṇastavāhāro bhaviṣyati

ajñānāttu kṛto yajñastavāhāro bhaviṣyati || yajñotsa
vādau ca balistavahāro bhaviṣyati

evamuktastato hṛṣṭaḥ sa vāsturabhavattadā || vāstuyajñaḥ smṛtastasmāttataḥ prabhṛti śāntaye

iti śrīmātsye mahāpurāṇe vāstubhūtodbhavo nāma dvipañcāśadadhikadviśatatamo'dhyāyaḥ

Linked texts (5)