Pramāṇa · Search · About · API

Matsya 254

Matsya 254

Language
Sanskrit

Contents

254.1

sūta uvāca || || athātaḥ sampravakṣyāmi gṛha
kālavinirṇayam || yathā kālaṃ śubhaṃ jñātvā sadā bhavanamārabhet

254.2

caitre vyādhimavāpnoti yo gṛhaṃ kārayennaraḥ || vaiśākhe dhenugnāni jyeṣṭhe mṛtyuṃ
tathaiva ca

254.3

āṣāḍhe bhṛtyagnāni paśuvargamavāpnuyāt || śrāvaṇe bhṛtyalābhantu hāniṃ bhādrapade tathā

254.4

patnīnāśo'śvine vindyātkārttike dhanadhānya
kam || mārgaśīrṣe tathā bhaktaṃ pauṣe taskarato bhayam

254.5

lābhañca bahuśo vindyādagniṃ māghe vinirdiśet || phālgune kāñcanaṃ putrāniti kālavalaṃ
smṛtam

254.6

aśvinī rohiṇī mūlaṃ uttarātrayamaindavam || svātī hasto'nurādhā ca gṛhārambhe praśasyate

254.7

ādityabhaumavarjyāstu sarvve vārāḥ
śubhāvahāḥ || varjya vyāghātaśūle ca vyatīpātātigaṇḍayoḥ

254.8

viṣkambhagaṇuparighavajrayogeṣu kārayet || śvete maitre'tha māhendre gāndharvvābhijiti
rauhiṇe

254.9

tathā vairāja sāvitre muhūrtte gṛhamarabhet || candrādityabalaṃ labdhvā śubhalagnaṃ nirīkṣayet

254.10

stambhocchrāyādi karttavyamanyattu parivarja
yet || prāsādeṣvevamevaṃ syātkūpavāpīṣu caiva hi

254.11

pūrvaṃ bhūmiṃ parīkṣeta paścādvāstuṃ prakalpayet || śvetā raktā tathā pītā kṛṣṇā caivānupūrvvaśaḥ

254.12

viprādeḥ śasyate bhūmirataḥ kāryyaṃ parīkṣaṇam || viprāṇāṃ madhurāsvādā kaṭukā kṣatriyasya tu

254.13

tiktā kaṣāyā ca tathā vaiśyaśūdreṣu
śasyate || aratnimātre vai gattai svanulipte ca sarvvaśaḥ

254.14

ghṛtamāmaśarāvasthaṃ kṛtvā varttituṣṭayam || jvālayedbhūṃparīkṣārthaṃ tatpūrṇaṃ sarvvadikmukham

254.15

dīptau pūrvvādi gṛhṇīyādvarṇānāmanupūrvvaśaḥ || vāstuḥ sāmūhikau nāma dīpyate sarvvatastu yaḥ

254.16

śubhadaḥ sarvvavarṇānāṃ prāsādeṣu gṛheṣu ca
ratnimātramadhogarttaṃ parīkṣyaṃ khātapūraṇe

254.17

adhike śriyamaprāpnoti nyūne hāniṃ same samam || phālakṛṣṭe'thavā deśe sarvvabījāni vāpayet

254.18

triprañcasaptarātre ca yatrārohanti tānyapi || jyeṣṭhottamā kaniṣṭhā bhūrvarjanīyetarā sadā

254.19

pañcagavyauṣadhijalaiḥ parīkṣitvā ca secayet || ekāśīti
padaṃ kṛtvā rekhābhiḥ kanakena ca

254.20

paścātpiṣṭena cālipya sūtreṇālocya sarvvataḥ || daśa pūrvvāyatā lekhā daśa caivottarāyatāḥ

254.21

sarvvavāstu
vibhāgeṣu vijñeyā navakā nava || ekāśītipadaṃ kṛtvā vāstuvittatsarvvavāstuṣu

254.22

padasthānpūjayeddevāṃstriṃśatpañcadaśaiva tu || dvātriṃśadvāhyataḥ pūjyāḥ pūjyā
ścāntastrayodaśa

254.23

nāmatastānpravakṣyāmi sthānāni ca nibodhata || īśānakoṇādiṣu tānpūjayeddhaviṣā naraḥ

254.24

śikhī caivātha parjanyo
jayantaḥ kuliśāyudhaḥ || sūryyassatyau bhṛśaścaiva ākāśo vāyureva ca

254.25

pūṣā ca vitathaścaiva gṛhakṣatayamāvubhau || gandharvvo bhṛṅgarājaśca mṛgaḥ pitṛga
ṇastathā

254.26

dauvāriko'tha sugrīvaḥ puṣpavanto jalādhipaḥ || asuraḥ śoṣapāpau ca rogo'himukhya eva ca

254.27

bhallāṭaḥ somasarpau ca adi
tiśca ditistathā || bahirdvātriṃśadete tu tadantastu tataḥ śṛṇu

254.28

īśānādicatuṣkoṇasaṃsthitānpūjayedbudhaḥ || āpaścaivātha sāvitro jayo rudrasta
thaiva ca

254.29

madhye navapade brahmā tasyāṣṭau ca samīpagān || sādhyānekāntarāgvidyātpūrvvādyānnāmataḥ śṛṇu

254.30

aryyamā savitā caiva vivasvān
vibudhādhipaḥ || mitro'tha rājayakṣmā ca tathā pṛthvīdharaḥ smṛtaḥ

254.31

aṣṭamaścāpavatsastu parito brahmaṇaḥ smṛtaḥ || āpaścaivāpavatsaśca parjanyo'gni
rdditistathā

254.32

padikānāntu vargo'yamevaṃ koṇeṣvaśeṣataḥ || tanmadhye tu bahirviṃśādvipadāste tu sarvvaśaḥ

254.33

aryyamā ca vivasvāṃśca mitraḥ pṛthvī
dharastathā || brahmaṇaḥ parito dikṣu tripadāste tu sarvvaśaḥ

254.34

vaṃśānidānīṃ vakṣyāmi ṛjūnāpi pṛthak pṛthak || vāyuṃ yāvattathā rogātpitṛbhyaḥ śikhinaṃ
punaḥ

254.35

mukhyādbhṛśaṃ tathā śoṣādvitathaṃ yāvadeva tu || sugrīvādaditiṃ yāvanmṛgātparjanyameva ca

254.36

ete vaṃśāḥ samākhyātāḥ kvacicca jayameva tu
eteṣāṃ yastu sampātaḥ padaṃ madhyaṃ samaṃ tathā

254.37

mammaṃ caitatsamākhyātaṃ triśūlaṃ koṇagañca yat || stambhaṃ nyāseṣu varjyāni tulāvidhiṣu sarvvadā

254.38

kīlocchiṣṭopaghātādi varjjayedyatnato janaḥ || sarvvatra vāstunirddiṣṭo pitṛvaiśvānarāyataḥ

254.39

mūrddhnyagniḥ saṃmādiṣṭo mukhe cāpaḥ samāśritaḥ
pṛthvīdharo'yyamā caiva stanayostāvadhiṣṭhitau

254.40

vakṣaḥsthale cāpavatsaḥ pūjanīyaḥ sadā budhaiḥ || netrayordditiṃparjanyau śrotre'ditijayantako

254.41

sarpendrrāvaṃsasaṃsthau tu pūjanīyau prayatnataḥ || sūryyasomādayastadvadvāhvoḥ pañca ca pañca ca

254.42

rudraśca rājayakṣmā ca vāmahaste samāsthitau || sāvitraḥ
savitā tadvaddhastaṃ dakṣiṇamāsthitau

254.43

vivasvānātha mitraśca jaṭhare saṃvyavasthitau || pūṣā ca pāpayakṣmā ca hastayormmaṇibandhane

254.44

tathaivāsura
śoṣau ca vāmapārśva samāśritau || pārśve tu dakṣiṇe tadvadvitathaḥ sagṛhakṣataḥ

254.45

ūrvvoryyamāmbupau jñeyau jānvorgandharvvapuṣpakau || jaṅghayorbhṛgusugrīvau
sphiksthau dauvāriko mṛgaḥ

254.46

jayaśakrau tathā meḍhre pādayoḥ pitarastathā || madhye navapade brahmā hṛdaye sa tu pūjyate

254.47

catuḥṣaṣṭipado vāstuḥ
prāsāde brahmaṇā smṛtaḥ || brahmā catuṣpadastatra koṇeṣvarddhapadāstathā

254.48

bahiṣkoṇeṣu vāstau tu sārddhāścobhayasaṃsthitāḥ || viṃśatidvipadāścaiva catuḥ
ṣaṣṭipade smṛtāḥ

254.49

gṛhārambheṣu kaṇḍūtiḥ svāmyaṅgaṃ yatra jāyate || śalyantattvapanayettatra prāsāde bhavane tathā

254.50

saśalyaṃ bhayadaṃ yasmādaśalyaṃ
śubhadāyakam || hīnādhikāṅgatāṃ vāstoḥ sarvvathā tu vivarjjayet

254.51

nagaragrāmadeśeṣu sarvvatraivaṃ vivarjjayet || catuḥśālaṃ triśālañca dviśālañcaikaśā
lakam || nāmatastānpravakṣyāmi svarūpeṇa dvijottamāḥ

254.51.p1

iti śrīmatsye mahāpurāṇe ekāśītipadavāstunirṇayo nāma tripañcāśadadhikadviśatata mo'dhyāyaḥ

Linked texts (5)