Matsya 256
Matsya 256
- Language
- Sanskrit
Contents
- 256.24 — 1 part
256.1
cha || || sūta uvāca
athātaḥ sampravakṣyāmi stambhamānavinirṇayam || kṛtvā svabhavanocchrāyaṃ sadā saptaguṇaṃ budhaiḥ
256.2
aśītyaṃśaḥ pṛthutvaṃ syādagreṇāvaguṇaiḥ saha || ruca
kaścaturaḥ syāttu aṣṭāsro vajra ucyate
256.3
dvivajraḥ ṣoḍaśāsrastu dvātriṃśāsraḥ pralīnakaḥ || madhyapradeśe yastambho vṛtto vṛtta iti smṛtaḥ
256.4
ete pañca mahāstambhāḥ praśastāḥ sarvvavāstuṣu || padmavallīlatākumbhapatradarpaṇarūpitāḥ
256.5
stambhasya navamāṃśena padmakumbhāntarāṇi tu
stambhatulyā tulā proktā hīnā copatulā tataḥ
256.6
tribhāgeneha sarvvatra caturbhāgena vā punaḥ || hīnaṃ hīnaṃ caturthāṃśāt tathā sarvvāsu bhūmiṣu
256.7
vāsagehāni sarvveṣāṃ praveśo dakṣiṇena tu || dvārāṇi tu pravakṣyāmi praśastānīha yāni tu
256.8
pūrvveṇendraṃ jayantañca dvāraṃ sarvvatra śasyate || yāmyañca
vitathañcaiva dakṣiṇena vidurbudhāḥ
256.9
paścime puṣpavantañca vāruṇañca praśasyate || uttareṇa tu bhallāṭaṃ saumyantu śubhadaṃ bhavet
256.10
tathā vāstuṣu sarvvatra vedhaṃ dvārasya varjjayet || dvāre tu rathyayā viddhe bhavet sarvvakulakṣayaḥ
256.11
taruṇā dveṣabāhulyaṃ śokaḥ paṅkena jāyate || apa
smāro bhavennūnaṃ kūpavedhena sarvvadā
256.12
vyathā prasravaṇena syāt kīlenāgnibhayaṃ bhavet || vināśo devatāviddhe stambhena strīkṛtaṃ bhavet
256.13
gṛhabharturvināśaḥ syādgraheṇa ca gṛhe kṛte || amedhyāvaskarairviddhe gṛhiṇī bandhakī bhavet
256.14
tathā śasrabhayaṃ vindyādantyajasya gṛheṇa tu || ucchrāyā
dviguṇāṃ bhūmiṃ tyaktvā vedho na jāyate
256.15
svayamutpāṭite dvāre unmādo gṛhavāsinām || svayaṃ vā pihite vidyāt kulanāśaṃ vicakṣaṇaḥ
256.16
mānādhike rājabhayaṃ nyūne taskarato bhavet || dvāropari ca yaddāraṃ taddantakamukhaṃ smṛtam
256.17
adhvano madhyadeśe tu adhiko yasya vistaraḥ
vajrantu saṅkaṭaṃ madhye sadyo bharturvināśanam
256.18
tathānyapīḍitaṃ dvāraṃ bahudoṣakaraṃ bhavet || mūladvārāttathānyattu nādhikaṃ śobhanaṃ bhavet
256.19
kumbhaśrīparṇivallībhirmūladvārantu śobhayet || pūjayeccāpi tannityaṃ balinā cākṣatodakaiḥ
256.20
bhavanasya vaṭaḥ pūrvve digbhāge sārvvakāmikaḥ
udumbarastathā yāmye vāruṇyāṃ pippalaḥ śubhaḥ
256.21
plakṣaścottarato dhanyo viparītāstvasiddhaye || kaṇṭakī kṣīravṛkṣaśca āsanaḥ saphalo drumaḥ
256.22
bhāryāhānau prajāhānau bhavetāṃ kramaśastadā || na chindyādyadi tānanyānnantare sthāpayecchubhān
256.23
punnāgāśokavakulaśamītilakacampakān
dāḍimīpippalīdrākṣāstathā kusumamaṇḍapān
256.24
jambīrapūgapanasadrumaketakībhirjātīsarojaśatapattrikamallikābhiḥ || yannārikelakadalīdalapāṭalā
bhiryuktaṃ tadatra bhavanaṃ śriyamātanoti
256.24.p1
iti śrīmatsye mahāpurāṇe vāstuvidyāsu vedhaparivarjanaṃ nāma pañcapañcāśadadhikadviśatatamo' dhyāyaḥ
Linked texts (3)
- Matsyapurāṇa — Vyāsa, Sanskrit
- Haribhaktivilāsa (complete text) — Sanskrit
- Kṛtyakalpataru — Lakṣmīdhara Bhaṭṭa, Sanskrit