Matsya 258
Matsya 258
- Language
- Sanskrit
Contents
- 258.23 — 1 part
258.1
sūta uvāca
athātaḥ sampravakṣyāmi dārvvāhaṇamuttamam || dhaniṣṭhāpañcakaṃ muktvā tviṣṭyādikamataḥ param
258.2
tataḥ sāṃvatsarādiṣṭe dine yāyādvanaṃ budhaḥ|| prathamaṃ bali
pūjāñca kuryyādvṛkṣasya sarvvadā
258.3
pūrvvottareṇa patitaṃ gṛhadāru praśasyate || anyathā na śubhaṃ vindyādyāmyopari nipātanam
258.4
kṣīravṛkṣodbhavaṃ dāru
na gṛhe viniveśayet || kṛtādhivāsaṃ vihagai ranilānalapīḍitam
258.5
gajāvarugṇañca tathā vidyunnirghātapīḍitam || arddhaśuṣkaṃ tathā dāru bhagnaśuṣkaṃ tathaiva
ca
258.6
caityadevāyotpannaṃ nadīsaṅgamajaṃ tathā || śmaśānakūpanilaṃya taḍāgādisamudbhavam
258.7
varjjayetsarvvathā dāru yadiccheddvipulāṃ śriyam || tathā
kaṇṭakino vṛkṣānnīpanimbavibhītakān
258.8
śleṣmātakānā mrātarūnvarjayedgṛhakarmmaṇi || āsanāśoka madhukasarjaśālāḥ śubhāvahāḥ
258.9
candanaṃ
panasaṃ dhanyaṃ suradāru haridravaḥ || dvābhyāmekena vā kuryyāttribhirvā bhavanaṃ śubham
258.10
bahubhiḥ kāritaṃ yasmādanekabhayadaṃ bhavet || ekaiva śiṃśapā dhanyā
śrīparṇī tinduko tathā
258.11
etā nānyasamāyuktāḥ kadācicchubhakārakāḥ || syandanaḥ panasassradvṛksaralājjunapadmakāḥ
258.12
ete nānyasamāyuktā
vāstukāryyaphalapradāḥ || tarucchede mahāpapīte godhā vindyādvicakṣaṇaḥ
258.13
māñjiṣṭhavarṇe bhekaḥ syānnīle sarpādi nirddiśet|| aruṇe saraṭaṃ vidyānmuktābhe
śukamādiśet
258.14
kapile mūṣakagvidyātkhaṅgābhe jalamādiśet || evaṃvidhaṃ sagarbhantu varjayedvāstukarmmaṇi
258.15
pūrvvacchidvantanu gṛhlīyānnimi
ttaśakunaiḥ śubhaiḥ || vyāsena guṇite dairghya aṣṭābhirvai hṛte tathā
258.16
yaccheṣamāyataṃ vindyādaṣṭabhedaṃ vadāmi vaḥ || dhvajo dhūmaśca siṃhaśca vṛṣabhaḥ khara eva
ca
258.17
hastī dhvāṅkṣaśca pūrvvādyāḥ karaśeṣā bhavantyamī|| dhvajaḥ sarvvamukho dhanyaḥ pratyagdvāro viśeṣataḥ
258.18
udaṅmukho bhavetsiṃhaḥ prāṅmukho vṛṣabho bhavet
dakṣiṇābhimukho hastī saptabhiḥ samudāhṛtaḥ
258.19
ekena dhvaja uddiṣṭastribhiḥ siṃhaḥ prakīrttitaḥ|| pañcabhirvṛṣabhaḥ prokto vikoṇasthāṃśca varjjayet
258.20
tamevāṣṭa
guṇaṃ kṛtvā kararāśiṃ vicakṣaṇaḥ || saptaviṃśāhate bhāge ṛkṣaṃ vidyādvicakṣaṇaḥ
258.21
aṣṭabhirbhājite ṛkṣe yaḥ śeṣaḥ sa vyayo mataḥ|| vyayādhikaṃ na kurvvīta yato
doṣakaraṃ bhavet || āyādhike bhavecchāntirityāha bhagavānhariḥ
258.22
kṛtvāyato dvijavarānatha pūrṇakumbhaṃ dadhyakṣatāmapradalapuṣpaphalopaśobham
kṛtvā hiraṇyavasanāni tadā dvijebhyo maṅgalyaśāntinilayāya gṛhaṃ viśettu
258.23
gṛhyokta homavidhinā balikarmma kuryyāt prāsādavāstuśamane ca vidhirya
uktaḥ || santarpayedvijavarānatha bhakṣyabhojyaiḥ śuklāmbaraḥ svabhavanaṃ praviśetsadhūpam
258.23.p1
iti śrīmatsye mahāpurāṇe vāstuvidyānukīrttanaṃ nāma saptapañcāśadadhikadviśatatamo'dhyāyaḥ
Linked texts (3)
- Kṛtyakalpataru — Lakṣmīdhara Bhaṭṭa, Sanskrit
- Muhūrtaprakāśa (Caturthīlālaśarman) — Caturthīlālaśarman, Sanskrit
- Saṃskāraratnamālā (Gopīnātha Dīkṣita Oka) — Gopīnātha Dīkṣita Oka 1700, Sanskrit