Matsya 260
Matsya 260
- Language
- Sanskrit
Contents
- 260.26 — 1 part
260.1
cha|| || sūta uvāca || || ataḥparaṃ pravakṣyāmi devākārānviśeṣataḥ|| daśatālaḥ smṛto rāmo balivairocanistathā
260.2
vārāho nārasiṃhaśca saptatālastu vāmanaḥ || matsyakūrmo ca nirdiṣṭau yathāśobhaṃ svayambhuvā
260.3
ataḥ paraṃ pravakṣyāmi rudrādyākāramuttamam
sa pīnorubhujaskandhastaptakāñcanasaprabhaḥ
260.4
śuklo'rkarārimasaṃghātaścandrāṅkitajaṭo vibhuḥ || jaṭāmukuṭadhārī ca tryaṣṭavarṣākṛtiśca saḥ
260.5
bāhū
vāraṇahastābhau vṛttajaṅghorumaṇḍalaḥ || ūrddhakeśaśca karttavyo dīrdhāyatavilocanaḥ
260.6
vyāghracarmmaparīdhānaḥ kaṭisūtratrayānvitaḥ || hārakeyūrasampanno
bhujaṅgābharaṇastathā
260.7
bāhavaścāpi karttavyā nānābharaṇabhūṣitāḥ || pīnorugaṇḍaphalakaḥ kuṇḍalābhyāmalaṅkṛtaḥ
260.8
ājānujambavāhuśca saumyamūrttiḥ suśobhanaḥ || kheṭakaṃ vāmahaste tu khaṅgañcaiva tu dakṣiṇe
260.9
śaktiṃ daṇḍaṃ triśūlañca dakṣiṇeṣu niveśayet || kapālaṃ vāmapārśve tu nāgaṃ khaṭvāṅgameva
ca
260.10
ekaśca varado hastastathākṣavalayo'paraḥ || vaiśākhasthānakaṃ kṛtvā nṛtyābhinayasaṃsthitaḥ
260.11
nṛtyandaśabhujaḥ kāryyo gajacarmmadharastathā
tathā tripuradāhe ca vāhavaḥ ṣoḍaśaiva tu
260.12
śaṅkhaṃ cakraṃ gadā śārṅga ghaṇṭā tatrādhikā bhavet || tathā dhanuḥ pinākaśca śaro viṣṇumamayastathā
260.13
caturbhujo'ṣṭabāhurvā jñānayogeśvaro mataḥ || tīkṣṇanāsāyadaśanaḥ karālavadano mahān
260.14
bhairavaḥ śasyate loke pratyāyatanasaṃsthitaḥ || na mūlāyatane kāryo
bhairavastu bhayaṅkaraḥ
260.15
nārasiṃho varāho vā tathānye'pi bhayaṅkarāḥ || nādhikāṅga na hīnāṅgāḥ karttavyā devatāḥ kacit
260.16
svāminaṃ ghātayenyūnā karālavadanā tathā || adhikā śilpinaṃ hanyātkṛśā caivārthanāśinī
260.17
kṛśodarī tu durbhikṣaṃ nimmām̐sā dhananāśinī || vakanāsā tu duḥkhāya saṃkṣiptāṅgī bhayaṅkarī
260.18
cipiṭā duḥkhaśokāya anetrā netranāśinī || duḥkhadā hīnavaktrā tu pāṇipādakṛśā tathā
260.19
hīnāṅgā hīnajaṅghā ca bhramonmādakarī nṛṇām
śuṣkavaktrā tu rājānaṃ kaṭihīnā ca yā bhavet
260.20
pāṇipādavihīno yo jāyate mārako mahān || jaṅghājānuvihīnā ca śatrukalyāṇakāriṇī
260.21
putramitravināśāya hīnavakṣaḥsthalā tu yā || sampūrṇāvayavā yā tu āyurlakṣmīpradā sadā
260.22
evaṃ lakṣaṇamāsādya karttavyaḥ parameśvaraḥ || stūyamānaḥ
suraiḥ sarvvaiḥ samantāddarśayedbhavam
260.23
śakreṇa nandinā caiva mahāpālena śaṅkaram || praṇatā lokapālāstu pārśve tu gaṇanāyakāḥ
260.24
nṛtyadbhi
riṭibhiścaiva bhūtavetālasaṃvṛtāḥ || sarvve hṛṣṭāstu karttavyāḥ stuvantaḥ parameśvaram
260.25
gandharvvavidyādharakinnarāṇāmathāpsaroguhyakanāyakānām
gaṇairanekaiḥ śataśo mahendrairmunipravīrairapi namyamānam
260.26
dhṛtākṣasūtraiḥ śataśaḥ pravālapuṣpopahārapracayaṃ dadadbhiḥ || saṃstūyamānaṃ bhagavantamīḍyaṃ netratrayeṇāmaramatya̍pūjyam
260.26.p1
iti śrīmātsye mahāpurāṇe pratimālakṣaṇe ekonaṣaṣṭyadhikadviśatatamo'dhyāyaḥ
Linked texts (3)
- Rājadharmakaustubha — Anantadeva 1645, Sanskrit
- Rūpamaṇḍana — Maṇḍana, Sanskrit
- Rūpamaṇḍana — Sūtradhāra Maṇḍana, Sanskrit