Pramāṇa · Search · About · API

Matsya 261

Matsya 261

Language
Sanskrit

Contents

261.1

sūta uvāca
adhunā sampravakṣyāmi arddhanārīśvaraṃ param || arddhana devadevasya nārīrūpaṃ suśobhanam

261.2

īśārddhe tu jaṭābhāgo bālenduklayā yutaḥ || umārddhe cāpi
dātavyau sīmantatilakāvubhau

261.3

vāsukiṃ dakṣiṇe karṇe vāme kuṇḍalamādiśet || bālikā copariṣṭāttu kapālaṃ dakṣiṇe kare || triśūlaṃ vāpi karttavyaṃ
devadevasya śūlinaḥ

261.4

vāmato darpaṇaṃ dadyādutpalantu viśeṣataḥ || vāmabāhuśca karttavyaḥ keyūravalayānvitaḥ

261.5

upavītañca karttavyaṃ maṇimuktāmayaṃ tathā

261.6

stanabhāraṃ tathārddhe tu vāme pīnaṃ prakalpayet || parārddhamujjvalaṃ kuryyācchroṇyarddhaṃ tu tathaiva ca

261.7

liṅgārddhamūrddhagaṃ kuryyādvyālājinakṛtāmbaram
vāme lambeparīdhānaṃ kaṭisūtratrayānvitam

261.8

nānāratnasamopetaṃ dakṣiṇe bhujagānvitam || devasya dakṣiṇaṃ pādaṃ padmopari susaṃsthitam

261.9

kaścidūrddhaṃ
tathā vāmaṃ bhūṣitaṃ nūpureṇa tu || ratnairvibhūṣitān kuryādaṅgulīṣvaṅgulīyakan

261.10

sālaktakaṃ tathā pādaṃ pārvvatyā darśayet sadā || arddhanārīśvarasyedaṃ
rūpamasminnudāhṛtam

261.11

umāmaheśvarasyāpi lakṣaṇaṃ śṛṇuta dvijāḥ || saṃsthānantu tayorvakṣye līlādalitavibhramam

261.12

caturbhujaṃ dvibāhuṃ vā
jaṭābhārendubhūṣaṇam || locanatrayasaṃyuktamumaikaskandhapāṇinam

261.13

dakṣiṇenotpalaṃ śūlaṃ vāme kucabhare karam || dvīpicarmmaparīdhānaṃ nānāratnopaśo
bhitam

261.14

supratiṣṭhaṃ suveṣañca tathārddhendukkṛtānanam || vāme tu saṃsthitā devī tasyoro bāhuguhitā

261.15

śirobhūṣaṇasaṃyuktairalakairlalitānanā
savālikā karṇavatī lalāṭatilakojjvalā

261.16

maṇikuṇḍalasaṃyuktā karṇikābharaṇā kvacit || hārakeyūrabahulā haravaktrāvalokinī

261.17

vāmāṃsaṃ devadevasya spṛśantī līlayā tataḥ || dakṣiṇantu bahiḥ kṛtvā bāhuṃ dakṣiṇatastathā

261.18

skandhaṃ vā dakṣiṇe kukṣau spṛśantyaṅgulajaiḥ kvacit
vāme tu darpaṇaṃ dadyādutpalaṃ vā suśobhanam

261.19

kaṭisūtratrayañcaiva nitambe syāt pralambakam || jayā ca vijayā caiva kārttikeyavināyakau

261.20

pārśvayordarśayettatra toraṇe gaṇaguhyakān || mālā vidyādharāṃstadvadvīṇāvānapsarogaṇaḥ

261.21

etadrūpamumeśasya karttavyaṃ bhūtimicchatā
śivanārāyaṇaṃ vakṣye sarvvapāpapraṇāśanam

261.22

vāmārddhe mādhavaṃ vidyāddakṣiṇe śūlapāṇinam || bāhudvayañca kṛṣṇasya maṇikeyūrabhūṣitam

261.23

śaṅkhacakradharaṃ śāntamāraktāṅgulivibhramam || cakrasthāne gadāṃ vāpi pāṇau dadyādgadābhṛtaḥ

261.24

śaṅkhañca vetare dadyātkavyarddhaṃ bhūṣaṇo
jjvalam || pītavastraparīdhānaṃ caraṇaṃ maṇibhūṣaṇam

261.25

dakṣiṇārddhe jaṭābhāramarddhendukṛtabhūṣaṇam || bhujaṅgahāravalayaṃ varadaṃ dakṣiṇaṃ karam

261.26

dvitīyañcāpi kurvvīta triśūlavaradhāriṇam || vyālopavītasaṃyuktaṃ kaṭyarddhaṃ kṛttivāsasam

261.27

maṇiratnaiśca saṃyuktaṃ pādaṃ
nāgavibhūṣitam || śivanārāyaṇasyaivaṃ kalpayedrūpamuttamam

261.28

mahāvarāhaṃ vakṣyāmi padma hastaṃ gadādharam || tīkṣṇadaṃṣṭrāgraghoṇāsyaṃ
medinīvāmakūrparam

261.29

daṃṣṭrāgreṇoddhṛtāṃ dāntāṃ dharaṇīmutpalānvitām || vismayotphullavadanāmupariṣṭātprakalpayet

261.30

dakṣiṇaṃ
kaṭisaṃsthantu karaṃ tasyāḥ prakalpayet || kūrmmopari tathā pādamekaṃ nāgendramūrddhani

261.31

saṃstūyamānaṃ lokeśaiḥ samantātparikalpayet
nārasiṃhantu karttavyaṃ bhujāṣṭakasamanvitam

261.32

raudraṃ siṃhāsanaṃ tadvadvidāritamukhekṣaṇam || standhapīnasaṭākarṇaṃ dārayantaṃ diteḥ sutam

261.33

vinirgatāntrajālañca dānavaṃ parikalpayet || vamantaṃ rudhiraṃ ghoraṃ bhrukuṭīvadanekṣaṇam

261.34

yudhyamānaśca karttavyaḥ kvacitkaraṇabandhanaiḥ
pariśrāntena daityena tajjyemāno muhurmuhuḥ

261.35

daityaṃ pradarśayettatra khaḍgakheṭakadhāriṇam || stūyamānaṃ tathā viṣṇuṃ darśayedamarādhipaiḥ

261.36

tathā trivikramaṃ vakṣye brahmāṇḍakramaṇelvaṇam || pādapārśve tathā bāhumupariṣṭātprakalpayet

261.37

adhastādvāmanaṃ tadvatkalpayetsakamaṇḍalum
dakṣiṇe chatrikāṃ dadyānmukhaṃ dīnaṃ prakalpayet

261.38

bhṛṅgāradhāriṇaṃ tadvadvaliṃ tasya ca pārśvataḥ || bandhanañcāsya kurvvantaṃ garuḍaṃ tasya darśayet

261.39

matsyarūpaṃ tathā matsyaṃ kūrmaṃ kūrmmākṛtiṃ nyaset ! evaṃrūpastu bhagavānkāryoṃ nārāyaṇo hariḥ

261.40

brahmā kamaṇḍaludharaḥ karttavyaḥ sa caturmukhaḥ
haṃsārūḍhaḥ kvacitkāryyaḥ kvacicca kamalāsanaḥ

261.41

varṇataḥ padmagarbhābhaścaturbāhuḥ śubhekṣaṇaḥ || kamaṇḍaluṃ vāmakare sruvaṃ haste tu dakṣiṇe

261.42

vāme daṇḍadharaṃ tadvatsruvañcāpi pradarśayet || munibhirdevagandharvaiḥ stūyamānaṃ samantataḥ

261.43

kurvvāṇamiva lokāṃstrīñchuklāmbaradharaṃ vibhum
mṛgacarmadharañcāpi divyayajñopavītinam

261.44

ājyasthālīṃ nyasetpārśve vedāṃśca caturaḥ punaḥ|| vāmapārśve'sya sāvitrīṃ dakṣiṇe ca sarasvatīm

261.45

agre ca ṛṣayastadvatkāryyāḥ paitāmahe pade || kārttikeyaṃ pravakṣyāmi taruṇādityasaprabham

261.46

kamalodaravarṇābhaṃ kumāraṃ sukumārakam
daṇḍakaiścīrakairyuktaṃ mayūravaravāhanam

261.47

sthāpayetsveṣṭanagare bhujāndvādaśa kārayet || caturbhujaḥ kharvvaṭe syādvane grāme dvibāhukaḥ

261.48

śaktiḥ pāśastathā khaḍgaḥ śaraḥ śūlaṃ tathaiva ca || varadaścaikahastaḥ syādatha cābhayado bhavet

261.49

ete dakṣiṇato jñeyāḥ keyūrakaṭakojjvalāḥ || dhanuḥ
patākāmuṣṭiśca tarjanī tu prasāritā

261.50

kheṭakaṃ tāmracūḍañca vāmahaste tu śasyate || dvibhujasya kare śaktirvāme syātkukuṭopari

261.51

caturbhuje
śaktipāśau vāmato dakṣiṇe tvasiḥ || varado'bhayado vāpi dakṣiṇaḥ syāttṛtīyakaḥ

261.52

vināyakaṃ pravakṣyāmi gajavaktraṃ trilocanam || lambodaraṃ
caturbāhuṃ vyālayajñopavītinam

261.53

dhvastakarṇaṃ bṛhattuṇḍamekadaṃṣṭraṃ pṛthūdaram || svadantaṃ dakṣiṇakare utpalañcāpare tathā

261.54

modakaṃ paraśuñcaiva vā
mataḥ parikalpayet || bṛhattvātkṣitavadanaṃ pīnaskandhāṅghripāṇikam

261.55

yuktantu ṛddhivuddhibhyāmadhastānmūṣakanvitam || kātyāyanyāḥ pravakṣyāmi
rūpaṃ daśabhujaṃ tathā

261.56

trayāṇāmapi devānāmamukārānukāriṇīm || jaṭājūṭasamāyuktāmarddhendukṛtaśekharām

261.57

locanatrayasaṃyuktāṃ pūrṇendu
sadṛśānanām || atasīpuṣpavarṇābhāṃ supratiṣṭhāṃ sulocanām

261.58

navayauvanasampannāṃ sarvvābharaṇabhūṣitām || sucārudaśanāṃ tadvatpīnonnatapayo
dharām

261.59

tribhaṅgasthānasaṃsthānāṃ mahiṣāsuramarddinīm || triśūlaṃ dakṣiṇe dadyātkhaḍgaṃ cakraṃ kramādadhaḥ

261.60

tīkṣṇabāṇaṃ tathā śaktiṃ vāmato'pi
nibodhata || kheṭakaṃ pūrṇacāpañca pāśamaṅkuśameva ca

261.61

ghaṇṭāṃ vā paraśuṃ vāpi vāmataḥ sanniveśayet || adhastānmahiṣaṃ tadvadviśiraskaṃ pradarśayet

261.62

śiraśchedodbhavaṃ tadvaddānavaṃ khaḍgapāṇinam || hṛdi śūlena nirbhinnaṃ niryyadantravibhūṣitam

261.63

raktaraktīkṛtāṅgañca raktavisphāri tekṣaṇam
veṣṭitaṃ nāgapāśena bhrukuṭībhīṣaṇānanam

261.64

sapāśavāmahastena dhṛtakeśañca durgayā || vamadrudhiravaktrañca devyāḥ siṃhaṃ pradarśayet

261.65

devyāstu dakṣiṇaṃ pādaṃ samaṃ siṃhopari sthitam || kiñcidūrddhaṃ tathā vāmamaṅguṣṭhaṃ mahiṣopari

261.66

stūyamānañca tadrūpamamaraiḥ sanniveśayet
idānīṃ surarājasya rūpaṃ vakṣye viśeṣataḥ

261.67

sahasranayanaṃ devaṃ mattavāraṇasaṃsthitam || pṛthūruvakṣovadanaṃ siṃhaskandhaṃ mahābhujam

261.68

kirīṭa
kuṇḍaladharaṃ pīvarorubhujekṣaṇam || vajrotpaladharaṃ tadvannānābharaṇabhūṣitam

261.69

pūjitaṃ devagandharvvairapsarogaṇasevitam || chatracāmaradhāriṇyaḥ striyaḥ
pārśve pradarśayet

261.70

siṃhāsanagatañcāpi gandharvvagaṇasaṃyutam || indrāṇīṃ vāmataścāsya kuryyādutpaladhāriṇīm

261.70.p1

iti śrīmātsye mahāpu rāṇe pratimālakṣaṇe ṣaṣṭyadhikadviśatatamo'dhyāyaḥ

Linked texts (8)