Pramāṇa · Search · About · API

Matsya 262

Matsya 262

Language
Sanskrit

Contents

262.1

cha || || sūta uvāca || || prabhākarasya pratimāmidānīṃ śṛṇuta dvijāḥ || rathasthaṃ
kārayeddevaṃ padmahastaṃ sulocanam

262.2

saptāśvañcaikacakrañca rathaṃ tasya prakalpayet || mukuṭena vicitreṇa padmagarbhasamaprabham

262.3

nānābharaṇabhū
ṣābhyāṃ bhujābhyāṃ dhṛtapuṣkaram || skandhasthe puṣkare te tu līlayaiva dhṛte sadā

262.4

colakacchannavapuṣaṃ kvaciccitreṣu darśayet || vastrayugmamasopetaṃ
caraṇau tejasāvṛtau

262.5

pratīhārau ca karttavyau pārśvayordaṇḍipiṅgalau || karttavyau khaḍgahastau tau pārśvayoḥ puruṣāvubhau

262.6

lekhanīkṛtahastañca
pārśve dhātāramavyayam || nānādevagaṇairyuktamevaṃ kuryyāddivākaram

262.7

aruṇaḥ sārathiścāsya padminīpatrasannibhaḥ || aśvau suvalayagrīvāvantasthau
tasya pārśvayoḥ

262.8

bhujaṅgarajjubhirbaddhāḥ saptāśvā raśmisaṃyutāḥ || padmasthaṃ vāhanasthaṃ vā padmahastaṃ prakalpayet

262.9

vahestu lakṣaṇaṃ vakṣye sarvva
kāmaphalapradam || dīptaṃ suvarṇavapuṣamarddhacandrāsane sthitam

262.10

bālārkasadṛśaṃ tasya vadanañcāpi darśayet || yajñopavītinaṃ devaṃ lambakūrccadharaṃ tathā

262.11

kamaṇḍaluṃ vāmakare dakṣiṇe tvakṣasūtrakam || jvālāvitānasaṃyuktamajavāhanamujjvalam

262.12

kuṇḍasthaṃ vāpi kurvīta mūrdhni saptaśikhānvitam
tathā yamaṃ pravakṣyāmi daṇḍapāśadharaṃ vibhum

262.13

mahāmahiṣamārūḍhaṃ kṛṣṇāñjanacayopamam || siṃhāsanagatañcāpi dīptāgnisamalocanam

262.14

mahiṣaścitraguptaśca karālāḥ kiṅkarāstathā || samantāddarśayettasya saumyāsaumyainsurāsurān

262.15

rākṣasendraṃ tathā vakṣye lokapālañca nairṛtam
narārūḍhaṃ mahāmāyaṃ rakṣobhirbahubhirvṛtam

262.16

khaḍgahastaṃ mahānīlaṃ kajjalācalasannibham || narayuktavimānasthaṃ pītābharaṇabhūṣitam

262.17

varuṇañca pravakṣyāmi pāśahastaṃ mahābalam || śaṅkhasphaṭikavarṇābhaṃ sitahārāmbarāvṛtam

262.18

jhaṣāsanagataṃ śāntaṃ kirīṭāṅgadadhāriṇam
vāyurūpaṃ pravakṣyāmi dhūmrantu mṛgavāhanam

262.19

citrāmbaradharaṃ śāntaṃ yuvānaṃ kuñcitabhruvam || mṛgādhirūḍhaṃ varadaṃ patākādhvajasaṃyutam

262.20

kuberañca
pravakṣyāmi kuṇḍalābhyāmalaṅkṛtam || mahodaraṃ mahākāyaṃ nidhyaṣṭakasamanvitam

262.21

guhyakairbahubhiryuktaṃ dhanavyayakaraistathā || hārakeyūraracitaṃ sitāmbaradharaṃ sadā

262.22

gadādharañca karttavyaṃ varadaṃ mukuṭānvitam || narayuktavimānasthamevaṃ rītyā ca kārayet

262.23

tathaiveśaṃ pravakṣyāmi dhavalaṃ dhavalekṣaṇam || triśūlapāṇinaṃ devaṃ tryakṣaṃ vṛṣagataṃ prabhum

262.24

mātṛṇāṃ lakṣaṇaṃ vakṣye yathāvadanupūrvaśaḥ || brahmāṇī brahmasadṛśī caturvvaktrā caturbhujā

262.25

haṃsādhirūḍhā karttavyā sākṣasūtrakamaṇḍaluḥ || maheśvarasya rūpeṇa tathā māheśvarī matā

262.26

jaṭāmukuṭasaṃyuktā vṛṣasthā candraśekharā || kapālaśūlakhaṭvāṅgavaradāḍhyā caturbhujā

262.27

kumārarūpā kaumārī mayūravaravāhanā || raktavastradharā tadvacchūlaśaktidharā matā

262.28

hārakeyūrasampannā kukavākudharā tathā
vaiṣṇavī viṣṇusadṛśī garuḍe samupasthitā

262.29

caturbāhuśca varadā śaṅkhacakragadādharā || siṃhāsanagatā vāpi bālakena samanvitā

262.30

vārāhīñca
pravakṣyāmi mahiṣopari saṃsthitām || varāhasadṛśī devī śiraścāmaradhāriṇī

262.31

gadācakradharā tadvaddānavendravināśinī || indrāṇīmindra
sadṛśīṃ vajraśūlagadādharām

262.32

gajāsanagatāṃ devīṃ locanairbahubhirvṛtām || taptakāñcanavarṇābhāṃ divyābharaṇabhūṣitām

262.33

tīkṣṇakhaḍgadharāṃ
tadvadvakṣye yogeśvarīmimām || dīrghajihvāmūrddhakeśīmasthikhaṇḍaiśca maṇḍitām

262.34

daṃṣṭrākarālavadanāṃ kuryyāccaiva kṛśodarīm || kapālamālinīṃ devīṃ
muṇḍamālāvibhūṣitām

262.35

kapālaṃ vāmahaste tu māṃsaśoṇitapūritam || mastiṣkāktañca bibhrāṇāṃ śaktikāṃ dakṣiṇe kare

262.36

gṛdhrasthā vāyasasthā vā
nirmāṃsā vinatodarī || karālavadanā tadvatkarttavyā sā trilocanā

262.37

cāmuṇḍā baddhaghaṇṭā vā dvīpicarmmadharā śubhā || digvāsāḥ kālikā tadvadvāsabhasthā kapālinī

262.38

suraktapuṣpābharaṇā varddhanīdhvajasaṃyutā || vināyakañca kurvīta mātṛṇāmantike sadā

262.39

vīreśvaraśca bhagavān vṛṣārūḍho
jaṭādharaḥ || vīṇāhastastriśūlī ca mātṛṇāmagrato bhavet

262.40

śriyaṃ devīṃ pravakṣyāmi nave vayasi saṃsthitām || suyauvanāṃ pīnagaṇḍāṃ raktoṣṭhīṃ kuñcitabhruvam

262.41

pīnonnatastanataṭāṃ maṇikuṇḍaladhāriṇīm || sumaṇḍalaṃ mukhaṃ tasyāḥ śiraḥ sīmantabhūṣaṇam

262.42

padmasvastikaśaṅkhairvā bhūṣitāṃ kuṇḍalālakaiḥ || kañcukāvaddhagātrī ca hārabhūṣau payodharau

262.43

nāgahastopamau bāhū keyūrakaṭakojjvalau || padmaṃ haste pradātavyaṃ śrīphalaṃ dakṣiṇe
bhuje

262.44

mekhalābharaṇaṃ tadvat taptakāñcanasaprabhām || nānābharaṇasampannāṃ śobhanāmbaradhāriṇīm

262.45

pārśve tasyāḥ striyaḥ kāryyāścāmaravyagrapāṇayaḥ || padmāsanopaviṣṭā tu padmasiṃhāsanasthitā

262.46

karibhyāṃ snāpyamānāsau bhṛṅgārābhyāmanekaṃśaḥ || prakṣālayantau kariṇau bhṛṅgārābhyāṃ tathāparau

262.47

stūyamānā ca lokaiśaistathā gandharvvaguhyakaiḥ || tathaiva yakṣiṇī kāryyā siddhasuraniṣevitā

262.48

pārśvayoḥ kalaśau tasyāstoraṇe deva
dānavāḥ || nāgāścaiva tu karttavyāḥ khaḍgakheṭakadhāriṇaḥ

262.49

adhastāt prakṛtisteṣāṃ nābheruddhrvantu pauruṣī || phaṇāśca mūrdhni karttavyā dvijivhā bahavaḥ
samāḥ

262.50

piśācā rākṣasāścaiva bhūtavetālajātayaḥ || nimmāṃ sāścaiva te sarvve raudrā vikṛtarūpiṇaḥ

262.51

kṣetrapālaśca karttavyo jaṭilo vikṛ
tānanaḥ || digvāsā jaṭilastadvacchugomāyuniṣevitaḥ

262.52

kapālaṃ vāmahaste tu śiraḥ keśasamāvṛtam || dakṣiṇe śaktikāṃ dadyādasurakṣayakāri
ṇīm

262.53

athātaḥ sampravakṣyāmi dvibhujaṃ kusumāyudham || pārśve cāśvamukhaṃ tasya makaradhvajasaṃyutam

262.54

dakṣiṇe puṣpavāṇañca vāme puṣpamayaṃ
dhanuḥ || prītiḥ syāddakṣiṇe tasya bhojanopaskarānvitā

262.55

ratiśca vāmapārśve tu śayanaṃ sārasānvitam || paṭaśca paṭahaścaiva kharaḥ kāmāturastathā

262.56

pārśvato jalavāpī ca vanaṃ nandanameva ca || suśobhanaśca karttavyo bhagavān kusumāyudhaḥ

262.57

saṃsthānamīṣadvakraṃ syādvismayasmitavaktrakam
etaduddeśataḥ proktaṃ pratimālakṣaṇaṃ mayā || vistareṇa na śaknoti bṛhaspatirapi dvijāḥ

262.57.p1

iti śrīmātsye mahāpurāṇe devatāccānukīrttane pratimālakṣa ṇaṃ nāmaikaṣaṣṭyadhikadviśatatamo'dhyāyaḥ

Linked texts (7)