Matsya 263

cha || sūta uvāca || || pīṭhikālakṣaṇaṃ vakṣye yathāvadanupūrvvaśaḥ || pīṭhocchrāyaṃ yathāvacca bhāgānaṣṭau
daśa kārayet

bhūmāvekaḥ praviṣṭaḥ syāccaturbhirjagatī matā || vṛtto bhāgastathaikaḥ syādvṛtaḥ paṭalabhāgataḥ

bhāgaistribhistathā kaṇṭhaḥ kaṇṭha
paṭṭastribhāgataḥ || bhāgābhyāmūrddhapaṭṭaśca śeṣabhāgena paṭṭikā

praviṣṭaṃ bhāgamekaikaṃ jagatī yāvadeva tu || nirgamastu punastasya yāvadvai śeṣapaṭṭikā

vārinirgamanārthantu tatra kāryyaḥ praṇālakaḥ || pīṭhikānāntu sarvvāsāmetatsāmānyalakṣaṇam

viśeṣāndevatābhedācchṛṇudhvaṃ dvijasattamāḥ || sthaṇḍilā
vātha vāpī vā yakṣī vedī ca maṇḍalā

pūrṇacandrā ca vajrā ca padmā vārddhaśaśī tathā || trikoṇā daśamī tāsāṃ saṃsthānaṃ vā nibodhata

sthaṇḍilā caturasrā tu varjitā mekhalādibhiḥ || vāpī dvimekhalā jñeyā yakṣī caiva trimekhalā

caturasrāyatā vedī na tāṃ liṅgeṣu yojayet || maṇḍalā
varttulā yā tu mekhalābhirraṇapriyā

raktā dvimekhalā madhye pūrṇacandrā tu sā bhavet || mekhalātrayasaṃyuktā ṣaḍasrā vajrikā bhavet

ṣoḍa
śāsrā bhavetpadmā kiñciddhrasvā tu mūlataḥ || tathaiva dhanuṣākārā sārddhacandrā praśasyate

triśūlasadṛśī tadvattrikoṇā vyūrddhato matā || prāgudak
pravaṇā tadvatpraśastā lakṣaṇānvitā

pariveṣaṃ tribhāgena nirgamaṃ tatra kārayet || vistāraṃ tatpramāṇañca mūle cāgre tathorddhataḥ

jalamārgaśca
karttavyastribhāgena suśobhanaḥ || liṅgasyārddhavibhāgena sthaulyena samadhiṣṭhitā

mekhalā tribhāgena khātañcaiva pramāṇataḥ || athavā pādahīnantu
śobhanaṃ kārayetsadā

uttarasthaṃ praṇālañca pramāṇādadhikārayet || sthaṇḍilāyāmathārogyaṃ dhanaṃ dhānyañca puṣkalam

gopradā ca bhavedyakṣī
vedī sampatpradā bhavet || maṇḍalāyāṃ bhavetkīrttirvaradā pūrṇacandrikā

āyuṣyapradā bhavedvajrā padmā saubhāgyadā bhavet || putrapradārddhacandrā syāttri
koṇā śatrunāśinī

devasya yajanārthentu pīṭhikā daśa kīrttitāḥ || śaile śailamayīṃ dadyātpārthive pārthivīṃ tathā

dāruje dārujāṃ kuryyā
nmiśre miśrāṃ tathaiva ca || nānyayonirastu karttavyā sadā śubhaphalepsubhiḥ

arcāyāmāsamaṃ dairghyaṃ liṅgāyāmasamaṃ tathā || yasya devasya yā patnī
tāṃ pīṭhe parikalpayet || etatsarvvaṃ samākhyātaṃ samāsātpīṭhalakṣaṇam

iti śrīmātsye mahāpurāṇe devatārccānukīrttane pīṭhikānukīrttanaṃ nāma dviṣaṣṭyadhikadviśatatamo'dhyāyaḥ

Contents