Matsya 264
Matsya 264
- Language
- Sanskrit
Contents
- 264.25 — 1 part
264.1
cha || || sūta uvāca || || athātaḥ sampravakṣyāmi liṅglakṣaṇamuttamam || susnigdhañca suvarṇañca liṅgaṃ
kuryyādvicakṣaṇaḥ
264.2
prāsādasya pramāṇena liṅgamānaṃ vidhīyate || liṅgamānena vā vidyātprāsādaṃ śubhalakṣaṇam
264.3
caturasre same gatte brahmasūtre
nipātayet || vāmena brahmasūtrasthaṃ arcā vā liṅgameva ca
264.4
prāguttareṇa līnantu dakṣiṇāparayāśritam || purasyāparadigbhāge pūrvvadvāraṃ
prakalpayet
264.5
pūrvvaṇa cāparaṃ dvāraṃ māhendraṃ dakṣiṇottaram || dvāraṃ vibhajya pūrvvantu ekaviṃśatibhāgikam
264.6
tato madhyagataṃ jñātvā
brahmasūtraṃ prakalpayet || tasyārddhentu tridhā kṛtvā bhāgañcottaratastyajet
264.7
evaṃ dakṣiṇatastyaktvā brahmasthānaṃ prakalpayet || bhāgārddhena
tu yalliṅgaṃ kāryyaṃ tadiha śasyate
264.8
pañcabhāgavibhakte vā tribhāge jyeṣṭhamucyate || bhājite navadhā garbhe madhyamaṃ pāñcabhāgikam
264.9
ekasminneva navadhā garbhe liṅgāni kārayet || samasūtraṃ vibhajyātha navadhā garbhabhājitam
264.10
jyeṣṭhamarddhaṃ kanīyo'rddhaṃ tathā madhyamamadhyamam
evaṃ garbhaḥ samākhyātastribhirbhāgairvibhājayet
264.11
jyeṣṭhantu trividhaṃ jñeyaṃ madhyamaṃ trividhaṃ tathā || kanīyastrividhaṃ tadvalliṅgabhedā navaiva tu
264.12
nābhyarddhamaṣṭabhāgena vibhajyātha samaṃ budhaiḥ || bhāgatrayaṃ parityajya viṣkambhaṃ caturasrakam
264.13
aṣṭāsraṃ madhyamaṃ jñeyaṃ bhāgaṃ liṅgasya vai dhruvam
vikīrṇe cet tato gṛhya koṇābhyāṃ lāñchayedbudhaḥ
264.14
aṣṭāsraṃ kārayet tadvadūrddhamapyevameva tu || ṣoḍaśāsrīkṛtaṃ paścādvṛttulaṃ kārayettataḥ
264.15
āyāmaṃ tasya devasya nābhyāṃ vai kuṇḍalīkṛtam || māheśvaraṃ tribhāgantu ūrddhavṛttantavasthitam
264.16
adhastādbrahmabhāgastu caturasro vidhīyate || aṣṭāsro
vaiṣṇavo bhāgo madhyastasya udāhṛtaḥ
264.17
evaṃ pramāṇasaṃyuktaṃ liṅgavṛddhipradaṃ bhavet || tathānyadapi vakṣyāmi garbhamānaṃ pramāṇataḥ
264.18
garbhamānapramāṇena yalliṅgamucitaṃ bhavet || caturddhā tadvibhajyātha viṣkambhantu prakalpayet
264.19
devatāryatanaṃ sūtraṃ bhāgatrayavikalpitam || adhastā
caturasrantu aṣṭāsraṃ madhyabhāgataḥ
264.20
pūjyabhāgastato'rddhantu nābhibhāgastathocyate || āyāme yadbhavet sūtraṃ nāhasya caturasrake
264.21
caturasrārddhaṃ parityajya aṣṭāsrasya tu yadbhavet || tasyāpyarddhaṃ parityajya tato vṛttantu kārayet
264.22
śiraḥ pradakṣiṇaṃ tasya saṃkṣiptaṃ mūlato nyaset
jyeṣṭhapūjyaṃ bhavelliṅgamadhastādvipulañca yat
264.23
śirasā ca sadā nimnaṃ manojñaṃ lakṣaṇānvitam || saumyantu dṛśyate yattu liṅgaṃ tadvṛddhidaṃ bhavet
264.24
atha mūle ca madhye tu pramāṇe sarvvataḥ samam || evaṃvidhantu yalliṅgaṃ bhavettat sārvvakāmikam
264.25
anyathā yadbhavelliṅgaṃ tadasat sampracakṣate
evaṃ ratnamayaṃ kuryyātsphāṭikaṃ pārthivaṃ tathā || śubhaṃ dārumayaṃścāpi yadvā manasi rocate
264.25.p1
iti śrīmatsye mahāpurāṇe devatāccānukīrttanaṃ nāma triṣaṣṭyadhikadviśatatamo'dhyāyaḥ
Linked texts (1)
- Matsyapurāṇa — Vyāsa, Sanskrit