Matsya 266
Matsya 266
- Language
- Sanskrit
Contents
- 266.52 — 1 part
266.1
sūta uvāca || || ataḥ paraṃ pravakṣyāmi mūttipānāntu lakṣaṇam || sthāpakasya samāsena lakṣaṇaṃ śṛṇuta dvijāḥ
266.2
sarvvāva
yavasampūṇoṃ vedamantraviśāradaḥ || purāṇavettā tattvajño dambhalobhavirvājjataḥ
266.3
kṛṣṇasāramaye deśe utpannaśca śubhākṛtiḥ || śaucācāraparo nityaṃ
pāṣaṇḍakulaniḥspṛhaḥ
266.4
samaḥ śatrau ca mitreca brahmopendraharapriyaḥ || ūhāpohārthatattvajño vāstuśāstrasya pāragaḥ
266.5
ācāryyastu bhavennityaṃ sarvvadoṣa
vivarjitaḥ||mūttipāstu dvijāścaiva kulīnā ṛjavastathā
266.7
dvātriṃśatṣoḍaśāthāpi aṣṭau vā śrutipāragāḥ||jyeṣṭhamadhyakaniṣṭheṣu mūttipā vaḥ prakīrttitāḥ
6||tato liṅgamathārcvāṃ vā nītvā snapanamaṇḍapam || gītamaṅgalaśabdena snapanaṃ tatra kārayet
266.8
pañcagavyakaṣāyeṇa mṛdbhirbhasmodakena vā|| śaucaṃ tatra
prakurvīta vedamantracatuṣṭayāt
266.9
samudrajyeṣṭhamantreṇa āpodivyeti cāparaḥ || yāsāṃ rājeti mantrastu āpohiṣṭheti cāparaḥ
266.10
evaṃ
snāpya tato devaṃ pūjya gandhānulepanaiḥ || pracchādya vastrayugmena abhivastretyudāhṛtam
266.11
utthāpayettato devamuttiṣṭha brahmaṇaspate
amūrajeti ca tathā rathe tiṣṭheti cāparaḥ
266.12
rathe brahmarathe vāpi dhṛtāṃ śilpigaṇena tu || āropya ca tato vidvānākṛṣṭena praveśayet
266.13
tataḥ prāstīryya śayyāyāṃ sthāpayecchūnakairbudhaḥ|| kuśānāstīryya puṣpāṇi sthāpayetprāṅmukhaṃ tataḥ
266.14
tatastu nidrākalaśaṃ vastrakāñcanasaṃyutam
śirobhāge tu devasya japennrvaṃ nidhāpayet
266.15
āpodevīti mantreṇa āpo'smānmātaro'pi ca|| tato dukūlapaṭṭaiśca cchādya netropadhānakam
266.16
dadyācchirasi devasya kauśeyaṃ vā vicakṣaṇaḥ|| madhunā sarpiṣābhyajya pūjya siddhārthakaistataḥ
266.17
āpyāyasveti mantreṇa yā te rudra śiveti ca
upaviśyārcayeddevaṃ gandhapuṣpaiḥ samantataḥ
266.18
sitaṃ pratisaraṃ dadyādbārhaspatyeti mantrataḥ|| dukūlapaṭṭaiḥ kārpāsairnānācitraistathāpi vā
266.19
ācchādya devaṃ sarvvatra chatracāmaradarpaṇam || pārśvataḥ sthāpayettatra vitānaṃ puṣpasaṃyutam
266.20
ratnānyoṣadhayastatra gṛhopakaraṇāni ca || bhājanāni
vicitrāṇi śayanānyāsanāni ca
266.21
abhi tvā śūramantreṇa yathā vibhavato nyaset || kṣīraṃ kṣaudraṃ ghṛtaṃ tadvadbhakṣyabhojyānnapāyasaiḥ
266.22
ṣaḍ
vidhaiśca rasaistadvatsamantātparipūjayet || baliṃ dadyātprayatnena mantreṇānena bhūriśaḥ
266.23
tryambakaṃ yajāmaha iti sarvvataḥ śanakairbuvi
mūrttimānsthāpayetpaścātsarvvadikṣu vicakṣaṇaḥ
266.24
caturo dvārapā Caravānalūṃśca dvāreṣu viniveśayet || śrīsūktaṃ pāvamānañca somasūktaṃ sumaṅgalam
266.25
tathā ca śāntikādhyāyamindrasūktaṃ tathaiva ca || rakṣoghnañca tathā sūktaṃ pūrvvato bahuco japet
266.26
raudraṃ puruṣasūktañca ślokādhyāyaṃ saśukiyam || tathaiva
maṇḍalādhyāyamadhvaryurdakṣiṇe japet
266.27
vāmadevaṃ bṛhatsāma jyeṣṭhasāma rathantaram || tathā puruṣasūktañca rudrasūktaṃ saśāntikam
266.28
bhāruṇḍāni
ca sāmāni cchandogaḥ paścime japet || atharvvā'ṅgirasaṃ tadvannīlaṃ raudraṃ tathaiva ca
266.29
tathāparājitā devī saptasūktaṃ saraudrakam || tathaiva śāntikādhyā
yamatharvvā cottare japet
266.30
śiraḥsthāne tu devasya sthāpako homamācaret || śāntikaiḥ pauṣṭikaistadvanmantrairvyāhṛtipūrvvakaiḥ
266.31
palāśoḍumba
rāśvatthā apāmārgaḥ śamī tathā || hutvā sahasramekaikaṃ devaṃ pāde tu saṃspṛśet
266.32
tato homasahasreṇa hutvā hutvā tatastataḥ || nābhimadhyaṃ tathā vakṣaḥ
śiraścāpyālabhetapunaḥ
266.33
hastamātreṣu kuṇḍeṣu mūrttipāḥ sarvvato diśam || samekhaleṣu te kuryuryonivaktreṣu cādarāt
266.34
vitastimātrā yoniḥ
syādaṅgoṣṭhasadṛśī tathā || āyatā chidrasaṃyuktā pārśvataḥ kalayocchritā
266.35
kuṇḍātkalānusāreṇa sarvvataścaturaṅgulā || vistāroṇoccrayā tadvacca
turastrā samā bhavet
266.36
vedībhittiṃ parityajya trayodaśabhiraṅgulaiḥ || evaṃ navasu kuṇḍeṣu lakṣaṇañcaiva dṛśyate
266.37
āgneyaśākrābhyamyeṣu hotavyamṛ
dgagānanaiḥ || mūrttipā lokapālebhyo mūrttibhyaḥ kramaśastathā
266.38
tathā mūrttyadhidevānāṃ homaṃ kuryyātsamāhitaḥ || vasudhā vasuretāśca yajamāno divākaraḥ
266.39
jalaṃ vāyustathā soma ākāśaścāṣṭamaḥ smṛtaḥ || devasya mūrttayastvaṣṭāvetāḥ kuṇḍeṣu saṃsmaret
266.40
etāsāmadhipānvakṣye pavitrānmmūrttinā
mataḥ || pṛthivīṃ pāti ca śarvvaśca paśupaścāgnimeva ca
266.41
yajamānaṃ tathaivomro rudraścādityameva ca || bhavo jalaṃ sadā pāti vāyumīśāna eva ca
266.42
mahādevastathā candraṃ bhīmaścākāśameva ca || sarvvadevapratiṣṭhāsu mūrttipā hyeta eva ca
266.43
etebhyo vaidikairmmantrairyathāsvaṃ homamācaret || tathā śāntighaṭaṃ
kuryyātpratikuṇḍeṣu sannyaset
266.44
śatānte vā sahasrānte sampūrṇāhutiriṣyate || samapādaḥ pṛthivyāntu praśāntātmā vinikṣipet
266.45
āhutī
nāntu sampātaṃ pūrṇakumbheṣu vai nyaset || mūlamadhyottamāṅgeṣu devaṃ tenāvasecayet
266.46
sthitañca snāpayettena sampātāhutivāriṇā || pratiyāmeṣu dhūpantu
naivedyaṃ candanādikam
266.47
punaḥ punaḥ prakurvvīta homaḥ kāryyaḥ punaḥpunaḥ || punaḥpunaśca dātavyā yajamānena dakṣiṇā
266.48
sitavastraiśca te sarvve
pūjanīyāḥ samantataḥ || vicitrairhemakaṭakairhemasūtrāṅgulīyakaiḥ
266.49
vāsobhiḥ śayanīyaiśca pratiyāme ca śaktitaḥ || bhojanañcāpi dātavyaṃ yāvatsyāda
dhivāsanam
266.50
baliścitrisandhyaṃ dātavyo bhūtebhyaḥ sarvvatodiśam || brāhmaṇānbhojayet pūrvvaṃ śeṣānvarṇāṃstu kāmataḥ
266.51
rātrau mahotsavaḥ kāryyo
nṛtyagītakramaṅgalaiḥ || sadā pūjyāḥ prayatnena caturthīkarmmayāvatā
266.52
trirātramekarātraṃ vā pañcarātramathāpi vā || saptarātramatho kuryyātkvacitsadyo'dhivāsa
nam || sarvvayajñaphalo yasmādadhivāsotsavaḥsadā
266.52.p1
iti śrīmatsye mahāpurāṇe'dhivāsanavidhirnāma pañcaṣaṣṭyadhikadviśatatamo'dhyāyaḥ
Linked texts (2)
- Rājadharmakaustubha — Anantadeva 1645, Sanskrit
- Sarvadevapratiṣṭhāprakāśa — Sanskrit