Matsya 267
Matsya 267
- Language
- Sanskrit
Contents
- 267.69 — 1 part
267.1
sūta uvāca || || kṛtvādhivāsaṃ devānāṃ śubhaṃ kuryyātsamāhitaḥ || prāsādasyānurūpeṇa mānaṃ liṅgasya vā punaḥ
267.2
puṣpodakena prāsādaṃ prokṣya
mantrayutena tu || pātayetpakṣasūtrantu dvārasūtraṃ tathaiva ca
267.3
āśrayetkiñcidiśānīṃ madhyaṃ jñātvā diśaṃ budhaḥ || īśānīmāśritaṃ devaṃ pūjayanti divau
kasaḥ
267.4
āyurārogyaphaladamathottarasamāśritam || śubhaṃ syādaśubhaṃ proktamanyathā sthāpanaṃ budhaḥ
267.5
adhaḥ kūrmaśilā proktā sadā brahmaśilādhikā
uparyyavasthitā tasyā brahmabhāgādhikā śilā
267.6
tatastu piṇḍikā kāryā pūrvvoktenārmalakṣaṇaiḥ || tataḥ prakṣālitāṃ kṛtvā pañcagavyena piṇḍikām
267.7
kaṣāyatayena punarmantrayuktena sarvvataḥ || devatāñcāśrayaṃ mantraṃ piṇḍikāsu niyojayet
267.8
tata utthāpya deveśamuttiṣṭha brahmaṇoti ca || ānīya
garbhabhavanaṃ pīṭhānte sthāpayetpunaḥ
267.9
arghyapādyādikaṃ tatra madhuparkaṃ prayojayet || tato muhūrttaṃ viśramya ratnanyāsaṃ samācaret
267.10
vajraṃ
mauktikavaidūryyaśaṅkasphaṭikameva ca || puṣparāgendranīlañca nīlaṃ pūrvādidikkramāt
267.11
tālakañca śilāvajramañjanaṃ śyākameva ca || kākṣī kāśī
samākṣīkaṃ gairikañcāditaḥ kramāt
267.12
godhūmañca yavaṃ tadvattilamudgaṃ tathaiva ca || nīvāramatha śyāmākaṃ sarṣapaṃ vrīhimeva ca
267.13
nyasya
krameṇa pūrtvādi candanaṃ raktacandanam || aguruñcāanañcāpi uśīrañca tataḥ param
267.14
vaiṣṇavīṃ sahadevīṃñca lakṣmaṇāñca tataḥ param || svalokaṃpā
lanāmnā tu nyasedoṅkārapūrvakam
267.15
sarvvabījāni dhātūṃśca ratnānyoṣadhayastathā || kāñcanaṃ padmarāgantu pāradaṃ padmameva ca
267.16
kūrmaṃ dharāṃ
vṛṣaṃ tatra nyasetpūrvvāditaḥ kramāt || brahmasthāne tu dātavyāḥ saṃhatāḥ syuḥ parasparam
267.17
kanakaṃ vidrumaṃ tāmraṃ kāṃsyañcaivārakūṭakam || rajataṃ
vimalaṃ puṣpaṃ lohañcaiva krameṇa tu
267.18
kāñcanaṃ haritālañca sarvvābhāve'pi nikṣipet || dadyādvījauṣadhisthāne sahadevīṃ yavānapi
267.19
nyāsa
mantrānato vakṣye lokapālātmakāniha || indrastu mahasā dīptaḥ sarvvadevādhipo mahān
267.20
vajrahasto mahāsattvastasmai nityaṃ namo namaḥ
āgneyaḥ puruṣo raktaḥ sarvvadevamayaḥ śikhī
267.21
dhūmaketuranādhṛṣyastasmai nityaṃ namo namaḥ || yamaścotpalavarṇābhaḥ kirīṭī daṇḍadhṛksadā
267.23
dharmasākṣī viśuddhātmā tasmai nityaṃ namo namaḥ || nirṛtistu pumānkṛṣṇaḥ sarvvarakṣo'dhipo mahān||22||khaḍgahasto mahāsattvastasmai nityaṃ namo namaḥ
varuṇo dhavalo viṣṇuḥ puruṣo nimnagādhipaḥ
267.24
pāśahasto mahābāhustasmai nityaṃ namo namaḥ || vāyuśca sarvvavarṇo vai sarvvagandhavahaḥ śubhaḥ
267.25
puruṣo dhvajahastaśca tasmai nityaṃ namo namaḥ || gauro yaśca pumānsaumyaḥ sarvvauṣadhisamanvitaḥ
267.26
nakṣatrādhipatiḥ somastasmai nityaṃ namo namaḥ
īśānapuruṣaḥ śuklaḥ sarvvavidyādhipo mahān
267.27
śūlahasto virūpākṣastasmai nityaṃ namo namaḥ || padmayoniścaturmūttirvedavāsāḥ pitāmahaḥ
267.28
yajñādhyakṣaścaturvaktrastasmai nityaṃ namo namaḥ || yosāvanantarūpeṇa brahmāṇḍaṃ sacarācaram
267.29
puṣpavaddhārayenmūrdhni tasmai nityaṃ namo namaḥ || oṅkāra
pūrvvakā hyete nyāse balinivedane
267.30
mantrāḥ syuḥ sarvvakāryāṇāṃ vṛddhiputraphalapradāḥ || nyāsaṃ kṛtvā tu mantrāṇāṃ pāyasenānulepitam
267.31
paṭenācchādayecchubhraṃ śuklenopari yatnataḥ || tata utthāpya deveśamiṣṭadeśe tu śobhane
267.32
dhruvā dyauriti mantreṇa śvabhropari niveśayet || tataḥ sthirī
kṛtasyāsya hastaṃ dattvā tu mastake
267.33
dhyātvā paramadbhāvāddevadevañca niṣkalam || devavrataṃ tathā somaṃ rudrasūktaṃ tathaiva ca
267.34
ātmā
namīśvaraṃ kṛtvā nānābharaṇabhūṣitam || yasya devasya yadrūpaṃ taddhyāne saṃsmarettathā
267.36
atasīpuṣpasaṅkāśaṃ śaṅkhacakragadādharam || saṃsthāpayāmi
deveśaṃ devo bhūtvā janārdanam||35||tryakṣañca daśabāhuñca candrāddhaikṛtaśekharam || gaṇeśaṃ vṛṣasaṃsthañca sthāpayāmi trilocanam
267.37
ṛṣibhiḥ saṃstutaṃ devaṃ
caturvvaktraṃ jaṭādharam || pitāmahaṃ mahābāhuṃ sthāpayāmyambujodbhavam
267.38
sahasrakiraṇaṃ śāntamapsarogaṇasaṃyutam || padmahastaṃ mahābāhuṃ sthāpayāmi
divākaram
267.39
devamantrāṃstathā raudrān rudrasya sthāpane japet || viṣṇostu vaiṣṇavāṃstadvadbrāhmānvai brahmaṇo budhaḥ
267.40
saurāḥ sūryyasya
japtavyāstathānyeṣu tadāśrayāḥ || vedamantrapratiṣṭhā tu yasmādānandadāyinī
267.41
sthāpayedyantu deveśaṃ taṃ pradhānaṃ prakalpayet
tasya pārśvasthitānanyānsaṃsmaretparivāritaḥ
267.42
gaṇaṃ nandimahākālaṃ vṛṣaṃ bhṛṅgiriṭiṃ guham || devīṃ vināyakañcaiva viṣṇuṃ brahmāṇameva ca
267.43
rudraṃ śakraṃ jayantañca lokapālānsamantataḥ || tathaivāpsarasaḥ sarvvā gandharvvagaṇaguhyakān
267.44
yo yatra sthāpyate devastasya tānparitaḥ smaret
āvāhayettathā rudraṃ mantreṇānena yatnataḥ
267.45
yasya siṃhā rathe yuktā vyāghrabhūtāstathoragāḥ || ṛṣayo lokapālāśca devaḥ skandastathā vṛṣaḥ
267.46
priyo gaṇo mātaraśca somo viṣṇuḥ pitāmahaḥ || nāgā yakṣāḥ sagandharvvā ye ca divyā nabhaścarāḥ
267.47
tamahaṃmṛkṣamiśānaṃ śivaṃ rudramumāpatim
āvāhayāmi sagaṇaṃ sapatnīkaṃ vṛṣadhvajam
267.48
āgaccha bhagavan rudrānugrahāya śivo bhava || śāśvato bhava pūjāṃ me gṛhāṇa tvaṃ namo namaḥ
267.49
oṃ namaḥ svāgataṃ bhagavate namaḥ oṃ namaḥ somāya sagaṇāya saparivārāya pratigṛhṇātu bhagavanmantrapūtamidaṃ sarvvamarghyapādyamācamanīyamāsanaṃ brahmaṇābhihi
taṃ namo namaḥ svāhā
267.50
tataḥ puṇyāhaghoṣeṇa brahmaghoṣaiśca puṣkalaiḥ || snāpayettu tato devaṃ dadhikṣīraghṛtena ca
267.51
madhuśarkarayā
tadvatpuṣpagandhodakena ca || śivadhyānaikacittastu mantrānetānudīrayet
267.52
yajjāgrato dūramudeti tato virāḍajāyata iti ca || sahasraśī
rṣā puruṣa iti ca || abhi tvā śūra no nama iti ca || puruṣa evedaṃ sarvvamiti || tripādūrddhamiti || yenedaṃ bhūtamiti| natvā avīnvya iti
267.53
sarvvā
ścaitānpratiṣṭhāsu mantrāñjaptvā punaḥpunaḥ || catuḥkṛtvaḥ spṛśedvāṅghrimūlamadhye śirasyapi
267.54
sthāpite tu tato deve yajamāno'tha mūrttipam
ācāryyaṃ pūjayedbhaktyā vastrālaṅkārabhūṣaṇaiḥ
267.55
dīnāndhakṛpaṇāṃstadvadye cānye samupasthitāḥ || tatastu madhunā devaṃ prathame'hani lepa
yet
267.56
haridrayātha siddhārthairdvitīye'hani tattvataḥ || candanena yavaistadvattṛtīye'hani lepayet
267.57
manaḥśilāpriyaṅgubhyāṃ
caturthe'hani lepayet || saubhāgyaśubhadaṃ yasmāllepanaṃ vyādhināśanam
267.58
paraṃ prītikaraṃ nṛṇāmetadvedavido viduḥ || kṛṣṇāñjanaṃ
tilaṃ tadvat pañcame'pi nivedayet
267.59
ṣaṣṭhe tu saghṛtaṃ dadyāccandanaṃ padmakesaram || rocanāgurupuṣpantu saptame'hani dāpayet
267.60
yantra
sadyo'dhivāsaḥ syāt tatra sarvvaṃ nivedayet || sthitaṃ na cālayeddevamanyathā doṣabhāgbhavet
267.61
pūrayet sikatābhistu niśchidraṃ sarvvato bhavet
lokapālasya digbhāge yasya sañcalate vibhuḥ
267.62
tasya lokapateḥ śāntirddeyāścaivāśva dakṣiṇāḥ || indrāyābharaṇaṃ dadyāt kāñcanamalpavitta
vān
267.63
agneḥ suvarṇameva syādyamasya mahiṣaṃ tathā || ajañca kāñcanaṃ dadyād nairṛtaṃ rākṣasaṃ prati
267.64
varuṇaṃ prati muktāni saśūktīni pradāpayet
rītikaṃ vāyave dadyādvastrayugmena sāmpratam
267.65
somāya dhenurddātavyā rajataṃ savṛṣaṃ śive||yasyāṃ yasyāṃ sañcalanaṃ śāntiḥ syāt tatra tatra tu
267.66
anyathā tu bhavedghoraṃ bhayaṃ kulavināśanam || acalaṃ kārayettasmātsakatābhiḥ sureśvara
267.67
annaṃ vastrañca dātavyaṃ puṇyāhajayamaṅgalam || tripañcasa
ptadaśa vā dināni syānmahotsavaḥ
267.68
caturthe'hni mahāsnānaṃ caturthīkarmma kārayet || dakṣiṇā ca punastadvaddeyā tatrātibhaktitaḥ
267.69
devapratiṣṭhā
vidhireṣu tubhyaṃ niveditaḥ pāpavināśahetoḥ || yasmādvudhaiḥ pūrvvamanantamuktamanekavidyādharadevapūjyam
267.69.p1
iti śrīmatsye mahāpurāṇe pratiṣṭhā'nukīrttanaṃ nāma ṣaṭṣaṣṭyadhikadviśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Haribhaktivilāsa (complete text) — Sanskrit
- Rājadharmakaustubha — Anantadeva 1645, Sanskrit
- Sarvadevapratiṣṭhāprakāśa — Sanskrit
- Dānasāgara — Ballālasena, Sanskrit
- Dānamayūkha — Nīlakaṇṭha Dīkṣita 1600, Sanskrit