Matsya 268
Matsya 268
- Language
- Sanskrit
Contents
- 268.33 — 1 part
268.1
cha || || sūta uvāca || || athātaḥ sampravakṣyāmi devasnapanamuttamam || aghèsyāpi samāsena
śṛṇu tvaṃ vidhimuttamam
268.2
dadhyakṣatakuśāgrāṇi kṣīraṃ dūrvvāṃstathā madhu || yavāḥ siddhārthakāstadvadaṣṭāṅgo'rghyaḥ phalaiḥ saha
268.3
gajāśvarathyāvalmīka
varāhotkhātamaṇḍalāt || agnyāgārāt tathā tīrthādgajāṅgomaṇḍalādapi
268.4
kumbhe tu mṛttikāṃ dadyāduddhṛtāsīti mantravit || śanno devītyapāṃ
mantramāpohiṣṭheti vai tathā
268.5
sāvitryādāya gomūtraṃ gandhadvāreti gomayam || āpyāyasveti ca kṣīraṃ dadhikrāvṇeti vai dadhi
268.6
tejo'sīti ghṛtaṃ
tadvaddevasya tveti codakam || kuśamiśraṃ kṣipedvidvān pañcagavyaṃ bhavet tataḥ
268.7
snāpyātha pañcagavyena dadhnā śuddhena vai tataḥ || dadhikrāvṇetimantreṇa
snāpayedratnavāriṇā
268.8
kuśāmbhasā tataḥ snānaṃ devasyatveti kārayet || phalodakena ca snānamagna āyāhi kārayet
268.9
tatastu gandhatoyena
sāvitryā cābhimantrayet || tato ghaṭasahasreṇa sahasrārddhena vā punaḥ
268.10
tasyāpyarddhena vā kuryyāt sapādena śatena vā || catuḥṣaṣṭyā tato'rddhena tadarddhārddhena
vā punaḥ
268.11
caturbhiṃrathavā kuryyādvratānāmalpavittavān || sauvarṇe rājatairvāpi tāmrairvā rītikodbhavaiḥ
268.12
kāṃsyairvā pārthivairvāpi snapanaṃ śaktito
bhavet || sahadevī vacā vyāghrī balā cātibalā tathā
268.13
śaṅkhapuṣpī tathā siṃhī hyaṣṭamī ca suvarcalā || mahauṣadhyaṣṭakaṃ hyetanmahāsnāneṣu yojayet
268.14
yavagodhūmanīvāratilaśyāmākaṃśālayaḥ || priyaṅgavo vrīhayaśca snāneṣu parikalpitāḥ
268.15
svastikaṃ padma kaṃ śaṅkhamutpalaṃ kamalaṃ tathā
śrīvatsaṃ darpaṇaṃ tadvannandyāvarttamathāṣṭakam
268.16
etāni gomayaiḥ kuryyānmṛdā ca śubhayā tataḥ || pañcavarṇādikaṃ tadvatpañcavarṇa rajastathā
268.17
dūrvvāḥ kṛṣṇatilāndadyānnīrājanavidhirmataḥ || evaṃ nīrājanaṃ kṛtvā dadyādācamanaṃ budhaḥ
268.18
mandākinyāstu yadvāri sarvvapāpāpahaṃ śubham
tato vastrayugaṃ dadyānmantreṇānena yatnataḥ
268.19
devasūtrasamāyukte yajñadānasamanvite || sarvvavarṇai śubhe deva vāsasī te vinirmite
268.20
tatastu candanaṃ dadyātsamaṃ karpūrakuṅkumaiḥ || imamuccārayenmantraṃ darbhapāṇiḥ prayatnataḥ
268.21
śarīraṃ te na jānāmi ceṣṭāṃ naiva ca naiva ca || mayā nivedi
tānthānpratigṛhya vilipyatām
268.22
catvāriṃśattato dīpāndadyāccaiva pradakṣiṇān || tvaṃ sūryyacandrajyotīṃṣi vidyudagnirastathaiva ca
268.23
tvameva
sarvvajyotīṃṣi dīpo'yaṃ pratigṛhyatām || tatastvanena mantreṇa dhūpaṃ dadyādvicakṣaṇaḥ
268.24
vanaspatiraso divyo gandhāḍhyo gandha uttamaḥ || mayā nivedi
to bhaktyā dhūpo'yaṃ pratigṛhyatām
268.25
tastastvābharaṇaṃ dadyānmahābhūṣāya te namaḥ || anena vidhinā kṛtvā saptarātraṃ mahotsavam
268.26
devakumbhe
stataḥ kuryyādyajamāno'bhiṣecanam || caturbhiraṣṭabhirvāpi dvābhyāmekena vā punaḥ
268.27
sapatraratnakalaśaiḥ sitavastrābhiveṣṭitaiḥ || devasya tveti
mantreṇa sāmnā cātharvvaṇena ca
268.28
abhiṣeke ca ye mantrā navagrahamakhe smṛtāḥ || sitāmbaradharaḥ snātvā devānsampūjya yatnataḥ
268.29
sthāpakaṃ
pūjayedbhaktyā vastrālaṅkārabhūṣaṇaiḥ || yajñabhāṇḍāni sarvvāṇi maṇḍapopaskarādikam
268.30
yaccānyadapi tadgehe tadācāryyāya dāpayet || supra
sanne gurau yasmāttṛpyante sarvvadevatāḥ
268.31
naitādṛśīlena ca dāmbhikena na liṅginā sthāpanamatra kāryyam || vipreṇa kāryyaṃ śrutipārageṇa
gṛhasthadharmmābhiratena nityam
268.32
pāṣāṇḍinaṃ yastu karoti bhaktyā vihāya viprānchrutidharmmayuktān || guruṃ pratiṣṭhādiṣu tatra nūnaṃ
kulakṣayaḥ syādācarādapūjyaḥ
268.33
sthānaṃ piśācaiḥ parigṛhyate vā apūjyataṃ yātyacireṇa lokaiḥ || vipraiḥ kṛtaṃ yacchubhadaṃ kule syāt
prapūjyatāṃ yāti cirañca kālam
268.33.p1
iti śrīmatsye mahāpurāṇe devatāsnānaṃ nāma saptaṣaṣṭyadhikadviśatatamo'dhyāyaḥ
Linked texts (6)
- Matsyapurāṇa — Vyāsa, Sanskrit
- Haribhaktivilāsa (complete text) — Sanskrit
- Varṣakriyākaumudī — Govindānanda Kavikaṅkaṇa 1510, Sanskrit
- Kriyākaumudī (Govindānanda) — Govindānanda 1500, Sanskrit
- Sarvadevapratiṣṭhāprakāśa — Sanskrit
- Varṣakṛtyakaumudī — Govindānandācārya, Sanskrit