Pramāṇa · Search · About · API

Matsya 269

Matsya 269

Language
Sanskrit

Contents

269.1

cha
ṛṣaya ūcuḥ || || prāsādāḥ kīdṛśāḥ sūta karttavyā bhūtimicchatā || pramāṇaṃ lakṣaṇaṃ tadvadvada vistarato'dhunā

269.2

sūta uvāca
athātaḥ sampravakṣyāmi prāsādavidhinirṇayam || vāstau parīkṣite samyagvāstudehavicakṣaṇaḥ

269.3

vāstupraśamanaṃ kuryyātsamidbhirvvalikarmmaṇā || jīrṇoddhāre
tathodyāne tathā gṛhaniveśane

269.4

navaprāsādabhavane prāsādaparivarttane || dvārābhivarttane tadvatprāsādeṣu gṛheṣu ca

269.5

vāstupraśamanaṃ kuryyātpū
rvvameva vicakṣaṇaḥ || ekāśītipadaṃ likhya vāstumadhye ca pṛṣṭhataḥ

269.6

homastrimekhale kāryyaḥ kuṇḍe hastapramāṇake || yavaiḥ kṛṣṇatilaistadvatsamidbhiḥ
kṣīravṛkṣajaiḥ

269.7

pālāśaiḥ khādiraiścāpi madhusarpiḥsamanvitaiḥ || kuśadūrvvāmayairvāpi madhusarpiḥsamanvitaiḥ

269.8

kāryyastu pañcabhirvvilvairvvilvabījai
rathāpi vā || homānte bhakṣyabhojyaistu vāstudeśe baliṃ haret

269.9

taddviśeṣannaivedyamevaṃ dadyātkrameṇa tu || īśakoṇe ghṛtānnantu śikhine vinivedayet

269.10

odanaṃ saphalaṃ dadyātparjanyāya ghṛtānvitam || jayāya ca dhvajānpītānpaiṣṭaṃ kūrmañca sannyaset

269.11

indrāya pañcaratnāni paiṣṭañca kuliśaṃ tathā
vitānakañca sūryyāya dhūmraṃ saktuṃ tathaiva ca

269.12

satyāya ghṛtagodhūmaṃ matsyaṃ dadyādbhṛśāya ca || śaṣkulīścāntarikṣāya dadyātsaktūṃśca vāyave

269.13

lājāḥ pūṣṇe tu dātavyā vitathe caṇakaudanam || gṛhakṣatāya madhvannaṃ yamāya piśitaudanam

269.14

gandhaudanañca gandharve bhṛṅgarājasya bhṛṅgikām
mṛgāya yāvakaṃ dadyātpitṛbhyaḥ kusarā matā

269.15

dauvārike dantakāṣṭhaṃ paiṣṭaṃ kṛṣṇāvaliṃ tathā || sugrīve puṣpakaṃ dadyātpuṣpadantāya pāyasam

269.16

kuśastambena saṃyuktaṃ tathā padmañca vāruṇam || piṣṭaṃ hiraṇmayaṃ dadyādasurāya surā matā

269.17

ghṛtaudanañca śoṣāya yavānnaṃ pāpayakṣmaṇe
ghṛtalaḍḍukāṃstu rogāya nāge puṣpaphalāni tu

269.18

sarpirmukhyāya dātavyaṃ mudgaudanamataḥ param || bhallāṭasthānake dadyātsomāya ghṛtapāyasam

269.19

bhagāya śālikaṃ piṣṭamadityai polikāstathā || dityai tu pūrikā dadyādityevaṃ bāhyato baliḥ

269.20

kṣīraṃ yamāya dātavyamāpavatsāya vai dadhi
sāvitre laḍḍukāndadyātsaparīcaṃ kuśaudanam

269.21

saviturmuṇḍapūṃpāṃstu jayāya ghṛtacandanam || vivasvate punarddadyādraktacandanapāyasam

269.22

haritālaudanaṃ dadyādindrāya ghṛtasaṃyutam || ghṛtaudanañca mitrāya rudrāya ghṛtapāyasam

269.23

āmaṃ pakvaṃ tathā māṃsaṃ deyaṃ syādrājayakṣmaṇe || pṛthvī
dharāya māṃsāni kūṣmāṇḍāni ca dāpayet

269.24

śarkarāpāyasaṃ dadyādaryyamṇe punareva hi || pañcagavyaṃ yavāṃścaiva tilākṣatamayaṃ carum

269.25

bhakṣyaṃ bhojyañca vividhaṃ brahmaṇe vinivedayet || evaṃ sampūjitā devāḥ śāntiṃ kurvvanti te sadā

269.26

sarvvebhyaḥ kāñcanaṃ dadyādbrāhmaṇe gāṃ payasvi
nīm || rākṣasīnāṃ baliṃrdeyo api yāhagdyathā śrṛṇu

269.27

māṃsaudanaṃ ghṛtaṃ padmakesaraṃ rudhirānvitam || īśānabhāgamāśritya carakyai vinivedayet

269.28

māṃsaudanañca rudhiraṃ haridraudanameva ca || āgneyīṃ diśamāśritya vidāryyai vinivedayet

269.29

dadhyodanaṃ sarudhiramasthikhaṇḍaiśca saṃyutam || pītaraktaṃ
baliṃ dadyātpūtanāyai sarakṣaṃse

269.30

vāyavyāṃ pāparākṣasyai matsyamāṃsaṃ surāsavam || pāyasañcāpi dātavyaṃ svanāmnā sarvvataḥ kramāt

269.31

namaskārāntayuktena praṇavādyena saṃyutaḥ || tataḥ sarvvauṣadhīsnānaṃ yajamānasya kārayet

269.32

dvijāṃnsampūjayedbhaktyā ye cānye gṛhamāgatāḥ || etadvā
stūpaśamanaṃ kṛtvā karmma samārabhet

269.33

prāsādabhavanodyānaprārambhe vinivarttane || puraveśmapraveśeṣu sarvvadoṣāpanuttaye

269.34

rakṣoghnapāvamānena
sūktena bhavanādikam || nṛtyamaṅgalavādyena kuryyādbrāhmaṇavācanam

269.35

anena vidhinā yastu pratisaṃvatsaraṃ budhaḥ || gṛhe vāyatana kuryyānna sa
duḥkhamavāpnuyāt

269.36

na ca vyādhibhayaṃ tasya na ca bandhudhanakṣayaḥ || jīvedūrddhaśataṃ svarge kalpamekañca tiṣṭhati

269.36.p1

iti śrīmatsye mahāpurāṇe vāstudoṣopaśamanaṃ nāmāṣṭaṣaṣṭyadhikadviśatatamo'dhyāyaḥ

Linked texts (7)