Pramāṇa · Search · About · API

Matsya 27

Matsya 27

Language
Sanskrit

Contents

27.1

cha
śukra uvāca || || yaḥ pareṣāṃ naro nityamativādāṃstitikṣati || devayāni vijānīhi tena sarvvamidaṃ jitam

27.2

yaḥ samutpatitaṃ krodhaṃ nigṛhṇāti hayaṃ yathā || sa yantetyucyate sadbhirnayo raśmiṣu lambate

27.3

yaḥ samutpatitaṃ krodhamakrodhena niyacchati
devayāni vijānīhi tena sarvvamidaṃ jitam

27.4

yaḥ samutpatitaṃ kopaṃ kṣamayaiva nirasyati || yathoragastvacaṃ jīrṇāṃ sa vai puruṣa ucyate

27.5

yastu bhāvayate dharmaṃ yo'timātraṃ titikṣati || yaśca tapto na tapati bhṛśaṃ so'rthasya bhājanam

27.6

yo yajedaśvamedhena māsi māsi
śataṃ samāḥ || yastu kupyenna sarvvasya tayorakrodhano varaḥ

27.7

ye kumārāḥ kumāryyaśca vairaṃ kuryyuracetasaḥ || naitatprājñastu kurvīta viduste na
balābalam

27.8

devayānyuvāca || || vedāhaṃ tāta bālāpi kāryyāṇāntu gatāgatam || krodhe caivātivāde vā kāryyasyāpi balābale

27.9

śiṣyasyāśiṣyavṛttaṃ hi na kṣantavyaṃ bubhūṣuṇā || asatsaṃkīrṇavṛtteṣu vāso mama na rocate

27.10

puṃso ye nābhinandanti vṛttenābhijanena ca || na teṣu
nivasetprājñaḥ śreyo'rthī pāpabuddhiṣu

27.11

ye nainamabhijānanti vṛttenābhijanena ca || teṣu sādhuṣu vastavyaṃ sa vāsaḥ śreṣṭha ucyate

27.12

tanme mathnāti
hṛdayamagnikalpamivāraṇim || vāgduruktaṃ mahāghoraṃ duhiturvṛṣaparvvaṇaḥ

27.13

na hyato duṣkaraṃ manye tāta lokeṣvapi triṣu || yaḥ sapatnaśriyaṃ dīptāṃ hīnaśrīḥ
paryupāsate

27.13.p1

iti śrīmātsye mahāpurāṇe yayāticarite'ṣṭāviṃśo'dhyāyaḥ

Linked texts (2)