Matsya 271

Language: Sanskrit

271.1

cha || || sūta uvāca || || athātaḥ sampravakṣyāmi maṇḍapānāntu lakṣaṇam || maṇḍapapravarānvakṣye prāsādasyānu
rūpataḥ

271.2

vividhā maṇḍapāḥ kāryyā jyeṣṭhamadhyakanīyasaḥ || nāmatastānpravakṣyāmi śṛṇudhvamṛṣisattamāḥ

271.3

puṣpakaḥ puṣpabhadraśca suvrato'mṛta
nandanaḥ || kauśalyā buddhisaṅkīrṇo gajabhadro jayāvahaḥ

271.4

śrīvatso vijayaścaiva vāstukīrttiḥ śrutiñjayaḥ || yajñabhadro viśālaśca suśliṣṭaḥ śatrusa
rddanaḥ

271.5

bhāgapañco nandanaśca mānavo mānabhadrakaḥ || sugrīvo haritaścaiva karṇikāraḥ śatarddhikaḥ

271.6

siṃhaśca śyāgabhadraśca subhadraśca tathaiva ca || saptaviṃśa
tirākhyātā lakṣaṇaṃ śṛṇuta dvijāḥ

271.7

stambhā yatra catuḥṣaṣṭiḥ puṣpakaḥ samudāhṛtaḥ ||dviṣaṣṭiḥ puṣpabhadrastu ṣaṣṭiḥ suvrata ucyate

271.8

aṣṭapañcāśakastambhaḥ
kathyate'mṛtanandanaḥ || kauśalyaḥ ṣaṭ ca pañcāśaccatuḥ pañcāśatā punaḥ

271.9

nāmnā tu buddhisaṅkīrṇo dvihīno gajabhadrakaḥ || jayāvahastu pañcāśacchrīvatsasta
dvihīnakaḥ

271.10

vijayastadvihīnaḥ syādvāstukīrttistathaiva ca || dvābhyāmeva prahīyeta tataḥ śrutiñjayo'paraḥ

271.11

catvāriṃśadyajñabhadrastadvihīno
viśālakaḥ || ṣaṭtriṃśaccaiva suśliṣṭo dvihīnaḥ śatrusaddanaḥ

271.12

dvātriṃśadbhāgapañcastu triṃśadbhirnandanaḥ smṛtaḥ || aṣṭāviṃśanmānavastu mānabhadro dvihī
nakaḥ

271.13

caturviṃśastu sugrīvo dvāviṃśo harito mataḥ || viṃśatiḥ karṇikāraḥ syādāṣṭādaśa śatarddhikaḥ

271.14

siṃho bhaveddvihīnaśca śyāgabhadro
dvihīnakaḥ || subhadrastu tathā prokto dvādaśastambhasaṃyutaḥ

271.15

maṇḍapāḥ kathitāstubhyaṃ yathāvalakṣaṇānvitāḥ || trikoṇaṃ vṛtta marddhendu hyaṣṭakoṇaṃ dviraṣṭa
kam

271.16

catuṣkoṇantu karttavyaṃ saṃsthānaṃ maṇḍapasya tu || rājyañca vijayaścaiva āyurvṛddharnameva ca

271.17

putralābhaḥ śriyaḥ puṣṭitrikoṇādikramā
dbhavet || evantu śubhadāḥ proktāścānyathā tvaśubhāvahāḥ

271.18

catuḥṣaṣṭipadaṃ kṛtvā madhye dvāraṃ prakalpayet || vistārāddviguṇocchrāyaṃ tatribhāgaḥ kaṭi
rbhavet

271.19

vistārādarddhī bhavedgarbho bhittayo'nyāḥ samantataḥ || garbhapādena vistīrṇaṃ dvāraṃ triguṇamāyatam

271.20

tathā dviguṇavistīrṇamukhastadvadudumbaraḥ
vistārapādapratimaṃ bāhulyaṃ śākhayoḥ smṛtam

271.21

tripañcasaptanavabhiḥ śākhābhirdvāramiṣyate || kaniṣṭhamadhyamaṃ jyeṣṭhaṃ yathāyogaṃ prakalpayet

271.22

aṅgulānāṃ śataṃ sārddhaṃ catvāriṃśattathonnatam || triṃśāṃṅgiṃśottarañcānyatdhanyamuttamameva ca

271.23

śatañcāśītisahitaṃ vātanirgamane bhavet || adhikaṃ
daśabhistadvattathā ṣoḍaśabhiḥ śatam

271.24

śatamānaṃ tṛtīyañca navatyāśītibhistathā || daśa dvārāṇi caitāni krameṇoktāni sarvvadā

271.25

anyāni varjanīyāni manasodvegadāni tu || dvāravedhaṃ prayatnena sarvvavāstuṣu varjayet

271.26

vṛkṣakoṇabhramikṣārastambhakūpadhvajādapi || kuḍacyañceṇa vā
viddhaṃ dvāraṃ na śubhadaṃ bhavet

271.27

kṣayaśca durgatiścaiva pravāsaḥ kṣudbhayaṃ tathā || daurbhāgyaṃ bandhanaṃ rogo dāridryaṃ kalahaṃ tathā

271.28

virodhaścārthanāśaśca
sarvve vedhādbhavetkramāt || pūrveṇa phalino vṛkṣāḥ kṣīravṛkṣāstu dakṣiṇe

271.29

paścimena jalaṃ śreṣṭhaṃ padmotpalavibhūṣitam || uttare saralaistālaiḥ śubhā syāta
puṣpavāṭikā

271.30

sarvvatastu jalaṃ śreṣṭhaṃ sthiramasthirameva ca || pārśvataścāpi karttavyaṃ parivārādikālayam

271.31

yāmye tapovanasthānamuttare mātṛkāgṛ
ham || mahānasaṃ tathāgneye nairṛtye'tha vināyakam

271.32

vāruṇe śrīnivāsastu vāyavye gṛhamālikā || uttare yajñaśālā tu nirmmālyasthānamuttare

271.33

vāruṇe somadaivatye balinirvvapaṇaṃ smṛtam || purato vṛṣabhasthānaṃ śeṣe syāt kusumāyudhaḥ

271.34

jalaṃ vāpi tathaiśāne viṣṇurustu jalaśāyyapi
evamāyatanaṃ kuryyāt kuṇḍamaṇḍapasaṃyutam

ghaṇṭāvitānakasatoraṇacitrayuktaṃ nityotsavapramuditena janena sārddham || yaḥ kārayet suragṛhaṃ vividha
dhvajāṅka śrīstaṃ na muñcati sadā divi pūjyate ca||35||evaṃ gṛhārthenavidhāvāpi śaktitaḥ syāt saṃsthāpanaṃ sakalamantravidhānayuktam|| 36||iti śrīmatsye
mahāpurāṇe prāsādānukīrttanaṃ nāma saptatyadhikadviśatatamo'dhyāyaḥ

Linked texts (3)

Samarāṅgaṇasūtradhāra — Bhoja, Sanskrit
Vāstuśāstra (Giridhara) — Giridhara, Sanskrit
Aparājitapṛcchā — Bhuvanadeva, Sanskrit