Matsya 272
Matsya 272
- Language
- Sanskrit
Contents
- 272.30 — 1 part
272.1
cha || || ṛṣaya ūcuḥ || || pūrvvaśastvayā sūta sambhaviṣyo niveditaḥ
sūryyavaṃśe nṛpā ye tu bhaviṣyanti hi tān vada
272.2
tathaiva yādave vaṃśe rājānaḥ kīrttivarddhanāḥ || kalau yuge bhaviṣyanti tānapīha vadasva naḥ
272.3
vaṃśānte jñātayo yāśca rājyaṃ prāpsyanti suvratāḥ || brūhi saṃkṣepatastāsāṃ yathābhāvyamanukramāt
272.4
sūta uvāca || || bṛhadvalasya dāyādo vīro rājā
hurukṣayaḥ || urukṣayasutaścāpi vatsadroho mahāyaśāḥ
272.5
vatsadrohātprativyomastasya putro divākaraḥ || tasyaiva madhyadeśe tu ayodhyā nagarī śubhā
272.6
divākarasya bhavitā sahadevo mahāyaśāḥ || sahadevācca bhavitā dhruvāśvo vai mahāmanāḥ
272.7
tasya bhāvyo mahābhāgaḥ pratīpāśvaśca tatsutaḥ || pratīpāśva
sutaścāpi supratīpo bhaviṣyati
272.8
marudevaḥ sutastasya sunakṣatrastato'bhavat || kinnarāśvaḥ sunakṣatrādbhaviṣyati parantapaḥ
272.9
kinnarāśvādantarikṣo
bhaviṣyati mahāmanāḥ || suṣeṇaścāntarikṣācca sumitraścāpyamitrajit
272.10
sumitrajo bṛhadrājo bṛhadrajasya vīryyavān || putraḥ kṛtañjayo nāma dhārmmi
kaśca bhaviṣyati
272.11
kṛtañjayasuto vidvānabhaviṣyati raṇejayaḥ || bhavitā sañjayaścāpi vīro rājā raṇejayāt
272.12
sañjayasya sutaḥ śākyaḥ
śākyācchuddhodano nṛpaḥ || śuddhodanasya bhavitā siddhārthaḥ puṣkalaḥ sutaḥ
272.13
prasenajitato bhavyaḥ kṣudrako bhavitā tataḥ || kṣudrakātkulako bhāvyaḥ
kulakātsurathaḥ smṛtaḥ
272.14
sumitraḥ surathājjāto hyanyastu bhavitā nṛpaḥ || ete caikṣvākavāḥ proktā bhaviṣyā ye kalau yuge
272.15
bṛhadbalānvavāye tu
bhaviṣyāḥ kulavarddhanāḥ|| atrānuvaṃśaśloko'yaṃ viprairgītaḥ purātanaiḥ
272.16
ikṣvākūṇāmayaṃ vaṃśaḥ sumitrānto bhaviṣyati || sumitraṃ prāpya rājānaṃ saṃsthāṃ prāpsyatye
vai kalau
272.17
ityevaṃ mānavo vaṃśaḥ prāgeva samudāhṛtaḥ || ata ūrddhvaṃ pravakṣyāmi māgadhā ye bṛhadrathāḥ
272.18
pūrveṇa ye jarāsandhātsahadevānvaye nṛpāḥ || atītā vartta
mānāśca bhaviṣyāṃśca nibodhata
272.19
saṃgrāme bhārate vṛtte sahadeve nipātite || somādhistasya dāyādo rājābhūtsagirivraje
272.20
pañcāśataṃ tathāṣṭau ca samā
rājyamakārayat|| śrutaśravāścatuḥṣaṣṭiṃ samāstasyānvaye'bhavat
272.21
apratīpī ca ṣaṭtriṃśatsamā rājyamakārayat|| catvāriṃśat samāstasya niramitro divaṃ
gataḥ
272.22
pañcāśataṃ samāḥ ṣaṭ ca surakṣaḥ prāptavānmahīm || bṛhatkarmmā trayoviṃśadabdaṃ rājyamakārayat
272.23
senājitsamprayātaśca bhuktvā pañcaśataṃ
mahīm || śrutañjayastu varṣāṇi catvāriṃśadbhaviṣyati
272.24
aṣṭāviṃśativarṣāṇi mahīṃ prāpsyati vai vibhuḥ || aṣṭapañcāśataṃ ṣaṭ ca rājye sthāsyati
vai śuciḥ
272.25
aṣṭāviṃśatsamā rājā kṣemo bhokṣyati vai mahīm || anuvrataścatuḥṣaṣṭiṃ rājyaṃ prāpsyati vīryyavān
272.26
pañcatriṃśativarṣāṇi
sunetro bhokṣyate mahīm || bhokṣyate nivṛtiścemāmaṣṭapañcāśataṃ samāḥ
272.27
aṣṭāviṃśatsamā rājyaṃ trinetro bhokṣyate tataḥ || catvāriṃśat tathāṣṭau ca
dyumatseno bhaviṣyati
272.28
trayastriṃśattu varṣāṇi mahīnetraḥ prakāśayate || dvātriṃśattu samā rājā hyacalastu bhaviṣyati
272.29
ripuñjayastu varṣāṇi
pañcāśatprāpsyate mahīm || dvātriṃśati nṛpā hyete bhavitāro bṛhadrathāḥ
272.30
pūrṇaṃ varṣasahasrantu teṣāṃ rājyaṃ bhaviṣyati || jayatāṃ kṣatriyāṇāñca bālakaḥ
pulako bhavet
272.30.p1
iti śrīmātsye mahāpurāṇe rājavaṃśānukīrttane ekasaptatyadhikadviśatatamo'dhyāyaḥ
Linked texts (2)
- Vāyupurāṇa — Vyāsa, Sanskrit
- Brahmāṇḍapurāṇa — Vyāsa, Sanskrit