Matsya 274
Matsya 274
- Language
- Sanskrit
Contents
- 274.81 — 1 part
274.1
cha || || sūta uvāca
kāṇvāyanāstato bhūpāḥ suśarmmāṇaṃ prasahya tām || śuṅgānāñcaiva yaccheṣaṃ kṣapitvā tu balīyasaḥ
274.2
śiśūko'ndhraḥ sajātīyaḥ prāpsyatīmāṃ vasundharām
trayoviṃśatsamāṃ rājā śiśukastu bhaviṣyati
274.3
śrīmallakarṇirbhavitā tasya putrastu vai daśa || pūrṇotsaṅgastato rājā varṣāṇyaṣṭādaśaiva tu
274.4
pañcāśataṃ samāḥ ṣaṭ ca śāntakarṇirbhaviṣyati || daśa cāṣṭau ca varṣāṇi tasya lambodaraḥ sutaḥ
274.5
āpītako daśa dve ca tasya putro bhaviṣyati
daśa cāṣṭau ca varṣāṇi meghasvātirbhaviṣyati
274.6
svātiśca bhavitā rājā samāstvaṣṭādaśaiva tu || skandasvātistathā rājā saptaiva tu bhaviṣyati
274.7
mṛgendraḥ svātikarṇastu bhaviṣyati samāstrayaḥ || kuntalaḥ svātikarṇastu bhavitāṣṭau samā nṛpaḥ
274.8
ekasaṃvatsaraṃ rājā svātivarṇo bhaviṣyati
274.9
bhavitā riktavarṇastu varṣāṇi pañcaviṃśatiḥ || tataḥ saṃvatsarānapañca hālo rājā bhaviṣyati
274.10
pañca mandulako rājā bhaviṣyati samā nṛpaḥ || purīndraseno bhavitā tasmātsaumyo bhaviṣyati
274.11
sundaraḥ śāntikarṇastu abdamekaṃ bhaviṣyati || cakoraḥ svātikarṇastu ṣaṇmāsānvai bhaviṣyati
274.12
aṣṭāviṃśativarṣāṇi śivasvātirbhaviṣyati || rājā ca gautamīputro hyekaviṃśatyato nṛpaḥ
274.13
aṣṭāviṃśatsutastasya pulomā vai bhaviṣyati || śivaśrīvaiṃ pulomāttu saptaiva bhavitā nṛpaḥ
274.14
śivaskandhaḥ śāntikarṇādbhavitā hyātmajaḥ samāḥ || navaviṃśativarṣāṇi yajñaśrīḥ śāntikarṇikaḥ
274.15
ṣaḍeva bhavitā tasmādvijayastu samāstataḥ || caṇḍaśrīḥ śāntikarṇastu tasya putraḥ samā daśa
274.16
pulomā sapta varṣāṇi anyasteṣāṃ aviṣyati
ekonaviṃśatihyaite āndhrā bhokṣyanti vai mahīm
274.17
teṣāṃ varṣaśatāni syuścatvāri ṣaṣṭireva ca || āndhrāṇāṃ saṃsthitā rājye teṣāṃ bhṛtyānvaye nṛpāḥ
274.18
saptaivāndhrā bhaviṣyanti daśābhīrāstathā nṛpāḥ || sapta garddabhilāścāpi śakāścāṣṭādaśaiva tu
274.19
yavanāṣṭau bhaviṣyanti tuṣārāśca caturddaśa
trayodaśa guruṇḍāśca hūṇā hyekonaviṃśatiḥ
274.20
yavanāṣṭau bhaviṣyanti saptāśīti mahīmimām || sapta garddabhilā bhūyo bhokṣyantīmāṃ vasundharām
274.21
saptavarṣasahasrāṇi tuṣārāṇāṃ mahī smṛtā || śatāni trīṇyaśītiñca śatānyaṣṭādaśaiva tu
274.22
śatānyarddhaṃ catuṣkāṇi bhavitavyāstrayodaśa || guruṇḍā
vṛṣalaiḥ sārddhaṃ bhokṣyante mlecchasambhavāḥ
274.23
śatāni trīṇi bhokṣyante varṣāṇyaikādaśaiva tu || āndhrāḥ śrīpārvvatīyāśca te dvipañcāśataṃ samāḥ
274.24
saptaṣaṣṭistu varṣāṇi daśābhīrāstathaiva ca || teṣūtsanneṣu kālena tataḥ kilakilā nṛpāḥ
274.26
bhaviṣyantīha yavanā dharmmataḥ kāmato'rthataḥ
tairvimiśrā janapadā āryā mlecchāśca sarvvaśaḥ
274.26-2
viparyyayeṇa varttante kṣayameṣyanti vai prajāḥ || lubdhānṛtābruvāścaiva bhavitāro nṛpāstathā
274.27
kalkinānuhatāḥ sarvve āryā mlecchāśca sarvvataḥ || adhārmikāśca ye'tyarthaṃ pāṣaṇḍāścaiva sarvvaśaḥ
274.28
pranaṣṭe nṛpavaṃśe tu sandhyāśiṣṭe kalau yuge
kiñcicchiṣṭāḥ prajāstā vai dharme naṣṭe'parigrahāḥ
274.29
asādhavo hyasattvāśca vyādhiśokena pīḍitāḥ || anāvṛṣṭihatāścaiva parasparavadhepsavaḥ
274.30
aśaraṇyāḥ paritrastāḥ saṅkaṭaṃ ghoramāśritāḥ || saritparvvatavāsinyo bhaviṣyantyakhilāḥ prajāḥ
274.31
patramūlaphalāhārāścariratrājināmbarāḥ
vṛttyarthamabhilipsantyaścariṣyanti vasundharām
274.32
evaṃ kaṣṭamanuprāptāḥ prajāḥ kāle yugāntake || niḥśeṣāstu bhaviṣyanti sārddhaṃ kaliyugena tu
274.33
kṣīṇe kaliyuge tasmindivye varṣasahasrake || sasandhyāṃśe suniḥśeṣe kṛtantu pratipatsyate
274.34
evaṃ vaṃśakramaḥ kṛtsnaḥ kīrttito yo mayā
kramāt || atītā varttamānāśca tathaivānāgatāśca ye
274.35
mahāpadmābhiṣekāttu yāvajjanma parikṣitaḥ || evaṃ varṣasahasrantu jñeyaṃ pañcāśaduttaram
274.36
paulomāstu tathāndhrāstu mahāpadmāntare punaḥ|| anantaraṃ śatānyaṣṭau ṣaṭtriṃśattu samāstathā
274.37
tāvatkālāntaraṃ bhāvyamāntrāntādā parīkṣitaḥ
bhaviṣye te prasaṃkhyātāḥ purāṇajñaiḥ śrutarṣibhiḥ
274.38
saptarṣayastadā prāṃśu pradīptenāgninā samāḥ|| saptaviṃśatibhāvyānāmāndhrāṇāntu yadā punaḥ
274.39
saptarṣayastu varttante yatra nakṣatramaṇḍale || saptarṣayastu tiṣṭhanti paryyāyeṇa śataṃ śatam
274.40
saptarṣīṇāmuparyyaitatsmṛtaṃ vai divyasaṃjñayā || samā
divyāḥ smṛtāḥ ṣaṣṭirdivyābdāni tu saptabhiḥ
274.41
ebhiḥ pravarttate kālo divyaḥ saptarṣibhistu vai || saptarṣīṇāñca yau pūrvvau dṛśyete hyuditau niśi
274.42
tayormadhye tu nakṣatraṃ dṛśyate yatsamaṃ divi || tena saptarṣayo jñeyā yuktā vyomni śataṃ samāḥ
274.43
nakṣatrāṇāmṛṣīṇāñca yogasyaitannidarśanam
saptarṣayo maghāyuktāḥ kāle pārikṣite śatam
274.44
brāhmaṇastu caturviṃśā bhaviṣyanti śataṃ samāḥ || tataḥ prabhṛtyayaṃ sarvvo loko vyāpatsyate bhṛśam
274.45
anṛtopahatā lubdhā dharmataḥ kāmato'rthataḥ || śrautasmārttaditiśithile naṣṭavarṇāśrame tathā
274.46
saṅkaraṃ durbalātmānaḥ pratipatsyanti mohitāḥ
brāhmaṇāḥ śūdrayonisthāḥ śūdrā vai mantrayonayaḥ
274.47
upasthāsyanti tānviprāstadarthamabhilipsavaḥ || krameṇaiva ca dṛśyante svavarṇāntaradāyakam
274.48
kṣayameva gamiṣyanti kṣīṇaśeṣā yugakṣaye || yasminkṛṣṇo divaṃ yātastasminneva tadāhani
274.49
pratipannaṃ kaliyugaṃ pramāṇaṃ tasya me śṛṇu || catuḥśa
tasahasrantu varṣāṇāṃ vai smṛtaṃ budhaiḥ
274.50
catvāryyaṣṭasahasrāṇi saṃkhyātaṃ mānuṣeṇa tu || divyaṃ varṣasahasrantu tadā saṃkhyā pravarttate
274.51
niḥśeṣe tu tadā tasminkṛtaṃ vai pratipatsyate || ailaścaikṣvākuvaṃśaśca sahadevaḥ prakīrttitaḥ
274.52
ikṣvākoḥ saṃsmṛtaṃ kṣatraṃ sumitrāntaṃ bhaviṣyati
ailaṃ kṣatraṃ samākrāntaṃ somavaṃśavido viduḥ
274.53
ete vivasvataḥ putrāḥ kīrttitāḥ kīrttivarddhanāḥ || atītā varttamānāśca tathaivānāgatāśca ye
274.54
brāhmaṇāḥ kṣatriyā vaiśyāstathā śūdrāśca vai smṛtāḥ || vaivasvate'ntare tasminniti vaṃśaḥ samāpyate
274.55
devāpiḥ pauravo rājā aikṣvāko yaśca te mataḥ
mahāyogabalopetau kalāpagrāmamāśritau
274.56
etau kṣatrapraṇetārau navaviṃśe caturyuge || suvarccā manuputrastu aikṣvākādyo bhaviṣyati
274.57
navaviṃśe yuge'sau vai vaṃśasyādirbhaviṣyati || devāpiputraḥ satyastu ailānāṃ bhavitā nṛpaḥ
274.58
kṣatrapravarttakāvetau bhaviṣye tu caturyuge || evaṃ sarvveṣu
vijñeyaṃ santānārthantu lakṣaṇam
274.59
kṣīṇe kaliyuge caiva tiṣṭhantīti kṛte yuge || saptarṣayastu taiḥ sārddhaṃ madhye tretāyuge punaḥ
274.60
bījārthaṃ vai
bhaviṣyanti brahmakṣatrastu vai punaḥ || evamevantu sarvveṣu tiṣyānteṣvantareṣu ca
274.61
saptarṣayo nṛpaiḥ sārddhaṃ santānārthaṃ yuge yuge || evaṃ kṣatrasya cotsedhaḥ
sambandho vai dvijaiḥ smṛtaḥ
274.62
manvantarāṇāṃ santāne santānāśca śrutau smṛtāḥ || atikrāntayugāścaiva brahmakṣatrasya sambhavāḥ
274.63
yathā
praśāntisteṣāṃ vai prakṛtīnāṃ yathā kṣayaḥ || saptarṣayo vidusteṣāṃ dīrghāyuṣṭvaṃ kṣayodayau
274.64
etena kramayogena ailā ikṣvākavo nṛpāḥ || utpadya
mānāstretāyāṃ kṣīyamāṇāḥ kalau yuge
274.65
anuyānti yugākhyāntu yāvanmanvantarakṣayam || jāmadagnyena rāmeṇa kṣatre niravaśeṣite
274.66
rikteyaṃ vasudhā sarvvā kṣatriyairvvasudhādhipaiḥ || dvivaṃśakaraṇaṃ sarvvaṃ kīrttayiṣye nibodha me
274.67
ailaścaikṣvākuvaṃśaśca prakṛtiṃ paricakṣate || rājānaḥ śreṇi
baddhāśca tathānye kṣatriyā bhuvi
274.68
ailavaṃśāstu bhūyāṃso na tathaikṣvākavo nṛpāḥ || eṣāmekaśataṃ pūrṇaṃ kulānāmabhirocate
274.69
tāvadeva tu
bhojāṃnāṃ vistārādviguṇaṃ smṛtam || bhojānāṃ dviguṇaṃ kṣatraṃ caturddhā tadyathātatham
274.70
te hyatītāḥ sanāmāno bruvatastānnibodha me || śataṃ vai prati
vindhyānāṃ śataṃ nāgāḥ śataṃ hayāḥ
274.71
śatamaiṃkaṃ dhārttarāṣṭrā hyaśītirjanamejayāḥ || śataṃ vai brahmadattānāṃ vīrāṇāṃ kuravaḥ śatam
274.72
tataḥ
śatañca pāñcālāḥ śataṃ kāśikuśādayaḥ || tathāpare sahastre dve ye nīpāḥ śaśavindavaḥ
274.73
iṣṭavantaśca te sarvve sarvve niyatadakṣiṇāḥ || evaṃ rājarṣayo'
tītāḥ śataśo'tha sahasraśaḥ
274.74
manorvaivasvatasyāsanvarttamāne'ntare vibhoḥ || teṣāntu nidhanotpattau lokasaṃsthitayaḥ sthitāḥ
274.75
na śakyo
vistarasteṣāṃ santānasya parasparam || tatpūrvvāparayogena vaktuṃ varṣaśatairapi
274.76
aṣṭāviṃśasamākhyātā gatā vaivasvate'ntare || ete devagaṇaiḥ sārddhaṃ
śiṣṭā ye tānnibodhata
274.77
catvāriṃśattrayaścaiva bhaviṣyāste mahātmanaḥ || avaśiṣṭā yugākhyāste tato vaivasvato hyayam
274.78
etadvaḥ kīrttitaṃ
samyaksamāsavyāsayogataḥ || punarvaktuṃ bahutvāttu na śakyaṃ vistareṇa tu
274.79
uktā rājarṣayo ye tu atītāste yugaiḥ saha || ye te yayātivaṃśyānāṃ
ye ca vaṃśā viśāṃpate
274.80
kīrttitā dyutimantaste ya etāndhārayennaraḥ || labhate sa varānpañca durlabhāniha laukikān
274.81
āyuḥ kīrttiṃ dhanaṃ
svarge putrāṃścābhiṃjāyate || dhāraṇācchravaṇāccaiva paraṃ svargaṃsya dhīmataḥ
274.81.p1
iti śrīmatsye mahāpurāṇe bhaviṣyarājānukīrttanaṃ nāma trisaptatyadhika dviśatatamo'dhyāyaḥ
Linked texts (6)
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Bhāgavatapurāṇa — Vyāsa, Sanskrit
- Viṣṇupurāṇa (vulgate) — Sanskrit
- Bhāgavatamāhātmya — Kṛṣṇacandra, Sanskrit
- Anvitārthaprakāśikā — Gaṅgāsahāya Śarman, Sanskrit