Pramāṇa · Search · About · API

Matsya 275

Matsya 275

Language
Sanskrit

Contents

275.1

cha || || ṛṣaya ūcuḥ || || nyāyenārjanamarthānāṃ varddhanañcābhirakṣaṇam || satpātrapratipattiśca sarvvaśāstreṣu paṭhyate

275.2

kṛtakṛtyo bhavetkena manasvī dhanavānbudhaḥ || mahādānena dattena tanno vistarato vad

275.3

sūta uvāca || || athātaḥ sampravakṣyāmi mahādānānu
kīrttanam || dānadharme'pi yatproktaṃ viṣṇunā prabhaviṣṇunā

275.4

tadahaṃ sampravakṣyāmi mahādānamanuttamam || sarvvapāpakṣayakaraṃ nṛṇāṃ duḥsvapnanāśanam

275.5

yattatṣoḍaśadhā proktaṃ vāsudevena bhūtale || puṇyaṃ pavitramāyuṣyaṃ sarvvapāpaharaṃ śubham

275.7

pūjitaṃ devatābhiśca brahmaviṣṇuśivādibhiḥ || ādyantu sarvva
dānānāṃ tulāpuruṣasaṃjñakam ||6||hiraṇyagarbhadānañca brahmāṇḍaṃ tadanantaram||kalpapādapadānañca gosahasrañca pañcamam

275.8

hiraṇyakāmadhenuśca hiraṇyāśvastathaiva
ca || hiraṇyāśvarathastadvaddhemahastirathastathā

275.9

pañcalāṅgalakaṃ tadvaddharādānaṃ tathaiva ca || dvādaśaṃ viśvacakrantu tataḥ kalpalatātmakam

275.10

saptasāgara
dānañca ratnadhenustathaiva ca || mahābhūtaghaṭastadvat ṣoḍaśaṃ parikīrttitam

275.11

sarvvāṇyetāni kṛtavān purā śambarasūdanaḥ || vāsudevastu bhagavā
nambarīṣo'tha bhārgavaḥ

275.12

kārttavīryyārjuno nāma prahlādaḥ pṛthureva ca || kuryyuranye mahīpālāḥ kecicca bharatādayaḥ

275.13

yasmādvignasaha
sreṇa mahādānāni sarvvadā || rakṣante devatāḥ sarvvā ekaikamapi bhūtale

275.14

eṣāmanyatamaṃ kuryyādvāsudevaprasādataḥ || na śakyamanyathā karttumapi
śakreṇa bhūtale

275.15

tasmādārādhya govindamumāpativināyakau || mahādānamakhaṃ kuryyādvipraiścaivānumoditaḥ

275.16

etadevāha manave paripṛṣṭo
janārddanaḥ || yathāvadanuvakṣyāmi śṛṇudhvamṛṣisattamāḥ

275.17

manuruvāca || || mahādānāni yānīha pavitrāṇi śubhāni ca || rahasyāni
pradeyāni tāni me kathayācyuta

275.18

matsya uvāca || || yāni noktāni guhyāni mahādānāni ṣoḍaśa || tāni te kathayiṣyāmi yathāvadanupū
rvvaśaḥ

275.19

tulāpuruṣayogo'yaṃ yeṣāmādau vidhīyate || ayane viṣuve puṇye vyatīpāte dinakṣaye

275.20

yugādiṣūparāgeṣu tathā manvantarādiṣu
saṃkrāntau vaidhṛtidine caturddaśyaṣṭamīṣu ca

275.21

sitapañcadaśīparvvadvādaśīṣvaṣṭakāsu ca || yajñotsavavivāheṣu duḥsvapnādbhutadarśane

275.22

dravyabrā
hmaṇalābhe vā śraddhā vā yatra jāyate || tīrthe vāyatana goṣṭhe kūpārāmasaritsu ca

275.23

gṛhe vāyatana vāpi taḍāge rucire tathā || mahā
dānāni deyāni saṃsārabhayabhīruṇā

275.24

anityaṃ jīvitaṃ yasmādvasu cātīva cañcalam || keśeṣveva gṛhītaḥ sanmṛtyunā dharmmamācaret

275.25

puṇyāṃ tithimāsādya kṛtvā brāhmaṇavācanam || ṣoḍaśāratnimātrantu daśa dvādaśa vā karān

275.26

maṇḍapaṃ kārayedvidvān caturbhadrāsanaṃ budhaḥ
saptahastā bhavedvedī madhye pañcakarā tathā

275.27

tanmadhye toraṇaṃ kuryyāt sāradārumayaṃ budhaḥ || kuryyāt kuṇḍāni catvāri caturdikṣu vicakṣaṇaḥ

275.28

samekhalāyoniyutāni kuryyāt sampūrṇakumbhāni sahāmanāni || sutāmrapātradvayasaṃyutāni sayajñapātrāṇi suviṣṭarāṇi

275.29

hastapramāṇāni tilājyadhūpapuṣpopahārāṇi suśobhanāni || pūrvvottare hastamitātha vedī grahādideveśvarapūjanāya

275.30

atrāccenaṃ brahmaśivā
cyutānāṃ tatraiva kāryyaṃ phalamālyavastraiḥ || lokeśavarṇāḥ paritaḥ patākā madhye dhvajaḥ kiṅkiṇikāyutaḥ syāt

275.31

dvāreṣu kāryāṇi ca toraṇāni
catvāryyapi kṣīravanaspatīnām || dvāreṣu kumbhadvayamatra kāryyaṃ sraggandhadhūpāmbararatnayuktam

275.32

śāleṅgudīcandanadevadāruśrīparṇivilvapriyakāñca
nottham || stambhadvayaṃ hastayugāvakhātaṃ kṛtvā dṛḍhaṃ pañcakarocchritañca

275.33

tadantaraṃ hastacatuṣṭayaṃ syādathodaraṅkaśca tadaṅgameva || samānajātiśca tulā
valambyā haimena madhye puruṣeṇa yuktā

275.34

dairghyeṇa sā hastacatuṣṭayaṃ syāt pṛthutvamasyāstu daśāṅgulāni || suvarṇapaṭṭābharaṇā tu
kāryā sā lohapāśadvayaśṛṅkhalābhiḥ

275.35

yutā suvarṇena tu ratnamālā vibhūṣitā mālyavilepanābhyām || cakraṃ likhedvārijagarbha
yuktaṃ nānārajobhirbhuvi puṣpakīrṇam

275.36

vitānakañcopari pañcavarṇaṃ saṃsthāpayetpuṣpaphalopaśobham || athartvijo vedavidaśca kāryāḥ
surūpaveśānvayaśīlayuktāḥ

275.37

vidhānadakṣāḥ paṭavo'nukūlā ye cāryyadeśaprabhavā dvijendrāḥ || guruśca vedāntavidāryyavaṃśasamudbhavaḥ śīla
kulābhirūpaḥ

275.38

purāṇaśāstrāmirato'tidakṣaḥ prasannagambhīrasarasvatīkaḥ || sitāmbaraḥ kuṇḍalahemasūtrakeyūrakaṇṭhābharaṇābhirāmaḥ

275.39

pūrvveṇa ṛgvedavidāvathāstāṃ yajurvidau dakṣiṇataśca śastau || sthāpyau dvijau sāmavidau tu paścādātharvvaṇāvuttaratastu kāryau

275.40

vināyakādigraha
lokapālavasvaṣṭakādityamarudgaṇānām || brahmācyuteśārkavanaspatīnāṃ svamantrato homacatuṣṭayaṃ syāt

275.41

japyani sūktāni tathaiva caiṣāmanukrameṇāpi
yathāsvarūpam || homāvasāne kṛtatūryyanādo gururgṛhītvā balipuṣpadhūpam || āvāhayellokapatīnkrameṇa mantrairamībhiryajamānayuktaḥ

275.42

ehyehi sarvvāmara siddhasādhyairabhiṣṭuto vajradharo'marośaḥ || saṃvījyamāno'psarasāṃ gaṇena rakṣādhvaraṃ no bhagavan namaste

275.43

oṃ indrāya namaḥ
ehyehi sarvvāmarahavyavāha munipravīrairabhito'bhijuṣṭaḥ || tejasvinā lokagaṇena sārddhaṃ mamādhvaraṃ rakṣa kave namaste

275.44

oṃ agnaye namaḥ || ehyehi vai
vasvata dharmarāja sarvvāmarairarcita divyamūrtte || śubhāśubhānandaśucāmadhīśa śivāya naḥ pāhi makhaṃ namaste

275.46

oṃ yamāya namaḥ || ehyehi rakṣogaṇa
nāyakastvaṃ sarvvaistu vetālapiśācasaṅghaiḥ|| mamādhvaraṃ pāhi śubhādinātha lokeśvarastvaṃ bhagavannamaste

275.46-2

oṃ nirṛtaye namaḥ|| ehyehi yādogaṇavāridhī
nāṃ gaṇena parjjanyamahāpsarobhiḥ|| vidyādharendrāmaragīyamāna pāhi tvamasmānbhagavannamaste

275.47

oṃ varuṇāya namaḥ|| ehyehi yajñe mama rakṣaṇāya mṛgā
dhirūḍhaḥ saha siddhasaṅghaiḥ|| prāṇādhipaḥ kālakaveḥ sahāyo gṛhāṇa pūjāṃ bhagavannamaste

275.48

oṃ vāyave namaḥ|| ehyehi yajñeśvara yajñarakṣāṃ vidhatsva
nakṣatragaṇena sārddham || sarvvauṣadhībhiḥ pitṛbhiḥ sahaiva gṛhāṇa pūjāṃ bhagavannamaste

275.49

oṃ somāya namaḥ|| ehyehi viśveśvara nastriśūlakapālakhaṭvāṅga
dhareṇa sārddham || lokeśa yajñeśvara yajñasiddhayai gṛhāṇa pūjāṃ bhagavannamaste

275.50

oṃ īśānāya namaḥ|| ehyehi pātālavarādharendra nāgāṅganākinnaragīya
māna || yakṣoragendrāmaralokasārddhamananta rakṣādhvaramasmadīyam

275.51

oṃ anantāya namaḥ|| ehyehi viśvādhipate munīndra lokena sārddhaṃ pitṛdevatābhiḥ
sarvvasya dhātāsyamitaprabhāva vijñādhvaraṃ no bhagavannamaste

275.52

oṃ brahmaṇe namaḥ|| trailokye yāni bhūtāni sthāvarāṇi carāṇi ca|| brahmaviṣṇu
śivaiḥ sārddhaṃ rakṣāṃ kurvvantu tāni me

275.53

devadānavagandharvvā yakṣarākṣasapannagāḥ|| ṛṣayo manavo gāvo devamātara eva ca

275.54

sarvve mamā
dhvare rakṣāṃ prakurvvantu mudānvitāḥ || ityāvāhya surāndadyādṛṛtvigbhyo hemabhūṣaṇam

275.55

kuṇḍalāni ca haimāni sūtrāṇi kaṭakāni ca || aṅgulīyapavi
trāṇi vāsāṃsi śayanāni ca

275.56

dviguṇaṃ gurave dadyādbhūṣaṇācchādanāni ca|| japeyuḥ śāntikādhyāyaṃ jāpakāḥ sarvvatodiśam

275.57

tatro
ṣitāstu te sarvve kṛtvaivamadhivāsanam|| ādāvante ca madhye ca kuryyādbrāhmaṇavācanam

275.58

tato maṅgalaśabdena snāpito vedapuṅgavaiḥ|| triḥ pradakṣiṇama
vṛtya gṛhītakusumāñjaliḥ

275.59

śuklamālyāmbaro bhūtvā tāṃ tulāmabhimantrayet || namaste sarvvadevānāṃ śaktistvaṃ satyamāsthitā

275.60

sākṣibhūtā
jagaddhātrī nirmitā viśvayoninā || ekataḥ sarvvasatyāni tathā'nṛtaśatāni ca

275.61

dharmmādharmmakṛtāṃ madhye sthāpitāsi jagaddhite || tvaṃ tule sarvvabhūtā
nāṃ pramāṇamiha kīrttitā

275.62

māṃ tolayantī saṃsārāduddharasva namo'stu te || yo'sau tattvādhipo devaḥ puruṣaḥ pañcaviṃśakaḥ

275.63

sa eko'dhi
ṣṭhito devi tvayi tasmānnamo namaḥ || namo namaste govinda tulāpuruṣasaṃjñaka

275.64

tvaṃ hare tārayasvāsmānasmātsaṃsārakaddrmāt || puṇyakālaṃ samā
sādya kṛtvaivamadhivāsanam

275.65

punaḥ pradakṣiṇaṃ kṛtvā tulāmirohayedbudhaḥ || sakhaḍga carmakavacaḥ sarvvābharaṇabhūṣitaḥ

275.66

dharmmarājamathādāya
haimaṃ sūryeṇa saṃyutam || karābhyāṃ baddhamuṣṭibhyāmāste paśyanharermukham

275.67

tato'pare tulābhāge nyaseyurdvijapuṅgavāḥ || samādabhyadhikaṃ yāvatkāñca
nañcātinirmalam

275.68

pṛṣṭikāmastu kurvīta bhūmisaṃsthaṃ nareśvaraḥ|| kṣaṇamātraṃ tataḥ sthitvā punarevamudīrayet

275.69

namaste sarvvabhūtānāṃ
sākṣibhūte sanātani || pitāmahena devi tvaṃ nimmmitā parameṣṭhinā

275.70

tvayā dhṛtaṃ jagatsarvvaṃ sahasthāvarajaṅgamam || sarvvabhūtātmabhūtasthe namaste
viśvadhāriṇi

275.71

tato'vatīryya gurave pūrvvamarddhaṃ nivedayet || ṛtvigbhyo'paramarddhantu dadyādudakapūrvvakam

275.72

gurave grāmaratnāni ṛtvi
gbhyaśca nivedayet || prāpya teṣāmanujñāntu tathānyebhyo'pi dāpayet

275.73

dīnānāthaviśiṣṭādīnpūjayedbrāhmaṇaiḥ saha || na ciraṃ dhārayedgehe suvarṇaṃ prokṣi
taṃ budhaḥ

275.74

tiṣṭhedbhayāvahaṃ yasmācchokavyādhikaraṇaṃ nṛṇām || śīghraṃ parasvīkaraṇācchreyaḥ prāpnoti mānavaḥ

275.75

anena vidhinā yastu tulāpuruṣamā
caret || pratilokādhipasthāne pratimanvantaraṃ vaset

275.76

vimānenārkavarṇena kiṅkiṇījālamālinā || pūjyamāno'psarobhiśca tato viṣṇoḥpuraṃ vrajet
kalpakoṭiśataṃ yāvattāsmim̐lloke mahīyate

275.77

karmmakṣayādiha punarbhuvi rājarājo bhūpālamaulimaṇirañjitapādapīṭhaḥ || śraddhānvito bhavati yajñasahasrayājī
dīptapratāpajitasarvvamahīpalokaḥ

275.78

yo dīyamānamapi paśyati bhaktiyuktaḥ kālāntare smarati vācayatīha loke || yo vā śṛṇoti paṭhatīndrasamānarūpaḥ
prāpnoti dhāma sa purandaradevajuṣṭam

275.78.p1

iti śrīmātsye mahāpurāṇe mahādānānukīrttane tulāpuruṣadānaṃ nāma catuḥsaptatyadhikadviśatatamo'dhyāyaḥ

Linked texts (11)