Matsya 276
Matsya 276
- Language
- Sanskrit
Contents
- 276.29 — 1 part
276.1
matsya uvāca || || athātaḥ sampravakṣyāmi mahādānamanuttamam || nāmnā hiraṇyagarbhbhākhyaṃ mahāpātakanāśanam
276.2
puṇyaṃ dinamathāsādya tulā
puruṣadānavat || ṛtviṅmaṇḍapasambhārabhūṣaṇācchādanādikam
276.3
kuryyādupoṣitastadvallokeśāvāhanaṃ budhaḥ || puṇyāhavācanaṃ kṛtvā tadvatkṛtvādhivā
sanam
276.4
brāhmaṇairānayetkumbhaṃ tapanīyamayaṃ śubham || dvisaptatyaṅgulocchrāyaṃ hemapaṅkajagarbhvavat
276.5
tribhāgahīnavistāramājyakṣīrābhipūritam
daśāstrāṇi ca ratnāni dārtrīṃ sūcīṃ tathaiva ca
276.6
hemanālaṃ sapīṭhakaṃ bahirādityasaṃyutam || tathaivāvaraṇaṃ nābherupavītañca kāñcanam
276.7
pārśvataḥ
sthāpayettadvaddhaimadaṇḍakamaṇḍalū || padmākāraṃ pidhānaṃ syātsamantādaṅgulādhikam
276.8
muktāvalīsamopetaṃ padmarāgamanvitam || tiladroṇoparigataṃ
vedimadhye vyavasthitam
276.9
tato maṅgalaśabdena brahmaghoṣaraveṇa ca || sarvvauṣadhyudakasnānasnāpito vedapuṅgavaiḥ
276.10
śukkumālyāmbaradharaḥ sarvvā
bharaṇabhūṣitaḥ || imamuccārayenmantraṃ gṛhītakusumāñjaliḥ
276.11
namo hiraṇyagarbhāya hiraṇyakavacāya ca || saptalokasurādhyakṣa jagaddhātre namo namaḥ
276.12
bhūrlokamamukhā lokastava garbhe vyavasthitāḥ||brahmādayastathā devā namaste viśvadhāriṇe
276.14
namaste bhuvanādhāra namaste bhuvanāśraya || namo hiraṇyagarbhāya
garbhe yasya pitāmahaḥ||13||yatastvameva bhūtātmā bhūte bhūte vyavasthitaḥ||tasmānmāmuddharāśeṣaduḥkhasaṃsārasāgarāt
276.15
evamāmantrya tanmadhyamāviśyāsta
udaṅmukhaḥ || muṣṭibhyāṃ parisaṃgṛhya dharmmarājacaturmukhau
276.16
jānumadhye śiraḥ kṛtvā tiṣṭheducchvāsapañcakam || garbhādhānaṃ puṃsavanaṃ sīmantonnayanaṃ tathā
276.17
kuryurhiraṇyagarbhasya tataste dvijapuṅgavāḥ || gītamaṅgalaghoṣeṇa gururutthāpayettataḥ
276.18
jātakarmyādikāḥ kuryuḥ kriyāḥ ṣoḍaśa cāparāḥ || sūcyādikañca
gurave dadyānmantramimaṃ japet
276.19
namo hiraṇyagarbhāya viśvagarbhāya vai namaḥ || carācarasya jagato gṛhabhūtāya vai namaḥ
276.20
yathā'haṃ janitaḥ pūrvvaṃ martyadharmmā
surottama || tvadgarbhasambhavādeṣa divyadeho bhavāmyaham
276.21
caturbhiḥ kalaśairbhūyastataste dvijapuṅgavāḥ || snāpayeyuḥ prasannā gāḥ sarvvābharaṇabhūṣitāḥ
276.22
devasya tveti mantreṇa sthitasya kanakāsane || adya jātasya te'ṅgāni abhiṣekyāmahe vayam
276.23
divyanānena vapuṣā ciraṃ jīva sukhī bhava
tato hiraṇyagarbhaṃ taṃ tebhyo dadyādvicakṣaṇaḥ
276.24
te pūjyāḥ sarvvabhāvena bahavo vā tadājñayā || tatropakaraṇaṃ sarvvaṃ gurave vinivedayet
276.25
pādukopānahacchatracāmarāsanabhājanam || grāmaṃ vā viṣayaṃ vāpi yadanyadapi sambhavet
276.26
anena vidhinā yastu puṇye'hani nivedayet
hiraṇyagarbhadānaṃ sa brahmaloke mahīyate
276.27
pureṣu lokapālānāṃ pratimanvantaraṃ vaset || kalpakoṭiśataṃ yāvadbrahmaloke mahīyate
276.28
kalikalu
ṣavimuktaḥ pūjitaḥ siddhasādhyairamaracamaramāḷāvījyamāno'psarobhiḥ || pitṛśatamatha bandhūnputrapautrānprapautrān || api narakanimagnāṃstārayedeka eva
276.29
iti paṭhati ya itthaṃ yaḥ śṛṇotīha samyaṅmadhuripuriva loke pūjyate so'pi siddhaiḥ|| matimapi ca janānāṃ yo dadāti priyārthaṃ vibudhapatijanānāṃ nāyakaḥ
syādamogham
276.29.p1
iti śrīmātsye mahāpurāṇe mahādānānukīrttane hiraṇyagarbhapradānavidhirnāma pañcasaptatyadhikadviśatatamo'dhyāyaḥ
Linked texts (7)
- Dānasāgara — Ballālasena, Sanskrit
- Danasagara-ballalasenadeva (ed. Bhabatosh Bhattacharya) — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit
- Dānakalpataru — Lakṣmīdhara, Sanskrit
- Dānamayūkha — Nīlakaṇṭha Dīkṣita 1600, Sanskrit